ئىپلاس! سەنمۇ ئوقۇتقۇچىمۇ؟

muallim

	ئىپلاس! سەنمۇ ئوقۇتقۇچىمۇ؟    قومۇل شەھەرلىك ھۆكۈمەتنىڭ تېڭشۈن تورى مىكرو بلوگى 22 - نويابىر باياناتى: بۈگۈن چۈشتىن بۇرۇن قومۇل ۋىلايىتى قۇمۇل شەھەرلىك 8 - ئوتتۇرا مەكتەپ ئوقۇتقۇچىسىنىڭ ئوقۇغۇچىغا باسقۇنچىلىق قىلىش دېلوسىنى مەخسۇس مۇزاكىرە قىلىپ قارار ماقۇللىدى: 1. دېلوغا چېتىشلىق ئوقۇتقۇچى ئىشتىن ھەيدىلىپ، ئەدىلىيە ئورۇنلىرىنىڭ بىر تەرەپ قىلىشىغا تاپشۇرۇپ بېرىلىدۇ. 2. مەكتەپ شۇجىسى ۋە ئەخلاق تەربىيىگە مەسئۇل مۇئاۋىن مەكتەپ مۇدىرى ئەمىلىدىن ئېلىپ تاشلىنىدۇ، مەكتەپ مۇدىرى ئىستىپا سورايدۇ. شەھەرلىك مائارىپ ئىدارىسى باشلىقى خىزمەتتىن يۆتكىۋېتىلىدۇ. 3.  شەھەر رەھبەرلىرى زىيانكەشلىككە ئۇچرىغۇچى ئوقۇغۇچى ۋە ئائىلە تاۋاباتلىرىدىن ئاشكارا كەچۈرۈم سورايدۇ. 4. ۋىلايەت ۋە شەھەرلىك مائارىپ ئىدارىسى خىزمەت گۇرۇپپىسى مەكتەپلەرگە كىرىپ ئورۇنلىشىدۇ.    يۇقارقى خەۋەرنى ئوقۇپ تېخى تۆنۈگۈنلا تاشلاشقا ئىرادە قىلغان تاماكىنى يەنە چىشلىدىم، كۈچەپ - كۈچەپ ئىچىمگە تارتتىم. ئاپپاق تۈتۈن يۇقىرى ئۆرلىمەكتە... گەرچە ھېلىقى مەلئۇننىڭ تېگىشلىك جازاغا ئۇچرىغانلىقى، ھۆكۈمەتنىڭ دەرھال تەدبىر قوللىنىپ، قاتتىق بىر تەرەپ قىلغانلىقى، مۇناسىۋەتلىك كىشىلەرنىڭ تېگىشلىك جازاغا ئۇچرىغانلىقى ناھايىتى ياخشى بولغان بولسىمۇ ئەمما پەقەتلا خۇشھال بولالمايۋاتاتتىم. نېمە ئۈچۈن؟ زادى نېمە ئۈچۈن شۇنداق بولىدۇ؟ نېمە ئۈچۈن جىنايەتچى باشقا بىر ئادەم ئەمەس بەلكى ھەممە ئىنسان ھۆرمەت قىلىدىغان "ئوقۇتقۇچى" بولۇپ قالىدۇ؟ مەيلى قانداقلا مىللەت بولسۇن، مەيلى قايسىلا دەۋرلەردە بولسۇن ئوقۇتقۇچىلار ھۆرمەتكە سازاۋەر بولۇپ كەلگەنغۇ؟ مىللەتنىڭ تەقدىرى، دۆلەتنىڭ كەلگۈسى شۇ ئوقۇتقۇچىلارغا تاپشۇرۇلغانغۇ؟ ئەڭ مۇقەددەس ۋە ئەڭ مۈشكۈل ۋەزىپىنى زىممىسىگە ئېلىشتىن بۇرۇن شۇ مۇقەددەس ۋەزىپىنى چۈشىنىشى، ئاخىرغىچە دەرس مۇنبىرىدە دەس تۇرۇپ، ۋەتەن ئۈچۈن، مىللەت ئۈچۈن ياراملىق كىشىلەرنى تەربىيىلەش تەربىيىلەش ئىرادىسىنى تۇرغۇزۇشى كېرەك ئىدىغۇ؟     