يوللانغان ۋاقتى : 2008-12-13 12:36:01    كۆرۈلۈش سانى : 0  

بۇرۇننىڭ كۆپ قىچىشىپ كېتىشى زۇكام، نەزلە ياكى چېچەك كېسىلىنىڭ ئالامەتلىرى سۈپىتىدە كۆرۈلۈشى مۇمكىن. بۇنداقتا سەۋەبىنى داۋالاش كېرەك. ئەگەر سوغۇق ھاۋا ياكى بەدەندىكى بۇخاراتلار سەۋەبىدىن بولسا، مەتبۇخ شاھتەررە بېرىلگەندىن كېيىن، ئىترىفىل كەشنىز )تەركىبى: كابىل ھېلىلىسىنىڭ پوستى، ئامىلە، يۇمغاقسۈت ئۇرۇقى قاتارلىقلارنىڭ ھەرقايسىسىدىن 33 گرامدىن ئېلىپ، دورىلارنى يۇمشاق سوقۇپ، ئەلگەكتىن ئۆتكۈزۈپ ئۈچ ھەسسە چەكلەنگەن ھەسەل بىلەن يۇغۇرۇلۇپ، كۈنىگە 5 ~ 8 گرامغىچە ئىستېمال قىلىنىدۇ. مەتبۇخى شاھتەررە )تەركىبى: سېرىق ھېلىلە، كابىل ھېلىلىسى، بەلىلە ۋە ئامىلىنىڭ پوستى 16 گرامدىن، شاھتەررە، سانا ۋە شۇمشا 13 گرامدىن، قارا ھېلىلە 17 گرام، نېلۇپەر ۋە مامىرانچىنى 33 گرامدىن، ئەفتىمۇن ۋە قىزىلگۈل ئون گرامدىن، بەدىيان، كاسىنە ئۇرۇقى، كەرەپشە ئۇرۇقى، بىستىپايەج، ئۇستىقۇددۇس ۋە يالپۇز يەتتە گرامدىن، چىلان ۋە ئەينۇلا 20 دانىدىن )بۇلارنى چالا سوقۇپ، چىلانغۇدەك سۇ قۇيۇپ بىر كېچە قويۇلىدۇ( پۇنۇس ۋە تەمرى ھىندى 50 گرامدىن، تەرەنجىبىن 33 گرامدىن ئېلىپ، چىلانغان دورىلارنى يېرىمى قالغۇچە قاينىتىپ بولغاندىن كېيىن، ئۈستىگە پۇنۇس، تەمرى ھىندى، تەرەنجىبىننى سېلىپ، تازا ئارىلاشتۇرۇپ، ماتا ئارقىلىق سۈزۈپ، مۇۋاپىق مىقداردا ئىستېمال قىلىنىدۇ.