تۈركزات:سائەت

تۈركزات

	قولۇڭدا بار ئۈچ بىسلىق قايچاڭ، تۈگىتىسەن ۋاقىتنى يەڭگىل تىۋىشتە، تىكە-تىكە قىلىپ-كېمىرىپ. ئاۋاق پېتى تۇرىسەن ئەمما دەم تارتساڭمۇ نەچچە ئېرانى، يالماپ-يېمىرىپ. ئېلىۋالار سېنى ئۇدۇل تام، قۇچىقىغا باغرىنى كېرىپ. ئۇندىن زېرىكسەڭ، ئولتۇرىسەن ئۈستەل ئۈستىدە- گاھى زوڭزۇيۇپ؛ بىلەككىلا قويۇپ بېشىڭنى يانپاشلايسەن گاھىدا يەنە ئىللىق يەڭنىڭ ئىچىگە كىرىپ. شۇنداقتىمۇ نىمىدىندۇ رازى ئەمەستەك چىكىلدايسەن(چايقاپ گاھى باش). كۆرىنىسەن سۈرلۈك،ئالدىراش؛ گەپ قىلمايسەن زىنھار چىش يېرىپ. ھەممەڭ تەلدەك، ھەتتا چۈشۈڭگە- كىرىپ چىقماس مۇنداق ئوي-خىيال: «كېتەرمەنمۇ قىشتا توڭلاپ،تومۇزدا ئېرىپ...». كوسا پېتىسەن،چىقمايدۇ ساقال، كىرمەيسەن ياشقا،كەتمەيسەن قېرىپ. يوقمۇ سېنىڭ رەقىپ-كۈشەندەڭ تاشلىساڭمۇ كۈللى مەخلۇقنىڭ- ئۆمۈر دەرىخىنى شىخىدىن يىرىپ؟! قويۇمدىغانسەن ئۆزۈڭگە سۇئال: «تامام جاھان-كائىناتنىڭ قۇماندانىمەن، نىمىلەرنى ئالدىم ئۇلاردىن، قىلدىم رازى نىمىنى بېرىپ؟!».

پىنھانە

	بۇ شىېرلىرىدىن بەدى زوق ئالدىم. مەنىۋىيىتىمىزگە تىخىمۇ زور ئىلھامىيەت ئۇچقۇنلىرىنى چاچقايلا.

yigiyultuz

	ياخشى يىزىلىپتۇ، مەنىسىمۇ خىلى چوڭقۇر پاساھەتلىك چىقىپتۇ،

arkan

	خوراپ تۈگەۋاتقان ۋاقىتنىڭ شاھىدى بولغان سائەتنىڭ بىزگە بىرىۋاتقان بىشارىتىنى ھەقىقى تونۇپ يەتكەندەك بولدۇم، ئۇكام تۇۈكزاتنىڭ بۇ ئەھمىيەتلىك تىمىسىدىن تولىمۇ سۆيۈندۈم!

سەھەر

	ماۋزۇ كىرىشتۈرۈلگەن رەسىم بەك ياخشى چىقىپتۇ. ۋاقت ھەممىنى يەپ تۈگىتىدۇ، ئادەم ھاياتى ۋە ئۆزى ھەققىدە ئويلانغان چاغلىرىدا نۇرغۇن ۋاقتلارنىڭ ئەھمىيەتسىز ئىشلار بىلەن ئىسراپ بولغىنىنى ئاندىن بىلىدۇ. ئەپسۇس لېكىن ئۇ ۋاقتلارنى كەينىگە قايتۇرۇش مۇمكىن ئەمەس - دە. بۇ شىئېردىن بىر سۇئال، بىر ئۈندەش بەلگىسىنى كۆرگەندەك بولدۇم.

دىلقىزى

	بۇ دۇنيادا ئەڭ ئادىل تەقسىم قىلىنغان نەرسە__ ۋاقىت! ئۇنىڭدىن قانداق پايدىلىنىش ئىنساننىڭ پاراسىتىگە باغلىق.سائەت ھەممىنى قېرىتىدۇ،ۋاقىت ھەممىنى يالماپ تۇگىتىدۇ.تۇركىزاتنىڭ بۇ شېئىرى ۋاقىتنى قەدرلەشنىڭ مۇھىملىغىنى بىزگە يەنىمۇ چوڭقۇر ھېس قىلدۇردى.       قەلەم تۇلپارىڭىز،چاپچىپ تۇغاي!