ناخشا تېكىستلىرى
(مۇزاتى)
(1)
گۈل ۋە بۇلبۇل
بولسڭمۇ گەر گۈل جەلىپكار،
چىقسا بوران شېخى سۇنار؛
سۇنسا ئەگەر گۈلنىڭ شېخى،
كېلىپ بۇلبۇل نەگە قونار؟!
گۈلگە ئاشىق،تەشنا بۇلبۇل،
كەلگەن يەرگە قونماس ئۇدۇل؛
قىپ ئەقىدە سايرار ھارماي،
گۈلمۇ ئېرىپ قىلار قوبۇل.
كەچكۈز كېلىپ توزىسا گۈل،
شۇدەم چېكەر پەريات بۇلبۇل؛
ئەقىدىسى بولغاچقا چىن،
گۈل ۋەسلىگە يېتەر بۇلبۇل!
(2)
يارمۇ ياكى تاۋارمۇ
بىر مەللىدە چوڭ بولغان،
كۆڭۈلمۇ چۈشۈپ قالغان؛
يۈرۈكۈمگە ئوت سالغان،
ماڭا سەنچە يار بارمۇ؟
تويغا پۈتۈشكەن چاغدا،
تويلۇق تېغى باسقاندا؛
يۇرەك قالدىغۇ داغدا،
بۇندىن ئېغىر دەرت بارمۇ؟
پۇلغا ساتساڭ ئۆزۈڭنى،
بىرلا يۇمۇپ كۆزۈڭنى؛
تېنىۋالساڭ سۆزۈڭنى،
يارىممۇ سەن-تاۋارمۇ؟!
مەنبە : ئۆز ئىجادىيىتىم.