- تېما
- 73
- ھەمبەھر
- 1
- ھوقۇقى
- 150
- يازما
- 375
- نادىر
- 2
- ئالبوم
- 0
- خاتىرە
- 21
- دوست
- 6
- بلوگ
- 0
- UID
- 631
- تىزىملاتقان
- 2011-4-9
- ئاخىرقى قېتىم
- 2013-8-30
- توردا
- 237 سائەت
- جۇغلانما
- 3189
- قىزغىنلىق
- 1048
- تىللا
- 600
- تۆھپە
- 108
 
|
ئەسسالامۇ ئەلەيكۇم،سىز بۇ تېمىنىڭ 269- ئوقۇرمىنى،تېما يارىغان بولسا ئىنكاس يېزىشنى ئۇنۇتماڭ! خالىسىڭىز بىكىتىمىزدىكى ئېلانلارغا نەزىرىڭىزنى ئاغدۇرۇپ قويۇڭ،چۈنكى ئۇنىڭدا سىز كۈتمىگەن يېڭىلىقلار بار!.
بۇ يازمىنى ئاخىرىدا تۈركزات تەھرىرلىگەن. ۋاقتى 2013-7-23 13:58
جەمئىيەتنىڭ ھەر قايسى قاتلاملىرىدىكى يەپ- ئىچىشكە ھېرىسمەن يۇقۇرى سەۋىيەلىك ئىستىمالچىلارنىڭ كۈچلۈك تەلىپىگە بىنائەن،دوختۇرخانىمىز زاپاس ئاشقازان سەپلەش مەخسۇس بۆلۈمى تەسىس قىلدى. بۇ – دوختۇرخانىمىزدىكى جەمئىيەتشۇناس ۋېراچلىرىمىزنىڭ ئۇزۇن يىللىق تەتقىقات نەتىجىسىدە بارلىققا كەلگەن بۆسۈش خاراكتىرلىق يېڭىلىقى بولۇپ،كېلېنىكىلىق تەجرىبە ئارقىلىق سىز،بىز ئويلاپ يېتەلمىگۈدەك دەرىجىدە مۇۋاپېقىيەت قازانغان ۋە ئىمتىياز تەختى،خوشامەت ماشىنىسىدا ئولتۇرىدىغانلارنىڭ قوللىرىدىن قان چىققۇچە ئالقىش ياغدۇرىشىغا سازاۋەر بولغان.
بۇ بۆلۈمنىڭ خادىملىرى يۇقۇرى تېخنىكىغا ئىگە كەپشەرلەش،پاياتلاش مۇتەخەسىسلىرى. زاپاس ئاشقازان ۋە ئۇنى سەپلەش، قوراشتۇرۇش ئۈسكۈنە- ئەسلىھەلىرىنىڭ ماتىرىياللىرى بولسا ئالەم بوشلۇقىدىكى مەلۇم بىر پىلانىتتىن كىرگۈزۈلگەن ئالاھىدە چىدامچانلىققا ۋە ھەيران قالارلىق ئېلاستىكىلىققا ئىگە ماتىرىياللار(رىقابەتچىلىرىمىزنىڭ كەشپىيات مەخپىيىتىمىزنى بىلىپ قالماسلىقى ئۈچۈن پىلانىت نامى سىر تۇتۇلدى).
بۇ ئالاھىدە ماتىرىيالدىن ياسالغان چوڭ-كىچىك رەزمىردىكى زاپاس ئاشقازان ھەر خىل كۈتېۋىلىش،ئۇزىتىش،كۆڭۈل ئېچىش،ھاراق- چاي زىياپىتى قىسقىسى،ئومۇمنىڭ ۋە باشقىلارنىڭ پۇلىغا يەپ- ئىچىش سورۇنلىرىغا قاتنىشىپ تۇرىدىغان ھەر قانداق ئىستىمالچىغا باب كېلىۋىرىدۇ. سىزنىڭ ئاشقازىنىڭىزنىڭ سىغىمچانلىقى ئالاھىدە ئەھۋالدا ئەسلىدىكى سىغىمچانلىقىنىڭ 18 ھەسسىسىگە باراۋەر كېڭىيەلىسىمۇ،ئىستىمال ئېھتىياجىڭىزنى تولۇق قامداپ كېتەلمىگەننىڭ ئۈستىگە تاماق سىڭدۈرەلمەسلىك تۈپەيلىدىن سىزگە تۈرلۈك ئاۋارىچىلىقلارنى كەلتۈرۈپ بېرىدۇ. ئەگەر سىز دوختۇرخانىمىزغا كېلىپ بۇ خىل ئالاھىدە ئاشقازاننى سەپلىۋالسىڭىز،مۇت