ھېيىتلىق سالام(ئامىنە ئابدۇۋايىت)

ئامىنە

تۆمۇر داۋامەتكە

سالام سىزگە ئەي ئۇستاز،
شائىر تۆمۇر داۋامەت.
‹‹مۇز تاغ ئاتا›› تىلەيدو،
ئۆمرىڭىزگە قۇت-نۇسرەت.

بولدى بىزگە ئەڭگۇشتەر،
دىۋان ‹‹ئۆمۇر ئىزلىرى››.
ئامراق سىزگە ئەزەلدىن،
تاجىك ئوغۇل-قىزلىرى.

مەنزىللەردە قۇچۇڭ شان،
مەدەتكاردۇر خەلقىمىز.
چىن موھەببەت شاھىدى،
‹‹ئامان بىلەن ئەختەر››قىز.

‹‹چوگۇر››ئالار بېشىغا،
پامىر تامان كەلسىڭىز.
‹‹چوپان ئاتام››بولدى باي،
ئېغىلىدا قوي سېمىز.

موھەممەتجان راشىدىنغا

كۆرمىسەممو سىزنى مەن ئاكا،
ئەڭ يېقىنىم ئۇستازىم دەيمەن.
‹‹كەلسەڭ ئەگەر بۇگۇن كەل››دېسە،
‹‹ئەتە››لىكتىن بەكمو‹‹غەم››يەيمەن.

ئەجەپ تاتلىق شىرىن تىلىڭىز،
بۈلبۈل تىلى يېگەنمو ئاكا.
ئىسمىڭىزنى قويغان ئاخۇنۇم،
‹‹شائىر›› بولوڭ دېگەنمو قايتا.

تونىتقانكەن سىزنى شائىر قىپ،
‹‹تۇنجى شېئر›› ‹‹ئىلى دەرياسى››.
ئىلھامىڭىز بولىقى بوپتو،
‹‹گۇزەل غولجا›› شېئىر سەيناسى.

‹‹شىبلىت ئىزدەش ئېلانى››ڭىزدىن،
‹‹ئاق كۆڭلىڭىز››چۇشەندىم ئاكا.
ئۇستاز تۇتۇپ سىزنى ئۆزۇمگە،
شېئىر يېزىشنى ئۇگەندىم مانا.

كەلسىڭىز گەر ئەزىز قەشقەرگە،
زەر پايانداز سالسامكەن دەيمەن.
ئۇلۇق ئۇستاز ۋە يا پىر بىلىپ،
ئۇدۇمىڭىز ئالسامكەن دەيمەن.

غازى ئەمەتكە

پەرىشتىنى سالىدو ئەسكە،
ئالىم سۇپەت ئاپپاق چېچىڭىز.
سىڭىپ كەتتى  قەلبىمىزگىمو،
غازى ئەمەت دېگەن ئېتىڭىز.

ھەر بىر توچكا سىزىقچىلارغا،
مەرۋايىتتەك ئاقتى تەرىڭىز.
‹‹مۇقام›› ‹‹ساما›› يەتتى ۋايىغا،
بولغاچ بىسيار دىت ھەم ئەقلىڭىز.

سىزنىڭ ئالتۇن قولىڭىز بىلەن،
ئايان بولدى ئالىملىرىمىز.
مەخمۇت،يۇسۇپ،ئاماننىسادەك،
بۇيۇك ئەجدات كامىللىرىمىز.

سىزدەك يىتۇك رەسسام ئوغلىدىن،
پەخىرلەندى پامىر تەڭرى تاغ.
مەن يوللىدۇم ھېيىتلىق سالام،
بىلگەچ سىزنى بىر نۇرلۇق چىراغ.
****
ئەڭ مۇقەددەس روزا ھېيىتتا،
سالام يازدىم سىلەرگە ئاكا.
ئۆمرۇڭلەرگە ياغسۇن بەرىكەت،
ئۇلۇغ ئاللا بولوپ باش پانا.

‹‹››ئىچىگە ئېلىنغىنى شائىرلارنىڭ ۋەكىللىك ئەسەرلىرىنىڭ باش تىمىسى
2013-8-8-ئاقتۇ

yadikar

ئىلھامىڭىز تىخىمۇ پەرۋاز قىلغاي.

HOJAKABIZ

قەلىمىڭىزنىڭ تىزلىكىدىن ھەيرانمەن، يەنىمۇ ياخشى،يېڭى تېمىلار ئۇچراپ تۇرغاي!

ئامىنە

بو ئۇچ ئۇستازنىڭ تەرىپىگە قەلىمىم ئاجىز كەپ قالدى شۇنداقتىمو سەمىمى سالامىمنى يوللىۋىلىپ ئۆزۇمدىن سۇيۇنۇپ كەتتىم-دېسە