بىر مەجنۇننىڭ مۇھەببىتى

ئارتۇچ

	بىر مەجنۇننىڭ مۇھەببىتى ئىبراھىم ئالىپتىكىن جەننەت تۇرىدۇ قۇياشنىڭ نۇرىدا كۈلۈپ ، شەھەرنىڭ سىرتىدا بىر يالغۇز كەپە . باقىدۇ چىرايلىق ئۆز قۇشلىرىنى ، ئۇنىڭدا ئىنسان يوق ،باردۇر پەرىشتە . جىممىدە ئۆتىدۇ ئۇندا ھاياتلىق ، يوق ئۇندا رەزىللىك ،جىنايەت -كۈلپەت . يوق ئۇندا ھاقارەت ھەتتا ئاغرىنىش ، بىلەمسەن ئۇ جەننەت ، ئاھ شۇدۇر جەننەت ... ئۇ دەريا ئېيتىدۇ قىز ناخشىسىنى مەن ئاددىي ئۆيۈمدە ياغاچ كەپەمدە ، ئاڭلايمەن دەريانىڭ شاېقۇنلىرىنى . ئۇ دەريا ئېيتىدۇ قىز ناخشىسىنى ، ئۇلغايتىپ سېغىنىش يالقۇنلىرىنى ... شېرىن چۈش كۆرىدۇ تۈندىكى قۇشلار ، ياپراقلار  كۈلىدۇ  مەيىن  شامالدا . تاشلاردىن -تاشلارغا ئۇرۇلغان سۇلار ، ئۇزايدۇ يىراققا بەكمۇ يىراققا ... چىغىر يول ئىچىدە بارىمەن ئاستا ، تاڭ ئېتىپ قالغاندۇ ئۇ يەردە بەلكىم . قولۋىقىم دەريادا چاقىرار مېنى ، قۇياشقا تەلپۈنگەن ئېزگۈ يۈرىگىم . تۇپراق كەل ئامرىقىم ، سۆيگەن گۈزىلىم ، ئەقىدەم بار يىقلمايدىغان . بار چېھرىمدە تەبەسسۈملىرىم ، يەرگە چۈشۈپ چېقىلمايدىغان . ئۈششۈك تەككەن تال چىۋىقلرىم ، ساڭا سالام بەرگەن ناتىۋان  . دەرت -ئەلەمگە بەرگەن تەسەللىي ، ئۇلۇغ زىمىن سەن بىر مېھرىبان . كىندىك قېنىم تۆكۈلگەن يەردىن ، ئۇچۇپ كەلگەن بىر ئېزگۈ سادا . ئۇزاق يىللار سېغىنغان تەندىن ، ئېقىپ چىقار بىر غەمكىن ناخشا . كەل ئامرىقىم ئەلەملىك تۇپراق ، قۇلىقىڭغا يەتسۇن سۆزلىرىم . يىغلىۋالسام دەيمەن بۇلدۇقلاپ ، ئارام تاپسۇن ئېزىلگەن كۆڭلۈم ... مەنبە  :تارىم ژورنىلى 2012 -يىللىق 9-سانىدىن ئېلىندى .

(نۇر)

	بولىدىغان ياخشى شئىر ئىكەن تەشەكۈر.