خوتەن قىزى - ئادىلجان ئابدۇرېھىم

ئادىلجان

خوتەن قىزى

ئادىلجان ئابدۇرېھىم

خوتەن قىزى، قاشتېشىدەك ئۇز ،
نۇر تاراتقان چېھرىڭنى كۆرۈپ ،
ھاياجىنىم ئويغاندى دىلدا .
ھەيرانلىقىم تېشىپ قېنىدىن ،
يۇلتۇزلاردەك چېچىلدى ئەقلىم ،
قېتىپ قالدى سۆزلىرىم تىلدا .
كۆزلىرىڭگە شۇڭغۇپ يۈرىكىم ،
نىگاھىڭدا كۆيدى ھېسلىرىم ،
غەرق بولۇپ تۇيۇق خىيالغا .
پەرىلەردەك لاتاپىتىڭگە  ،
تۇرالمىدىم بولماي مەھلىيا .
قەلب كۆكىم نۇرلىنىپ شۇئان ،
خىيالىمنىڭ شەھلا كۆزىدىن ،
ئۇچۇپ چىقتى بىر دۆۋە ئوتقاش .
سېنى گۈلگە ئوخشىتالمىدىم ،
ئايمۇ زىنھار بولالماس تەڭداش .
مەپتۇن بولۇپ گۈلگۈن بويۇڭغا ،
دەردتە بەلكىم كۆكتىكى قۇياش .
تەڭرىم سېنى ياساپتۇ شۇنداق ،
ۋۇجۇدۇمغا سېلىپ مۇھەببەت .
بېھۇش بولۇپ نازاكىتىڭدىن ،
كەتتى جېنىم شېرىن ئۇيقۇغا ،
ساڭا قاراپ ئۆلدۈم نەچچە رەت .
قامىتىڭنى تەسۋىرلەش ئۈچۈن ،
ئوتتۇز ئىككى ھەرپ ئىچىدىن ،
شېئىرىمغا تاپالمىدىم سۆز .
ئىلھاملىرىم ئوتتەك چوغلىنىپ ،
ئىزىڭ تامان يۈرۈپ كەتتى كۆز .
مىسرالىرىم ئېرىدى قاردەك ،
ئاتەش كەبى تىنىقلىرىڭدا .
ئۆزۈڭ كەتتىڭ ، ئوماق سىياقىڭ-
ئۇيۇپ قالدى چاناقلىرىمدا ...

2013-يىلى 9- فېۋرال  خوتەن

تالىبە

   ياخشى يېزىپسىز...                               سەۋدايى بولۇپ قالدىم...دەڭ

ئەكبەر

شۇنداق ياخشى  يىزىپسىز    ئەكلىگڭز گە  بارىكاللا  داۋاملىق تىرشىقايسىز ::

تۈركزات

ئېنىمىز ئادىلجاننىڭ قىزلارغا ئاتالغان بۇ قەسىدىسى يامان ئەمەس چىققان.ئەمما «خوتەن قىزى»نىڭ جامالىنى بۇ شېئىردىن تاپقىلى بولمايدۇ.بۇنىڭغا«قەشقەر قىزى»،«تۇرپان قىزى»، ياكى بولمىسا  «ئۇيغۇر قىزى»،«قازاق قىزى»،«ئۆزبىك قىزى»،«ھىندى قىزى»،«ياپۇن قىزى»... دېگەن ماۋزۇلارنى قويسىمۇ بولىدۇ.لېكىن ھىچقايسى تىما تولۇق تويۇنمايدۇ.بۇندىن كېيىنكى شېئىرلىرىدا تېمىنىڭ خاراكتىرىگە قاراپ خاسلىقنى ئىپادىلەشكە ئالاھىدە ئەھمىيەت بەرسە دېگەن ئۈمىدتەمەن.

ئادىلجان

تەلىم بەرگىنىڭىزگە كۆپ رەھمەت ! بۇندىن كېيىن دىققەت قىلاي !

مەشرەپ

ئەسسالامۇ ئەلەيكۇم ئادىلجان تىشلىقمۇ؟شئېرلارنى ياخشى يازىسىزكەن،:مەنمۇ سىزدەك بىر ئاددى ھەۋەسكار.تونۇشۇپ قالايلى.15292824035                         13899975269

Dihan

ياخشى يىزىپسىز ، تىىمۇ تىرىشقايسىز.