مۇنبەردىكى بارلىق چاۋاكخۇمارلارغا ئۇقتۇرۇش

تەڭرىتاغ

	مۇنبەردىكى بارلىق چاۋاكخۇمارلارغا ئۇقتۇرۇش     ئەسسالامۇ ئەلەيكۇم ھۆرمەتلىك مۇنبەر ئەھلى، يېقىندىن بۇيان مۇنبىرىمىزدىكى ئەزالارنىڭ سانىنىڭ كۆپىيىشىگە ئەگىشىپ مۇنبەردىكى چاۋاك چالىدىغانلارنىڭ تىراژىمۇ تەڭ ئېشىپ بارماقتا . باشقىلار جاپا تارتىپ يازغان تېمىغا، ھېچقانداق ئىپادە بىلدۈرمەيلا چاۋاكنى بولۇشىغا چالىدىغانلار بۈگۈندىن باشلاپ بايقالسا، مەن شۇ ئەزانىڭ تۆھپە ۋە تىللا سانىدىن 5 نومۇردىن تارتىپ ماڭىمەن . بىرىنچى قېتىم بايقالغانلار بولسا، شۇ چاۋاك چېلىپ قايتۇرغان ئىنكاسىغا ئىنكاس شەكلىدە رەددىيە بېرىلىدۇ، ئەگەر يەنە دىققەت قىلمىسا مۇنبەردە ئىسمى ئاتىلىپ تەنقىد قىلىنىدۇ، ئەگەر يەنە دىققەت قىلمىسا ئەزالىقتىن چېكىندۈرۈلىدۇ .      ئەمسە قانداق ئەھۋالدا چاۋاك چېلىشقا بولىدۇ ؟ بۇنىڭ جاۋابى ئالدى بىلەن سىز باشقىلارنىڭ يازغان تېمىسىغا يېزىق شەكلىدە ئۆزىڭىزنىڭ ئويلىغانلىرىنى يېزىپ بولغاندىن كېيىن، ئاندىن چاۋاك چېلىشنى ياكى چالماسلىقنى بېكىتسىڭىزمۇ بولىدۇ ؛ بىراق ( ياخشى يېزىپسىز ، قولىڭىزغا دەرت بەرمىسۇن ، ياخشى تېمىكەن ، بولىدىكەن ) دېگەندەك ئىنكاسلارنى ئامال بار يازماسلىقىڭلارنى تەۋسىيە قىلىمەن . چۈنكى ئۇ ئىنكاسلار مۇنبەردىكى ئەخلەت ئىنكاسلار ھېسابلىنىدۇ، سىزمۇ بىر ئەقىل ئىگىسى بولغاندىكىن بىرەر تېمىغا نىسبەتەن ئىككى قۇر مەزمۇنلۇق قىلىپ ئىنكاس يېزىشقا كۈچ - قۇدرىتىڭىز يېتىدىغاندۇ ؟ شۇڭا ئارتۇق گەپ قىلىشنى راۋا كۆرمىدىم . مۇنبەرداشلارنىڭ بۇ ھەقتىكى چىقىرىلغان مۇنبەر قانۇنىغا رىئايە قىلىشىنى ئۈمىد قىلىمەن .     ھەممەيلەن باشقىلارنىڭ ئەمگىكىگە ھۆرمەت قىلايلى ! باشقىلارنىڭ ئەمگىكىنى قەدىرلەيلى !

tvrkar

	يائاللا! تەڭرىتاغئاخۇن! قولىڭىزغا دەرت بەرمىسۇن جۇما! مەن بۇرۇنلا ئويلاشقان مۇشۇ خىل قائىدە-تۈزۈم چىقىرىشنى، بىراق مەندە ئۇنداق ھوقوق بولمىغانلىقتىن چىقىرىشقا پېتىنالمىغان، ئاقساقاللىق قىلماي دەپ. يەنە بىر پىكىر، بولسا ئاشۇ چاۋاك رەسىمىنى ئۆچۈرۈپلا يوقاتسىڭىز بولمامدۇ، ئۇچاغدا بۇ ئاۋارىچىلىقمۇ بولمايتتى، قۇرۇق چاۋاك چالىدىغانلارمۇ چالالمايتتى- تازا!!!!!