يېقىنقى يىللاردىن بۇيان ئوقۇتقۇچىلارنىڭ تارتىۋاتقان جاپالىرىنى ئويلاپ ھۆكۈمەت ئوقۇتقۇچىلارنىڭ مۇئاش تەمىناتىنى يۇقىرى كۆتۈردى. (گەرچە مەمۇرلارغا يەتمىسىمۇ) شۇ سەۋەپتىن ئوقۇتقۇچىلىق ئالىي مەكتەپ پۈتتۈرگەن ئوقۇغۇچىلارنىڭ مەمۇرلۇقتىن قالسىلا تالىشىپ تىزىملىتىدىغان خىزمەت ئورنىغا ئايلاندى. ئوقۇتقۇچى قۇبۇل قىلىش ئىمتىھانىمۇ ئاساسى جەھەتتىن نومۇرنى ئاساس قىلىدىغان تاللاش بولغاچقا كەسپى ئەخلاق، ئادىمىي خاراكتىر دېگەنلەرگە ئانچە بەك ئېتىبار بېرىلمىدى. شۇ سەۋەپتىن ئوقۇتقۇچىلىق كەسپىنى ياخشى كۆرمىسىمۇ تەمىناتى ۋە مۇقىم كىرىمنى ئويلاپ ئوقۇتقۇچىلار سېپىگە قېتىلىۋالغانلار كۆپىيىپ كەتتى. مېنىڭچە نۆۋەتتىكى مەسىلىلەرنىڭ يىلتىزى ئادەم قۇبۇل قىلىشتىكى تۈزۈلمىنىڭ مۇكەممەل ئەمەسلىكىدە بولۇشى مۇمكىن. "ئاۋال يېزىقچە ئىمتىھان نەتىجىسىگە قاراش، ئاندىن يېزىقچە ئىمتىھاندا يۇقىرى نومۇر ئالغانلارنىڭ ئىچىدىن يۈز تۇرانە ئىمتىھان ئارقىلىق بېكىتىش" مەنچە مۇكەممەل ئەمەس. بىلىملىك - ئەقىللىقلىق بىلەن باراۋەر ئەمەس. كەسپىي بىلىمنىڭ چوڭقۇر بولۇشى شۇ ئادەمنىڭ گۈزەل ئەخلاقى پەزىلەتكە ئىگە ئىكەنلىكىدىن دېرەك بەرمەيدۇ. گېتلېرمۇ ئىستىدات ئىگىسى ئىدىغۇ؟ شىڭ شىسەيمۇ ياپونىيىدە ئوقىغان ھەربى ئالىم ئىدىغۇ؟ لېكىن ئۇلاردا ئادىمي ئەخلاق بارما؟     شۇڭا مەن ئويلايمەن ئىمتىھان تۈزۈمىنى ئىسلاھ قىلىپ ئاۋال يۈز تۇرانە ئىمتىھان ئارقىلىق شۇ ئادەمنىڭ خاراكتىرى، پەزىلىتى قاتارلىقلارغا ھۆكۈم قىلىپ تاللاپ بولغاندىن كېيىن ئاندىن شۇلارنىڭ ئىچىدىن يازما ئىمتىھان ئارقىلىق بىلىم قۇرۇلمىسىنى بېكىتىپ ئادەم تاللىسا ئەڭ ئاقىلانىلىق بولىدۇ. ئاخىرىدا ئېيتىدىغىنىم: ئوقۇتقۇچىلار سېپىدىكى جاپاكەش باغۋەنلەر: سىلەر جاپا چېكىۋاتىسىلەر! لېكىن شۇنداقتىمۇ ئېسىڭلاردا بولسۇنكى، خەلق سىلەرگە ئىشىنىپ، ۋەتەننىڭ كەلگۈسىنى سىلەرگە تاپشۇردى. مىللەتنىڭ كېلەچىكىنى سىلەرگە تاپشۇردى. جان دىلىڭلار بىلەن بۇ مۇقەددەس ۋەزىپىنى ئورۇنداشقا تىرىشىڭلار! خەلقنىڭ پەرزەنتلىرىنى بىلىملىكلا ئەمەس بەلكى ئەڭ مۇھىمى ئەخلاقلىق، پەزىلەتلىك قىلىپ تەربىيىلەڭلار. بۇنىڭ ئۈچۈن ئالدى بىلەن سىلەر شۇنداق بولۇشۇڭلار كېرەك.

