تۇيۇقلار (1) (دېھقانى)

دېھقانى

	تۇيۇقلار (1) ئەي نادان،يول خەتەر، كەينىڭگە يانغىن، ئاق ئاۋام سۈيىدە، ئوتىدا يانغىن، دۇنيادا بىرلىككە يەتمەس ھېچنىمە، كۆر،ئۇچقۇن ئۇلغىيىپ بولىدۇ يانغىن! ئەل يۇرتقا كۆي بالام ، بولغىن باشپاناھ. ئىش كەلسە غودۇراپ: دېمە  يا پانا... نادانلىق ئىلكىدە غەپلەت بېسىشتىن، ئىلاھىم ساقلىسۇن، تىلىگىن پانا! باھاردا يېرىڭنى تېرى، ئۇرۇق چاچ، قىممەت بىل ۋاقىتىڭنى-ئازراق بۇزۇپ-چاچ. يىللار ئۇ رەھىمسىز،تۇرمايدۇ قاراپ، قېرىتار،بولساڭمۇ قۇندۇز-قارا چاچ! ھاياتتا نى كويلار ئەگىيدۇ باشتا. دانا دەر: ئەقىل ياشتا ئەمەس باشتا، قارىغىن، تاغلاردىن كەلگەن ئېقىنغا، ئاياغنى لاي باسار، سۇ سۈزۈك باشتا! يوقىتىپ ھوشۇڭنى،بەڭنى چەكمىگىن، مەجنۇنلۇق كۈيىگە تارلار چەكمىگىن. كۈلۈپ باق ھاياتقا،ئۈمىدنى يار قىل، ناتىۋان، بىھۇدە ھەسرەت چەكمىگىن، ھەيۋەتلىك چاقسىمۇ كۆكتىكى چاقماق، ياراشماس ئادەمگە ئادەمنى چاقماق. مىسالى ئوخشاشتۇر، كىچىك بالىغا- بىلمەستىن، ئوينا دەپ بەرگەندەك چاقماق! چىقىرىپ يۈرسەڭمۇ ئىشتىنىڭدىن قىر، ئېسىڭدىن چىقمىسۇن ھەرگىز ئېتىز-قىر. دېھقانسەن، قىل ئەجىر نان بەرگەن يەرگە، زىيانداش ئۇچرىسا دورىلا، چاپ- قىر... قەلبىڭنى پاكىزلا، بولسۇن تازا-ساپ، بولمىغىن نەپ بەرمەس، ئۈزۈمسىز بىر ساپ... ئەل ئىشى چاقىرار،قۇلاقنى دىڭ تۇت، بېلىڭنى باغلا ھەم سەن يېڭىڭنى ساپ! مەنبە: ئىجادىيىتىم.

ARKZAT

	مىللىي شېئىرىيىتىمىزدىكى ئەنئەنىۋىي  شەكىللەرنىڭ گۈلتاجىلىرىدىن بىرى بولمىش تۇيۇق شەكلى شائىرىدىن مول تىل بايلىقى، ئەمەلىي ئىپادىلەش ئىقتىدارى، يۇقىرى  بەدئىي ماھارەت تەلەپ قىلىدۇ. بۇ مەنىدىن ئالغاندا، تۇيۇقلىرىڭىز خېلىلا مۇۋەپپەقىيەتلىك  چىققان، مۇبارەك!     سەمىمىي تەكلىپ:           ئەل يۇرتقا كۆي بالام ، بولغىن باشپاناھ. ئىش كەلسە غودۇراپ: دېمە  يا پانا... نادانلىق ئىلكىدە غەپلەت بېسىشتىن، ئىلاھىم ساقلىسۇن، تىلىگىن پانا!    بۇ تۇيۇقنىڭ 1-مىسرا ئاخىرىدىكى سۆز بىلەن 2- ۋە 4-مىسرا ئاخىرىدىكى سۆزلەر شەكىلداش سۆز ھاسىل قىلالامدۇ-يوق؟ ئويلىشىپ باقسىڭىز.

hiyalparas

	ARKZAT يوللىغان ۋاقتى  2012-9-17 14:54 مىللىي شېئىرىيىتىمىزدىكى ئەنئەنىۋىي  شەكىللەرنىڭ گۈ ... ARKZAT  ئاكىمىزنىڭ تەكلىپى ئۇرۇنلۇق

دېھقانى

	ئەركزات ئەپەندىمنىڭ سەمىمى تەكلىپىنى قوبۇل قىلىمەن.... مۇنبەرگە ئەسەر يوللاشتىن مەقسىتىممۇ دەل شۇ ئۇستازلارنىڭ سەمىمى پىكرىنى ئېلىپ،قەلىمىمنى تاكامۇللاشتۇرۇش ئۈچۈن ئەمەسمۇ..... رەھمەت.... ئەسەرلىرىمگە سەمىمىي پىكىر-تەكلىپلىرىڭىزنى ئايىماسلىقىڭىزنى ئۈمىد قىلىمەن..