يوللانغان ۋاقتى : 2009-05-16 11:57:15    كۆرۈلۈش سانى : 426  

مەكتەپ شتاتىدىكى ئوقۇتۇش، باشقۇرۇش، خوجۇلۇق خىزمەتلىرى بىلەن شۇغۇللانغۇچى تۇراقلىق خادىملار (ۋاقىتلىق ئىشچى ۋە سىرتتىن تەكلىپ قىلىنغانلارنى ئۆز ئىچىگە ئالمايدۇ) نى كۆرسىتىدۇ. ئوقۇتقۇچى، ئىشچى، خىزمەتچىلەر خىزمەتنىڭ خاراكتېرىگە ئاساسەن ئوقۇتقۇچىلار، مەمۇرىي خادىملار، ئوقۇتۇش ياردەمچى خادىملىرى ۋە ئىشچىلار دەپ ئايرىلىدۇ. 1999 - يىلى پۈتۈن ئاپتونوم رايونىمىزنىڭ ھەر دەرىجىلىك ھەر خىل تىپتىكى مەكتەپلەردىكى ئوقۇتقۇچى، ئىشچى، خىزمەتچىلەر سانى تۆۋەندىكىدەك: ئادەتتىكى ئالىي مەكتەپلەردە 17106 نەپەر، ئۇنىڭ ئىچىدە ئاز سانلىق مىللەت 5788 نەپەر؛ ئادەتتىكى ئوتتۇرا تېخنىكوم مەكتەپلىرىدە 13930 نەپەر، ئۇنىڭ ئىچىدە ئاز سانلىق مىللەت 6415 نەپەر؛ ئادەتتىك ئوتتۇرا مەكتەپلەردە 91324 نەپەر، ئۇنىڭ ئىچىدە ئاز سانلىق مىللەت 49696 نەپەر؛ كەسپىي ئوتتۇرا مەكتەپلەردە 5832 نەپەر، ئۇنىڭ ئىچىدە ئاز سانلىق مىللەت 1915 نەپەر؛ باشلانغۇچ مەكتەپلەردە 145489 نەپەر، ئۇنىڭ ئىچىدە ئاز سانلىق مىللەت 94287 نەپەر، ئەما، گاس - گاچىلار مەكتەپلىرىدە 300 نەپەر، ئۇنىڭ ئىچىدە ئاز سانلىق مىللەت ئوقۇتقۇچىلىرى 60 نەپەر بالىلار باغچىسىدا 16993 نەپەر، ئۇنىڭ ئىچىدە ئاز سانلىق مىللەت ئوقۇتقۇچىلىرى 3962 نەپەر.