يوللانغان ۋاقتى : 2008-10-19 10:18:36    كۆرۈلۈش سانى : 0  

   بۇرۇنغا ھېچقانداق پۇراق پۇرىمايدىغان ئەھۋاللار بۇرۇن ئىچىدە گۆش ئۆسۈپ قېلىش ياكى توسالغۇ بولىدىغان ياللۇغلىنىشلار نەتىجىسىدە يۈز بېرىدۇ. زىيادە گۆشنىڭ پەيدا بولۇپ قېلىشى بۇرۇن بوۋاسىرى دەپ ئاتىلىدۇ. بۇنىڭغا كۆرۈلىدىغان چارە - تەدبىرلەر بوۋاسىر بىلەن ئوخشاش بولىدۇ. ياللۇغلىنىش نەتىجىسىدىكى توسۇلۇشنىڭ ئالامەتلىرى — بۇرۇندىن زەرداب سۇ ئاقىدۇ، سېسىق پۇرايدۇ. زەخىملىنىش جاراھەتكە ئايلىنىپ، بۇرۇن قاناتلىرىغا زەرەر يەتكۈزگەندە ئەلەق دەپ ئاتىلىدۇ.   داۋاسى:  قان ئېلىش بىلەن مۇۋاپىق جايغا ھىجامەت قويۇش، ھەببى قوقىيا ياكى ھەببى ئايارەج بىلەن تازىلاش كېرەك. جاراھەتكە تۆۋەندىكى دورىلار بېرىلىدۇ: كۆيدۈرۈلگەن مىس، زاكلارنى باراۋەر مىقداردا، زەرىختىن يېرىم ھەسسە ئېلىپ، يۇمشاق سوقۇپ، مۇۋاپىق ماي بىلەن مەلھەم قىلىپ سۈركەشكە بېرىلىدۇ. زىيادە ئۆسۈپ قالغان گۆشنى تىغ بىلەن كېسىش كېرەك ياكى قىل بىلەن بوغۇپ قويۇلسا، بىر نەچچە كۈندىن كېيىن ئۆزىچە چۈشۈپ كېتىدۇ.