مامۇت ئۆمەر: سۈرەتتىكى مەن

mamutomar

مامۇت ئۆمەر

سۈرەتتىكى مەن

قاتار تۇرغان ئادەملەر ئارا،
پاكارلاردىن ئېگىز تۇرىمەن.
پۇراپ تۇرار ئەسلىمە گۈلدەك،
مەن ئىشقىمدا پەرياد ئۇرىمەن.

ھەممە ئوخشاش يالىڭاچ بەدەن،
چۆڭكىۋالغان كىيىم ئىچىدە.
يوق ئىكەنمەن نىل رەڭ ئالمىدەك،
يېنىمدىكى ئايال ئېسىدە.

تۇغما قېرى ئەمەس كۆرۇندۈم،
سىياقىمدىن تانالماسكەنمەن.
تاپالمىدىم كۆزنىڭ كەينىنى،
بىلمىگەننى يازالماسكەنمەن.

تارتىلماپتۇ خارەكتىرىسكا،
تۇتۇلغاندەك ئۆزىگە يالغان.
قاتۇرۇلغان يۈرەك تەكچىدە،
مەن سۈرەتتە ئۆلۈمدىن قالغان.

  2012-يىلى 30-نويابىر كېچە

شەھلا

بۇنى شېئىر دىسەڭلار، كۆڭلۈمگە كېلىدۇ!

huxhuy

ئەپسانە يوللىغان ۋاقتى  2012-12-1 02:08
بۇنى شېئىر دىسەڭلار، كۆڭلۈمگە كېلىدۇ!

سىزچە«شېئىر»دېمەي نېمە دېسەك بولار؟ ئوي-پىكىرلىرىڭىزنى كەڭرەك بايان قىلىپ باقمامسىز؟

سەھەر

بۇ شىئېرنى مەن ياختۇردۇم.
«سۈرەتتىكى مەن»  شىئېرنىڭ ماۋزۇسىمۇ ئۆزگىچە بىلىندى، قېنى بىزمۇ سۈرەتتىكى ئۆزىمىزنى كۈزۈتۈپ باقايلى، قانداق ھىسسىياتلارغا چۆمۈلەرمىز.

mamutomar

دوسلارغا رەخمەت،كوڭلىڭىزگە كەلمىسۇن، ئەپسانە ئىكتىمال ئويلىغان يېرىڭىزدىن چىقالمىغاندىمەن،مەن تىرىشاي.

ablatahmat

مامۇت بەگ بۇشىئىردىكى؛ پۇراپ تۇرار ئەسلىمە گۈلدەك،دىگەن مىسرالاردىن باشقىلىرىغا قايتا ئىشلەڭلار بۇ شىئىر سىلىنىڭ شىئىرىڭلارغا ئوخشىماي قاپتۇ.

مۇھاجىر

ئەگەر مەن بولسامچۇ ئاشۇسۇرەتتە ،بەزىلەرگە نىسبەتەن گۇڭگا شىئىر  ،شىئىر ئەمەستەك بىلنەمدۇ ؟

شەھلا

گەپنى مۇرەككەپ شېئىرى ئۇقۇملاردىن ئەمەس، پەقەت ئاددىي ئوقۇرمەن سالاھىيىتىم بىلەن ، شېئىرىڭىزنى ئوقۇشتىن  باشلاي!

(شېئىر) دەپ ئېلىشىم، يازمىڭىزنىڭ شەكلىنىڭ شېئىرغا ئوخشىغانلىقىدىن خالاس!

شەھلا

قاتار تۇرغان ئادەملەر ئارا،
پاكارلاردىن ئېگىز تۇرىمەن.

يازمىنىڭ كىرىش ئىشىكىدىكى مۇشۇ ئىككى مىسرا، ماڭا سىزنىڭ قاتارلىشىپ بىللە رەسىمگە چۈشكەن كىشىلەر ئارىسىدىكى ئۆرنىڭىزنى يۇغانچىلىق بىلەن ئىگىز ئورۇنغان قويغانلىقىڭىز، قانداقتۇ رەسىمدىن ئىبارەت بۇ نىقاپتا، ئۆزىڭىزنى شۇنداق بىر يۇقىرى مەۋقەدە تۇتقانلىقىڭىز، ھاكاۋۇر بىر سىماھنى ئەسلەتتى.

شەھلا

پۇراپ تۇرار ئەسلىمە گۈلدەك،
مەن ئىشقىمدا پەرياد ئۇرىمەن.

بۇنىڭدىكى ( پۇراپ تۇرار ئەسلىمە گۈلدەك،) دىگەن مىسرا، شۇ قەدەر يېقىملىق بىلىندى، بىراق، سىز ئۆزئىشقىڭىزدا پەريات ئۇرغىلى ئۆز مەپتۇنمۇ سىز؟

كۆركەم چىققان ئۈچۈنچى مىسراغا قېيىپ كەتكەن تۆتىنچى مىسرا مەجبۇرى چېتىلىپ، بىرىنچى كۆپىلىتىڭىز مەغلۇبىيەت بىلەن ئاياقلىشىپتۇ.