قايسىسى ھالاكەت گۇرۇپپىسى؟
3- دېكابىر ئەتىگەن سائەت 1 دە، 2012- يىللىق ياۋروپا لوڭقىسى پۇتبول مۇسابىقىسىنىڭ گۇرۇپپىلارغا چەك تارتىش مۇراسىمى ئۇكرائىنانىڭ پايتەختى كېيىف دۆلەتلىك سەنئەت مەركىزىدە ئۆتكۈزۈلدى.
بۇ قېتىمقى ياۋروپا لوڭقىسى پۇتبول مۇسابىقىسىنىڭ 16 كۈچلۈكلەر ھەل قىلغۇچ مۇسابىقىسىگە قاتناشقان 16 دۆلەت چەك تارتىش ئارقىلىق 4 گۇرۇپپىغا ئايرىلدى. بۇنىڭ ئىچىدە بۇ نۆۋەتلىك مۇسابىقىنى ئۆتكۈزۈشنى ئۆز ئۈستىگە ئالغان ئۇكرائىنا بىلەن پولشا تەبىئىيلا "ئا" گۇرۇپپا ۋە "د" گۇرۇپپىدىكى ئۇرۇق كوماندا بولۇپ بېكىتىلدى، جەنۇبىي ئافرىقا دۇنيا پۇتبول مۇسابىقىسىدە چېمپىيون ۋە 2- بولغان ئىسپانىيە بىلەن گوللاندىيە بۇ نۆۋەتلىك ياۋروپا لوڭقىسى تاللاش مۇسابىقىسىدە نومۇرى ئەڭ كۆپ بولغانلىقتىن قالغان ئىككى ئۇرۇق كوماندا بولۇپ تاللاندى. قالغان 12 دۆلەت كوماندىسى ئېرىشكەن نومۇرىنىڭ ئاز-كۆپلۈكىگە قاراپ ئۈچ دەرىجىگە ئايرىلدى، ئۇندىن باشقا يەنە ئوخشاش دەرىجىدىكى كوماندا بىر گۇرۇپپىغا ئايرىلىپ قالماسلىق پىرىنسىپى ئىجرا قىلىندى.
مۇسابىقە 2012- يىلى 6- ئاينىڭ 9- كۈنىدىن 7- ئاينىڭ 2- كۈنىگىچە ئۇكرائىنا ۋە پولشادا ئۆتكۈزۈلىدۇ.
تەپسىلىي گۇرۇپپىغا ئايرىلىش ئەھۋالى تۆۋەندىكىچە:
"ئا" گۇرۇپپا: پولشا، گىرېتسىيە، رۇسسىيە، چېخ؛
"ب" گۇرۇپپا: گوللاندىيە، دانىيە، گېرمانىيە، پورتۇگالىيە؛
"س" گۇرۇپپا: ئىسپانىيە، ئىتالىيە، ئېرلاندىيە، كىرودىيە؛
"د" گۇرۇپپا: ئۇكرائىنا، شىۋېتسىيە، فىرانسىيە، ئەنگىلىيە؛
ھازىر ھەرقايسى پۇتبول ساھەسىدىكىلەر غۇلغۇلا قىلماقتا، زادى قايسى گۇرۇپپا ھالاكەت گۇرۇپپىسى بولىدۇ؟ كىملەر 8 كۈچلۈكلەر قاتارىغا كىرىدۇ؟ ئىسپانىيە چېمپىيۇنلۇقىنى ساقلاپ قالالامدۇ-يوق؟
بۇ يازمىنى ئاخىرىدا Abdulla74 تەھرىرلىگەن. ۋاقتى 2011-12-4 13:00 
يوللىغان ۋاقتى 2011-12-3 18:15:41