Eldawa

	ئاۋال يۈز تۇرانە ئىمتىھان ئارقىلىق شۇ ئادەمنىڭ خاراكتىرى، پەزىلىتى قاتارلىقلارغا ھۆكۈم قىلىپ تاللاپ بولغاندىن كېيىن ئاندىن شۇلارنىڭ ئىچىدىن يازما ئىمتىھان ئارقىلىق بىلىم قۇرۇلمىسىنى بېكىتىپ ئادەم تاللىسا ئەڭ ئاقىلانىلىق بولىدۇ. ---------------------- يۇقىرىدىكى بۇ قاراش گەرچە بىر قەدەر ئۈنۈم بېرىدىغاندەك تۇرسىمۇ، ئەمما بۇنى ئەمەلىيەتكە ئۇيغۇنلاشتۇرۇش بەسى مۈشكۈل ھەتتا مۇمكىن بولماسلىقى مۇمكىن.

muallim

	Eldawa يوللىغان ۋاقتى  2011-11-25 12:31 ئاۋال يۈز تۇرانە ئىمتىھان ئارقىلىق شۇ ئادەمنىڭ خاراكت ... بۇ پەقەت مېنىڭ ئاددىي كاللام بىلەن ئويلاپ يېتەلىگىنىم. دانا رەھبەرلىرىمىز چوقۇم تېخىمۇ ياخشى چارىلەرنى تېپىپ چىقالىشى مۇمكىن.

دۆت

	ماۋۇ خومسىنىڭ قىلغان ئىشىنى قارىمامدىغان..... خەپ مۇشۇ تاپتا.... ھۆرمەتلىك ئاتا -ئانىلار ئۆز پەرزەنتلىرىمىزگە توزا كىشىلىك مۇناسىۋەت قارشى،جىنسى قاراش تەربىيىسى، ئۆزىنى قوغداش تەربىيىسىنى ئائىللەردە توختىماي بىرەيلى. سەت قىلىقلىرمىزنى پەرزەنتلەر كۆرۈپ قالمىسۇن، كەچكىچە خىزمەت،تېلۋىزۇر، تاماشا، ئولتۇرۇشلاردا يۈرمەي پەرزەنتلىرىمىزنىڭ يۈرۈش تۇرۇش، مىجەز خۇلىقى، دوسىت بۇرادەرلىرى، ئۈگۈنۈش ئەھۋالىنى ۋاقتى ۋاقتىدا سۈرۈشتۇرۈپ تۇرايلى. ئەڭ مۇھىمى ئۆزپەرزەنتلىرىمىزنىڭ قايسى ئۇقۇتقۇچىنىڭ قولىدا،قايسى سىنپتا، كىم بىلەن بىرگە ئولتۇرىدىغانلىقىنى، شۇ سىنىپ مەسئۇلى كىم، ئەرمۇ ئايال، بويتاقمۇ ، بىلىم سەۋيەسى قانچىلىك دىگەنلەرنى سۈرۈشتۇرۈپ تۇرايلى. گۇمان بولغان ھامان سىنىپ ئالماشتۇرۇش كېرەك. ئەڭ مۇھىمى شۇكى سىنىپ مەسئۇلىنىڭ ئائىلە ئادىرىسىنى ،تېلفۇن نومىرىنى ئوبدان ساقلاش كېرەك. ئۆزىمىزنىڭ پەرزەنتىمىزگە دائىم كۈڭۈل بۈلىدىغانلىقىمىز ھەققىدە ئۇنىڭ بىلەن بالىنىڭ ئۈگۈنۈش ئەھۋالىنى بانىلاپ بولسىمۇ تېلفۇنلىشىپ تۇرايلى. بۇ چاغدا ھەرگىز پەرزەنتلىرىمىزنىڭ(مەيلى ئۇ ئوغۇل ياكى قىز بولسۇن) ئائىلدىكى ئەيىبلىرنى ئېيتىشقا بولمايدۇ.ئۇنداق قىلىدىكەنسىز يۇقىرىقىدەك بۇ سەپتىكى ناكەسلەر يۇچۇقتىن پايدىلىنىپ كىتىدۇ.

