سېغىنغاچقە كەلگەن گەپ(تەبەسسۇم)

تەبەسسۇم · ۋاقتى: 2012-7-17 19:27:56

سېغىنغاچقا كەلگەن گەپ

يار قولىدا ئەتىرگۈل،
باغۋەن ئاكام بەرگەن گەپ.
بىزنى ئىزدەپ كەپ قاپتۇ،
سېغىنغاچقا كەلگەن گەپ.

سېغىندىڭمۇ دېگەندە،
‹‹ياق›› دېگىنى يالغان گەپ.
قولىدىكى گۈللەرنى،
بىزگە ئاتاپ ئالغان گەپ.

لىغىرلايدۇ كۆزدە ياش،
باغرى ئوتتا يانغان گەپ.
بىلدۈرۈشنى خالىماي،
سېغىنغاندىن تانغان گەپ.

يىراق يولنىڭ تەشۋىشى،
كۆڭلىگە جىن سالغان گەپ.
‹‹يار بۇلارمۇ ماڭا›› دەپ،
ئەنسىرەشتە قالغان گەپ...

بۇ يازمىنى ئاخىرىدا تەبەسسۇم تەھرىرلىگەن. ۋاقتى 2012-7-17 19:29

huxhuy · ۋاقتى: 2012-7-17 20:09:34

ۋاھ،تەبەسسۇمخاننىڭ ماۋۇ قوشاقلىرى بەك تاتلىقيا. شۇ...شۇ سېغىنمىسا كەلگۈلۈكمۇ؟

تۈركزات · ۋاقتى: 2012-7-17 20:56:31

گۈل كۆتۈرگەن قوللىرى،
يولدا نەچچە تالغان گەپ.
تەبەسسۇمنىڭ سۆزلىرى،
يەنە چالا قالغان گەپ...

بۇ يازمىنى ئاخىرىدا تۈركزات تەھرىرلىگەن. ۋاقتى 2012-7-17 20:57

تەبەسسۇم · ۋاقتى: 2012-7-17 21:26:00

ئاشىقلىقنىڭ سازىنى،
ئايانماستىن چالغان گەپ.
سېغىنىشقا چىدىماي،
يۈرەك ساما سالغان گەپ...

يۇلتۇز · ۋاقتى: 2012-7-17 21:34:42

تەبەسسۇم قىز بىلەن تۈركزات ئەپەندى ئاغزىنى ئاچسىلا شېئىر -قوشاقلا تۆكۈلۈپ تۇرامدۇ -نېمە؟شۇنداق يىنىك ھەم ئەۋرىشىم قوشاقلاغۇ بۇ؟! بۇ يازمىنى ئاخىرىدا huxhuy تەھرىرلىگەن. ۋاقتى 2012-7-17 21:39

huxhuy · ۋاقتى: 2012-7-17 21:40:23

تەبەسسۇم خېنىم ئاغزىنى ئاچسا ئەمەس،يۇمسىمۇ شېئىر-قوشاق ياغىدۇ،ئۇنىڭدىن

يۇلتۇز · ۋاقتى: 2012-7-17 23:12:50

شۇنداقمۇ؟ ! ئەمىسە تەبەسسۇم تەبەسسم قىز سەركۇنڭ ساقلايدىغان بولدۇم جۇمۇ!

تۈركزات · ۋاقتى: 2012-7-18 00:11:52

گۈلىگە گۈل سۇناي دەپ،
گۈل تۈۋىگە بارغان گەپ.
ئىشەنسۇن دەپ،يارىنى،
يۈرىكىنى يارغان گەپ.

بۇ يازمىنى ئاخىرىدا تۈركزات تەھرىرلىگەن. ۋاقتى 2012-7-18 00:12

تەبەسسۇم · ۋاقتى: 2012-7-18 12:00:55

سېغىنىشقا چىدىماي،
يولغا نەچچە باققان گەپ.
كۆرۈنمىسە نىگارى،
كۆز ياشلىرى ئاققان گەپ.

تۈركزات · ۋاقتى: 2012-7-18 15:03:33

سالنى سېلىپ يېشىغا،
يارى تامان ئاققان گەپ.
ئوت لاۋىلداپ،يۈرەكنى
نەم توپىغا ياققان گەپ.

بۇ يازمىنى ئاخىرىدا تۈركزات تەھرىرلىگەن. ۋاقتى 2012-7-18 15:03

تەبەسسۇم · ۋاقتى: 2012-7-18 16:25:36

نەدە بولسا خەۋىرى،
شۇ تامانغا چاپقان گەپ.
كۆرەلمىسە ئوڭىدا،
چۈشلىرىدىن تاپقان گەپ.

HOJAKABIZ · ۋاقتى: 2012-7-18 17:38:16

يېقىۋەرمەي نەم يەرگە،
يۇلتۇز كەبى ئاققان گەپ.
كۈيگىنىم راست سىزگە دەپ،
چىقسۇن ئەمدى چاققان،گەپ!

بۇ يازمىنى ئاخىرىدا HOJAKABIZ تەھرىرلىگەن. ۋاقتى 2012-7-18 17:39

تەبەسسۇم · ۋاقتى: 2012-7-18 17:56:19

گەپ تەشكىلى دىت كېرەك،
شۇڭا بېشى قاتقان گەپ.
چىقىۋېلىپ ئۆگزىگە،
يارغا ئالما ئاتقان گەپ.

HOJAKABIZ · ۋاقتى: 2012-7-18 20:47:48

ئالما ئېتىپ گەپ تېشىپ،
دىل رىشتىنى چاتقان گەپ.
باغ تېمىنى چۆگىلەپ،
يارنى پايلاپ ياتقان گەپ

بۇ يازمىنى ئاخىرىدا HOJAKABIZ تەھرىرلىگەن. ۋاقتى 2012-7-18 20:48

تەبەسسۇم · ۋاقتى: 2012-7-18 21:51:36

مۇھەببەتنىڭ مېھرى ھەم،
دەريا بولۇپ ئاققان گەپ.
كۈيلەپ ئىشقى-سۆيگۈنى،
مۇنداق قوشاق قاتقان گەپ.

بۇ يازمىنى ئاخىرىدا تەبەسسۇم تەھرىرلىگەن. ۋاقتى 2012-7-18 21:52

مىكروبلوگ[ يېڭى | 24 سائەت | 7 كۈن | 30 كۈن ]

سېغىنغاچقە كەلگەن گەپ(تەبەسسۇم)

باھا سۆز

باھالاش

分享到：

ئەزا ئۇچۇرى