ئەخمەت موللەق ۋە ئۇ ئوينىغان ‹‹ساماۋەر ئۇسسۇلى››

تەڭرىتاغ

	7–ئاينىڭ 15–كۈنى ، 52 ياشلىق ئەخمەت موللەق بىر مەيدان ‹‹ساماۋەر ئۇسسۇلى››نى ئويناپ بولغاندىن كېيىن ، چىلىق–چىلىق تەرگە چۆمۈپ كەتتى .    ‹‹ساماۋەر ئۇسسۇلى›› كۇچا ئۇيغۇرلىرىنىڭ ئەنئەنىۋى ئۇسسۇلىرىدىن بىرى بولۇپ ، مىلادىيە 4–ئەسىردىن 7–ئەسىرگىچە كۈسەن سەنئىتى تازا گۈللەنگەن بىر مەزگىلدە بارلىققا كەلگەن .قىزىل مىڭئۆيلەردىكى غارلاردىن ‹‹ساماۋەر ئۇسسۇلى››غا ئوخشاپ كېتىدىغان تام رەسىملىرى تېپىلغان .    ‹‹ساماۋەر ئۇسسۇلى›› ئاشپۇزۇللاردىكى چاي مەدەنىيىتىدىن كەلگەن بولۇپ ، بۇ ئۇسسۇلدا ئۇسسۇلچى بېشىغا چوڭ بىر ساماۋەر ۋە 16 دانە پىيالىنى قويۇۋالىدۇ . بېشىدىكى پۈتۈن نەرسىلەرنىڭ ئېغىرلىقى سەككىز كىلوگىرامدىن ئېشىپ كېتىدۇ . ماھىر ئۇسسۇلچىلار يەنە ھەتتا قوللىرىغىمۇ چىنە قويۇۋالىدۇ . بۇ ئۇسسۇل ئۇسسۇلچىدىن ماھارەت بىلەن چىدامچانلىقىنى تەلەپ قىلىدىغان بولغاچقا، پەقەت ئەرلەرلا ئويناپ كەلگەن.    كۇچانىڭ يەرلىك ئالاھىدىلىككە ئىگە بولغان ئەنئەنىۋى خەلق ئۇسسۇلى — ‹‹ساماۋەر ئۇسسۇلى››دا ئۇيغۇرلارنىڭ قىزغىن ، مېھماندوست ، ناخشا–ئۇسسۇلغا ماھىر خەلق ئىكەنلىكى ئۆز ئىپادىسىنى تاپقان .    نۆۋەتتە ، ‹‹ساماۋەر ئۇسسۇلى›› يوقىلىپ كېتىش گىردابىغا بېرىپ قالغان بولۇپ ، ئەخمەت موللەق كۇچا ناھىيەسىدىكى ساماۋەر ئۇسسۇلىنى تولۇق ئويناشنى بىلىدىغان بىردىنبىر سەنئەتكار .    2005–يىلى ، ئەخمەت موللەق كۈسەن ناخشا–ئۇسسۇل ئۆمىكىدىن كۇچا ناھىيە ئۇزۇن يېزىلىق مەدەنىيەت پونكىتىنىڭ باشلىقلىقىغا يۆتكىلىپ كېتىدۇ . خىزمەتتىن سىرتقى ۋاقىتلاردا ئۇ كۇچادىكى بىر قىسىم سەنئەتكارلار بىلەن بىللە ، مىللىيچە بېزەلگەن رېستۇرانلاردا نومۇر ئورۇنداپ ‹‹ساماۋەر ئۇسسۇلى››نى تەشۋىق قىلىدۇ ھەمدە بىر تۈركۈم ياش ئىز باسارلارنى تەربىيەلەشكە ئالاھىدە كۈچ چىقىرىدۇ . بۈگۈنكى كۈندە، ‹‹ساماۋەر ئۇسسۇلى›› شىنجاڭ ئۇيغۇر ئاپتونوم رايونىنىڭ تۇنجى تۈركۈمدىكى غەيرىي ماددىي مەدەنىيەت مىراسلىرى تىزىملىكىگە كىرگۈزۈلدى .    ئەخمەت موللەق مۇنداق دەيدۇ : مەن كۆپچىلىكنىڭ ‹‹ساماۋەر ئۇسسۇلى››دىن ئىبارەت بۇ خەلق ئۇسسۇلىنىڭ تەرەققىياتىغا يېقىندىن كۆڭۈل بۆلۈشىنى ئۈمىد قىلىمەن. ئەخمەت موللەق ۋە ئۇنىڭ ‹‹ساماۋەر ئۇسسۇلى››دىن كۆرۈنۈشلەر :

admin

	ئۇيغۇر ئۇسسۇللىرى ھەقىقەت ئىسىل جۇمۇ !

نىدائىي

	ساماۋەر ئۇسسۇلى ھەقىقەتەنمۇ ماھارەت ۋە كۈچ تەلەپ قىلىدىغان بىر خىل تەنتەربىيە ھەم ئۇسسۇلنىڭ بىر تۈرىدۇر.

نىدائىي

	ساماۋەر ئۇسسۇلى ھەقىقەتەنمۇ ماھارەت ۋە كۈچ تەلەپ قىلىدىغان بىر خىل تەنتەربىيە ھەم ئۇسسۇلنىڭ بىر تۈرىدۇر.

qiraylikj

	ياخشى گەپ ، ئىسىل ئۇسسۇل

山花（维）

	كۇچا ساماۋەر ئۇسۇلى ھەقىقەتەن چىرايلىق ،

kaplan19

	ساماۋەر ئۇسۇلى ھەقىقەتەن يۇقۇرى تېخنىكا ۋە ماھارەت تەلەپ قىلىدىغان بىر خىل ئۇسۇل تۇرى.

kutluk

	پاھ ، يەنىلا ئۇيغۇر ئۇسسۇلى .....

mrban

	مەن ئازراق ھىللە ئىشلىتەمدىكى دەيمەن .

qiryaogli

	پاھ   يەنىلا  ئۇيغۇر  ئۇسۇلى بولىدۇ جۇمۇ