زاكا بىلەن پىۋا
ئاپتورى: شياۋ شۆ
بۇرۇن بىر داڭلىق چوڭ تاللا بازىرى ئادەمنىڭ ئەقلى يەتمەيدىغان قاراردىن بىرنى ئوتتۇرىغا قويغان بولۇپ، ئۇ بولسىمۇ مال جازىسىغا زاكا بىلەن پىۋىنى بىرلىكتە تىزىپ قويۇش. بۇ خىل تىزىش ئۇسۇلى پۈتۈن تاللا بازالىرىدا كۆرۈلۈپ باقمىغان. لېكىن بۇ غەلىتە تىزىش ئۇسۇلى ھەر ئىككى مالنىڭ سېتىلىشىدا ئۆزئارا تەسىر كۆرسەتمىگەن. ئەكسىچە، زاكا بىلەن پىۋىنىڭ سېتىلىش مىقدارى بۇرۇنقىغا قارىغاندا ئاشقان. بۇ بىر يۇمۇر ئەمەس، بەلكى ئامېرىكا فورما زەنجىرسىمان تاللا بازىرىدا يۈز بەرگەن ھەقىقىي ۋەقە.
ئەسلىدە ئامېرىكىدىكى نۇرغۇنلىغان خانىملار يولدىشىغا دائىم ئىشتىن قايتقاندا تاللا بازىرىغا بېرىپ بالىلىرىغا زاكا ئالغاچ كېلىشنى تاپىلايدىكەن. لېكىن كۆپىنچە ئەرلەر بازارنى تەپسىلىي ئارىلاشنى خالىمايدۇ. ئەگەر زاكا بىلەن پىۋىنى بىر يەرگە تىزىپ قويغاندا ئۇنداقتا ئەرلەر زاكىنى ئېلىپ بولغاندىن كېيىن تاللا بازىرىنى زىيادە ئايلىنىپ جاپا تارتماي ئۆزلىرى ياخشى كۆرۈپ ئىچىدىغان پىۋىنىمۇ قىينالمايلا زاكا بىلەن تەڭ مال ھارۋىسىغا قويىدۇ. بۇنداق مال سېتىۋېلىش جەريانىنى باشتىن ئۆتكۈزگەن ئەرلەر ئەلۋەتتە فورما تاللا بازىرىغا بېرىپ زاكا سېتىۋېلىشنى خالايدۇ - دە.
فورما تاللا بازىرى بىر يىلدىن كۆپرەك ۋاقىت ئاجرىتىپ، ئەسلىدىكى سودا سانلىق مەلۇماتلىرىنى ئىنچىكە تەھلىل قىلىش ئارقىلىق بۇ خىل "ئاجايىپ بىرىكىش" نى بايقاپ چىققان.
سودا ساھەسى ئەسلى بىر جەڭ مەيدانى. جەڭدە ئۇتۇپ چىقىش - چىقماسلىق سىزنىڭ ئاقىلانە تەبىر بەلگىلىشىڭىزگە باغلىق.
"ئالاھىدە ماقالىلار تاللانمىلىرى" ژۇرنىلىدىن تەرجىمە قىلىندى.
مەربىيە
بۇ يازمىنى ئاخىرىدا Abdulla74 تەھرىرلىگەن. ۋاقتى 2011-12-26 18:49 
يوللىغان ۋاقتى 2011-12-26 18:32:15
