يوللانغان ۋاقتى : 2009-06-21 12:41:04    كۆرۈلۈش سانى : 0  

يۈرەكنى ئوراپ تۇرغۇچى غىلاب ئىچىگە سۇ يىغىلىدۇ. سۇنىڭ تەسىرى يۈرەككە يەتكەندە، يۈرەك بۇ غەيرىي تەبىئىي ئەھۋالدىن زەھەرلىنىپ، تىترەپ )ئىلاجلىق( ھەرىكەت قىلىدۇ. شۇنىڭ ئۈچۈن بەزىلەر بۇنى تىترەشنىڭ بىر خىلى دەپ ئاتايدۇ. ئالامىتى:  خەفەقاندىكى ئالامەتلەردىن باشقا، كېسەل يۈرەك ئەتراپىدا قانداقتۇر بىر ئېغىرلىق ياكى يۈرىكى چۆكۈپ كېتىپ بارغاندەك ھېس قىلىدۇ، نەپەس سىقىلىدۇ. داۋاسى:  ئالدى بىلەن سۇيۇقلۇقنى تارقىتىش ئۈچۈن ئايارەج پەيقىرا )تەركىبى: ئۇدبىلسان، مەستىكى رۇمى، ئاسارۇن ۋە زەپەر ئون گرامدىن، سەبرە 19 گرام، ھەسەلدىن ئۈچ ھەسسە ئېلىپ، زەپەردىن باشقا دورىلارنى سوقۇپ، ئەلگەكتىن ئۆتكۈزۈپ، زەپەرنى ئايرىم سوقۇپ ،بىر ئاز قىزىتىلغان ھەسەلگە ئارىلاشتۇرۇپ، ئۈستىگە قالغان دورىنى قۇيۇپ خېمىردەك يۇغۇرۇپ، 40 كۈن تۇرغۇزۇلىدۇ( دىن ھەر كۈنى ئاخشامدا بىر قېتىم ئون گرامدىن ئىستېمال قىلىنىدۇ. مەجۈنى ئايارەج لوغانزىيا )تەركىبى: شەھمەنزەل 17 گرام، پىشۇرۇلغان ياۋا پىياز >ئەنسىل<، غارىقۇن، سوقمونىيا، قارا خەربەق، ئوشەق، ئۈستقۇددۇس 13 گرامدىن، ئەفتىمۇن، كامادىرىيوس، مۇقەل، سەبرە، ئون گرامدىن، ھاشا، ھۇپارىقۇن، سازەج ھىندى، پاراسيون، سەلىخە، پىلپىل، ئاقمۇچ، قارىمۇچ، جاۋاشىر، زەپەر، داچىن، بىستىپايەج، قۇندۇز قەھرى، مۇرمەككى، پەتەرئاساليون، زىراۋەندە تەۋىل، ئۇسارە ئەپسەنتىن، پەرپىيۇن، ھۇماما، زەنجىۋىل ھەربىرى يەتتە گرامدىن، جىنتىيانا، ئۈستقۇددۇس بەش گرامدىن، ھەسەلدىن ئومۇمىي دورىلار ۋەزنىدىن ئۈچ باراۋەر ئېلىپ، دورىلارنى قائىدە بويىچە يۇمشاق سوقۇپ، ئەلگەكتىن ئۆتكۈزۈپ، ھەسەل بىلەن مەجۈن تەييارلىنىدۇ( دىن كۈنىگە 1 ~ 2 قېتىم 7 ~ 13 گرامدىن قايناق سۇ بىلەن ئىستېمال قىلىنىدۇ. قىزىلگۈل، سۇمبۇل، زەپەر، بادرەنجى بۇيا، قەلەمپۇر، سەئدى كوفىلەرنى سوقۇپ، تۇخۇم سېرىقى بىلەن يۈرەك ئەتراپىغا قويۇش لازىم.