تاماق،پۇلسىز ھاراق- شارابلارغا يولۇققاندا قورسىقىڭىز تويسىمۇ كۆزىڭىز تويماي، ئاشقازىنىڭىزنى 18 ھەسسىدىنمۇ ئارتۇق كېڭىيىپ ئالدىڭىزدىكى نازۇ- نېمەتلەرنى سىغدۇرۇپ بېرىشكە قىستاپ تەڭلىكتە قالدۇرۇشتەك ئاۋارىچىلىقتىن بىر يولىلا قۇتۇلۇپ كېتىسىز. يەنى ئەسلىدىكى ئاشقازىنىڭىزنىڭ ئېھتىياجى تولۇق قامدالغاندىن كېيىن ئاغزىڭىزنى ئۈستەلگە توغرىلاپ ئېچىپ تۇرسىڭىز كۈچلۈك تارتىش كۈچى بىلەن ئېشىپ قالغان سەي- تاماق،گۆش- كاۋاپ،يەل- يىمىش،ھاراق- شارابلار (زۆرۈر دەپ قارىسىڭىز ئۈستەل- ئورۇندۇق،تەخسى- ئىستاكان،چوكا- قوشۇقلارغىچە)زاپاس ئاشقازىنىڭىزغا بىمالال قاچىلىنىدۇ. بۇ خىل ئاشقازان يەنە تېمپىراتۇرا ۋە نەملىكنى ئاپتوماتىك تەڭشەپ ئىچىدىكى نەرسىلەرنى سىزنىڭ ئېھتىياجىڭىز چۈشكىچە سۈپىتىنى ئۆزگەرتىۋەتمەي ساقلاپ بېرەلەيدىغان خۇسۇسىيەتكە ئىگە.
بۇ ئاشقازاننىڭ ئۈستىگە ئىككى كۇنۇپكا ئورۇنلاشتۇرۇلغان بولۇپ،سىز ئەسلىدىكى ئاشقازىنىڭىزدىكى يىمەكلىكلەرنى بىر تەرەپ قىلىپ بولغاندىن كېيىن ئوڭ تەرەپتكى كۇنۇپكىنى باسسىڭىز سەپلەنگەن ئاشقازىنىڭىزدىكى يىمەكلىكلەر ئاپتوماتىك ھالدا مەخپىي يول ئارقىلىق ئەسلى ئاشقازىنىڭىزغا يۆتكىلىپ ھەزىم بولۇشقا باشلايدۇ. سول تەرەپتىكى كۇنۇپكىنى باسسىڭىز قاچىلانغان يىمەكلىكلەرنى سىرتقا چىقىرىپ بېرىدۇ-دە،بۇنىڭدىن ئائىلىڭىزدىكىلەرمۇ بەھرىمەن بولالايدۇ.
بۇ زاپاس ئاشقازاننى سەپلىۋالسىڭىز ھاراقنى جىق ئىچىۋېلىپ قەي قىلالماي ئاۋارە بولۇشتىن،تاماقنى كۆپ يەۋېلىپ،سېسىق كېكىرىپ قېلىشتىن قورقماي ھەر قانداق «يېمەكلىك»نى بىمالال يەپ- ئىچەلەيدىغان ھەقىقىي «ئىستىمال چولپىنى»غا ئايلىنىش بىلەن بىرگە،ئۆزىڭىز ۋە ئائىلىڭىزدىكىلەرنىڭ قورساق مەسىلىسى ئۈچۈن ئۆز يانچۇقىڭىزنى كولاشقا ئۈزۈل-كېسىل خاتىمە بېرىپ، تېز ۋاقىت ئىچىدە بېيىپ كېتىسىز.
پۇرسەت غەنىيمەت! مەخپىيەتلىكنى قەتئىي ساقلايمىز. كېسەل تارىخى قالدۇرمايمىز. مەھسۇلاتنىڭ سانى چەكلىك، تېزدىن دوختۇرخانىمىزغا قەدەم تەشرىپ قىلىڭ. زۇۋىلىڭىز چوڭايغان كۈننىڭ ئەتىسىلا بىزنى ئىزدەڭ. سىزنى تولۇق رازى قىلالايدىغانلىقىمىزغا ئىشەنچىمىز كامىل! |
|
nesrieser bostani.gif)
ip كۈرۈش
ئىز قوغلاش
يوللىغان ۋاقتى 2013-7-23 13:49:16
تىما چوققىلاش
چوققىلاش
ئىنكاسنى تاقاش
شاۋقۇن چىقىرىش
变色卡
دېۋان تالىشىش
显身卡
يوللىغان ۋاقتى 2013-7-23 15:16:42
يوللىغان ۋاقتى 2013-7-24 14:52:12