تەڭرىتاغ

	مۇئەللىمنىڭ يەنە بىر تېتىملىق تېمىسىنى كۆرگىنىمدىن خۇشالمەن ، بۇ ئەخلاق تەربىيەچىسىنىڭ قىلمىشى جەمئىيىتىمىزدىكى كىشىلەر ئوتتۇرىسىدىكى مۇناسىۋەتنىڭ تېخىمۇ مۇرەككەپلىشىپ كەتكەنلىكىنى ، ئەخلاق تەربىيەسىنىڭ ، ئەخلاق ئۇقۇمىنىڭ كىشىلەر قەلبىدىن كۆتۈرۈلۈشكە باشلىغانلىقىنى كۆرسىتىپ بەردى .

HANJAR

	مەزكۇر تېمىنى كۆرۈپ ئالىم بولغاندىن ھەقىقى مەنىدىكى ‹‹ ئادەم ›› بولۇشنىڭ تېخىمۇ مۇھىم ئىكەنلىكىنى تونۇپ يەتتىم .

kurban

	توغرا،  ئالىم بولماقتىن، ئادەم بولماق تەس.

بۈركۈت

	بىلىملىك - ئەقىللىقلىق بىلەن باراۋەر ئەمەس. كەسپىي بىلىمنىڭ چوڭقۇر بولۇشى شۇ ئادەمنىڭ گۈزەل ئەخلاقى پەزىلەتكە ئىگە ئىكەنلىكىدىن دېرەك بەرمەيدۇ. گېتلېرمۇ ئىستىدات ئىگىسى ئىدىغۇ؟ شىڭ شىسەيمۇ ياپونىيىدە ئوقىغان ھەربى ئالىم ئىدىغۇ؟ لېكىن ئۇلاردا ئادىمي ئەخلاق بارما؟ ...... مۇئەللىم ئەپەندىنىڭ بۇ تېمىسى ھەممىمىزنىڭ ئويلىنىپ بېقىشىغا ئەرزىيدۇ. مۇئەللىم ئەپەندى ھارمىغايسىز...

Kaptar

	دۆت يوللىغان ۋاقتى  2011-11-25 12:42 ماۋۇ خومسىنىڭ قىلغان ئىشىنى قارىمامدىغان..... خەپ مۇشۇ  ... توغرا تەكلىپ دەپ قارايمەن ،مىنىڭ مەلۇم بىر مەكتەپتىكى سىنىپ مەسئۇلۇممۇ مۇشۇ سەۋەپلىك ...... بىر ساۋاقدېشىمنىڭ ئۆيىدىكىلەرمۇ مۇشۇ سەۋەپلىك نۇرغۇن كۆڭۈلسىزلىكلەرنى باشتىن كۆچۈرگەن .

mehrim

	مەن دەيدىغاننى يۇقۇردا تورداشلىرىم دەپ بوپتۇ . ئاۋۇ ئادەم سىياقىدىكى ئادىمىي ھايۋانلارنڭ  پەرزەنتى يوقمىدۇ؟  ئاچا-سىڭىللىرى يوقمىدۇ؟ ھەققە نىمە قىلساڭ ساڭىمۇ شۇ يانىدۇ .