تارىختىكى بۈگۈن(8-ئاينىڭ 7-كۈنى)

udun

تارىختىكى بۈگۈن(8-ئاينىڭ 7-كۈنى)

2002-يىلى بۈگۈنكى كۈندە، كولۇمبىيەنىڭ يېڭى زۇڭتۇڭى ئىۋارو يۇرىب ۋەزىپىگە ئولتۇرۇش قەسىمى بەرگەن. ئۇ كولۇمبىيەنىڭ 39-نۆۋەتلىك زۇڭتۇڭى. 2006-يىلى يەنە قايتا ۇڭتۇڭ بولغان.

    1998-يىلى بۈگۈنكى كۈندە، ئامېرىكىنىڭ كىنىيە ۋە تانزانىيەدىكى ئەلچىخانىسى ئاپتوموبىلغا قاچىلانغان بومبا پارتلىتىش زەربىسىگە ئۇچرىغان. ئاز دېگەندىمۇ 154 كىشى پارتلاشتا قازا قىلغان، 4000 دىن ئارتۇق ئادەم يارىلانغان. كىنىيە بىلەن تانزانىيە ئامېرىكا تەرىپىدىن خەتىرى تۆۋەن دۆلەتلەر ھېسابلىناتتى. لېكىن كىممۇ ئويلىسۇن، ئامېرىكىنىڭ بۇ ئىككى دۆلەتتىكى ئەلچىخانىلىرى تېررورچىلارنىڭ ھۇجۇمىغا ئارقا-ئارقىدىن ئۇچرىدى.

    1971-يىلى بۈگۈنكى كۈندە، «ئاپولو-15» نومۇرلۇق ئالەم كېمىسى مۇۋەپپەقىيەتلىك يەرگە قوندى. بۇ ئالەم كېمىسدە ئۈچ ئۇچقۇچى بار. پۈتكۈل ئۇچۇش ئۈچۈن 12 كۈن يەتتە سائەت 20 مىنۇت كەتكەن. ئاي شارىدا جەمئىي 27.9 كىلومېتىر يول يۈرگەن.

    1960-يىلى بۈگۈنكى كۈندە، كاستېرو ئامېرىكىنىڭ كۇبادىكى بارلىق مۈلكىنى ئومۇمغا ئۆتكۈزۈۋەتكەن. ئامېرىكىنىڭ نېفىت چەككىلەش زاۋۇتى، شېكەر ئىشلەپچىقىرىش زاۋۇتى، ئاممىۋى ئىشلار ئەسلىھەلىرى ۋە باشقا مال-مۈلكىنىڭ ئومۇمىي باھاسى مىليون ئامېرىكا دوللىرىغا يېتىدىغان بولۇپ، كۇبانىڭ ھەربىي كۈچى ئارقىلىق ئومۇمغا ئۆتكۈزۈۋەتكەن. كاستېرونىڭ بۇنداق قىلىشتىكى سەۋەبى ئېزىنخاۋېر ھۆكۈمىتىنىڭ بۇ ئارال دۆلىتىگە ئىقتىسادى جازا يۈرگۈزگەنلىكىدىن ئۆچ ئېلىش ئۈچۈندۇر. فېدىل كاستېرو 1926-يىلى 8-ئاينىڭ 13-كۈنى تۇغۇلغان بولۇپ، كىچىكىدىنلا ھەققانىيەت تۇيغۇسى كۈچلۈك ئىدى. ئۇ 13 يېشىدا دادىسىنىڭ ياللانما دېھقاننى خورلىغانلىقىغا قارشى چىقىپ، ئىشلەمچىلەرنى ئىش تاشلاشقا دەۋەت قىلغانلىقى ئۈچۈن، دادىسىدىن قاتتىق تاياق يېگەن. ئۇ مەكتەپتە ئوقۇۋاتقاندىمۇ ئوقۇغۇچىلارنى تاماق شارائىتىنى ياخشىلاشنى تەلەپ قىلىشقا ئۈندىگەن. ئىنىسى رائۇل كاستېرو ئۇنى سۈپەتلەپ: «ئاكامنىڭ ئاچچىقى ناھايىتى يامان ئىدى. ئۇ كۈچلۈكلەرنى ياقتۇرىدۇ، بۈگۈنى تاياق يېسە، ئەتىسى يەنە ئېلىشىدۇ، ھەرگىزمۇ بولدى قىلمايدۇ» دېگەن. كاستېرونى تىلغا ئالغاندا، ئۇنىڭ بۈدۈر ساقىلى، ھەربىي فورمىسى ۋە ئۇنىڭغا 44 يىل ھەمراھ بولغان سىگارتىنى تىلغا ئالماي بولمايدۇ. چۈنكى، بۇلار كاستېرونىڭ مۇھىم بەلگىلىرى ھېسابلىنىدۇ. ساقال كاستېروغا سالاپەت ۋە سۈر ئاتا قىلغان. ئەمەلىيەتتە ئۇنىڭ ساقال قويۇشى باشقا مەقسەتتىن ئەمەس. ئۇ بۇنى چۈشەندۈرۈپ: «ساقال ئېلىشقا يىلدا 90 سائەتچە ۋاقىت كېتىدۇ. بۇ ۋاقىتقا سەل قارىغىلى بولمايدۇ. بۇ مەن ئۈچۈن ئىنتايىن قىممەتلىك» دېگەن. كاستېرو مەيلى ئىشخانا ياكى دوستىنىڭ ئۆيىگە مېھمانغا بارسۇن، ھەر ۋاقىت ھەربىي فورما كىيىشنى ئۇنتۇمايدۇ، ئۇ: «ھەربىي فورما كىيسەم، ئۆزۈمنى ئىنتايىن ئەركىن ھېس قىلىمەن. گالىستۈك تاقاش ھاجەتسىز» دېگەن. كۇبانىڭ سىگارتى دۇنياغا داڭلىق بولۇپ، كاستىرو بۇنىڭ ئەڭ ياخشى ئوبراز ۋەكىلى. ئۇ 15 يېشىدا سىگارت چېكىشنى باشلىغان. ئۇ ئىلگىرى كۈندە ئون تال سىگارت چېكەتتى، بىراق يېشىنىڭ چوڭىيىشىغا ئەگىشىپ، سىگارت چېكىشنى ئازايتىپ، 1985-يىلى تاشلىۋەتتى.

    كاستېرو كىتاب ئوقۇشنى ھەممىدىن بەك ياخشى كۆرىدۇ. ئۇ ئادەتتە سىياسەت، تارىخ، جۇغراپىيەگە ئائىت كىتابلارنى كۆپرەك ئوقۇيدۇ. ئۇ كۆپ يىللاردىن بۇيان ئىنتايىن ئالدىراش ئۆتكەن بولسىمۇ، كىتاب ئوقۇشنى ئۇنتۇپ قالمىدى. ئۇ بىر تالانتلىق ناتىق. ئىنىسى 75 ياشلىق رائۇل كاستېرو ئۇنىڭ كۆڭلىدىكىدەك ئىز باسارى. كاستېرو مۇنداق دەيدۇ: «ئەگەر بىرەرسى مەندىن كۈنلەرنىڭ بىرىدە تۇيۇقسىز ئالەمدىن ئۆتسىڭىز، كىم ئورنىڭىزدا ئولتۇرۇشقا مۇۋاپىق كېلىدۇ؟ دەپ سورىسا، مەن ئىككىلەنمەيلا ئىنىم رائۇل كاستېرو ئەڭ ياخشى نامزات دەيمەن، ئۇنىڭ ھەقىقەتەن رەھبەرلىك تەجىربىسى مول».