نىدائىي

	بۇ قائىدە-تۈزۈم مۇنبىرىمىزنىڭ بۇنىڭدىن كېيىنكى تەرەققىياتى ئۈچۈن تۈرتكىلىك رول ئوينايدۇ. سىلەر بىز بىلەن يېقىندىن ھەمدەمدە بولساڭلارلا مۇنبىرىمىز چوقۇم تېخىمۇ گۈللىنەلەيدۇ.

uyghur

	ئەگەر مۇمكىن بولسا مۇشۇ چاۋاك ئىقتىدارىنى بىراقلا  ئېلىۋەتسەڭلار ، ياكى ئاۋۇ ھەيۋەتلىك چاۋاكنىڭ ئورنىغا ۋىجىكرەك چاۋاكچاقتىن بىرنى ئالماشتۇرساق قانداق ؟

kuzum

	دانا پىكىر . بولسا شۇ ئىپادىنى ئېلىۋەتسەك دىگەن ئۈمۈدۈم بار

shexla

	ياق ئالمىسۇن،ئېلىۋەتسە ساۋادى يوق خوشامەتچىلەر مۇنبەرگە قانداق كىردۇ ؟

تۇرغۇن133

	بۇ ئۈختۇرۇشتىن تۇلىمۇ  خوش بولدۇم  تەڭرى تاغ ئەپەمدىم ،دىمىسىمۇ ھىچ بىر ئىناكسىز چاۋاك ۋە گۇلەر تىما يولىغۇچىلارغا ياىشى تۇيغۇ بەرمەيدىكەن  ، چاۋاكنىمۇ چېلىپ، گۇللەرنىمۇ تۇتايلى، چۇقۇم ئىپادىلىمەكچى بولغان ،يازغان ئىنكاسىمىزغا ماس كەسۇن . ئتپاقلىق، ئىناقلىق ،بىر بىرىمىزنى قولاش بىرلىكتتە ئالغا ئىلگىلەش،بو ھەمىمىزگەبىر ياخشى موھىت ئېلىپ كىلىدۇ..............

nadir

	بارلىق چېلىشلار ئىچىدە ئەرلەرگە نىسبەتەن چاۋاك چېلىش،ئاياللارغا نىسبەتەن ئوماچ چېلىش ئەڭ ئاسانمىكىن دەپ ئويلايمەن. ئەمەلىيەتتىمۇ زادى بىرنىمىنى ئوقىغاندىكىن ئۇنىڭغا لايىقىدا ئىككى ئېغىز گەپ قىلىش پوزىسىيە بىلدۇرۇش كىرەك.  بولمىسا يولدىن ئۆتكەن ئادەمگە قاراپ چاۋاك چالغاندەك بىمەنە بىر ئىش بولىدۇ. باشقىلارنى چاۋاك ئارقىلىق ئەمەس ئۆزمىزنىڭ ئىديسى ئارقىلىق، ياكى تولۇقلاپ، ياكى رەددىيە بىرىپ خاتالىقىنى تۇزۇتۇپ قوللاش كىرەك.

nargiz

	مۇشۇ  ئۇختۇرۇش بەك ياخشى بوپتۇ .نۇرغۇن جاپادا بىرەر تىما يوللىسا ،پەقەت دەرىجە ئېلىش ئۈچۈنلا قۇرۇق چاۋاك، گۇل ئەۋەتىپ قويسىلا  بۇ قانداق  بولىدۇ ،بەزىلەر تۇزۇكرەك بىرەر تىما يوللىماي  كۇمۇش ، ئالتۇن ئەزا بوپتۇ . ھەيران قالدىم

吐鲁汗

	قوللايمەن،ئەمدى چاۋاك چالساك بولار