- تىللا
- 256
- تۆھپە
- 156
- نادىر
- 0
- يازما
- 156
- جۇغلانما
- 724
- ھوقۇقى
- 30
- ئاخىرقى قېتىم
- 2012-10-21
- تىزىملاتقان
- 2012-8-31
- UID
- 25911
- تىللا
- 256
- تۆھپە
- 156
- UID
- 25911
|  |  |  |  | « چېگرا يېزىدىكى مۇھەببەت» فىلىمى توغرىسىدا 
( بۇ فىلىمنى تەڭرىتاغ كىنو ستودىيىسى 1983-يىلى ئىشلىگەن.)
سىنارىست-جۇ گۇاڭخۇا.رېژىسسور-جاڭ چاڭيۇەن،ئەن خەيپىڭ.
ئاساسلىق روللاردا:
ئابلەت- ئابدۇرىھىم. پاتىمە- سائادەت كېرىم.
ئېلى- رەجەپ تاجى. ئايشەم-پاتەم ئىمىن.
نىياز-رەخمەت ئەمەت. خەلچىخان-شىرىنگۈل مەتنىياز.
نامان-ئابدۇرىشىت قاتارلىقلار
فىلىمنىڭ قىسقىچە مەزمۇنى:
بۇ ۋەقە يىراق چىگرا يېزىدا يۈز بەرگەن.
ناھىيلىك ئىشتىن سىرتقى سەنئەت ئۆمىكىدە ئىشلەيدىغان ئۇيغۇر يىگىت ئابلەت بىلەن پاتىمە سەنئەت كۆرىكىدە مۇكاپاتقا ئېرىشىدۇ. بۇ ئىككەيلەن يۇرتداشلار ئېتىراپ قىلىدىغان بىر جۈپلەر ئىدى. ئەمما پاتىمەنىڭ دادىسى ئېلى ئابلەتنى نامرات كۆرۈپ، ئۇلارنىڭ تويلىشىشىغا قارشى تۇرىدۇ. ئېلى بۇ نامرات يېزىغا بولغان ئىشەنچىسىنى يوقۇتۇپ، قىزىنى شەھەردىكى ئاچىسىنىڭ ئوغلى-ئەركىنگە بېرىش كويىدا بولىدۇ. ئۇنىڭ ئۈستىگە ئاچىسىنىڭ ئېرى ناھىيىدە ھاكىم بولۇپ، ئاخىرقى ئۆمرىنى بەخىتلىك ئۆتكۈزۈشنى ئويلايدۇ. پاتىمەنىڭ ئانىسى بۇرۇنلا ئۆلۈپ كەتكەن بولۇپ، ئېلى فۇ دادۈيجاڭ- ئايشەمخانغا بالدۇردىنلا كۆڭلى چۈشۈپ قالغان ئىدى. ئايشەمخاننىڭمۇ ئۇنىڭغا كۆڭلى بار بولۇپ، بىراق ئېغىزىدىن چىقىرالماي كەلگەن ئىدى. ئابلەت ئايشەمخاننى ئەلچىلىككە ئەۋەتكەندە بىر مۇنچە كۈلكىلىك ئۇقۇشماسلىقلار يۈز بېرىدۇ. ئابلەت نامراتلىقتىن قۇتۇلغاندىلا، ئاندىن بەختلىك بولىدىغانلىقىنى چوڭقۇر ھېس قىلىدۇ.
3-ئومۇمىي يىغىننىڭ باھار شامىلى گۇڭشى ئەزالىرىنىڭ باغرىنى ئىللىتىدۇ. ئەزالار «داش قازاننىڭ تامىقى» نى يەپ،نامرات ئۆتۈۋېرىشنى راۋا كۆرمەيدۇ. ئابلەت باشلامچىلىق بىلەن ئىشلەپچىقىرىش مەسئۇلىيەت تۈزۈمىنى يولغا قويۇشنى تەلەپ قىلىپ، ئەمگەكچان ئىككى بىلىكىگە تايىنىپ، ئۆز يۇرتىنىڭ نامرات قىياپىتىنى ئۆزگەرتىشكە بەل باغلايدۇ. يېزا نامرات بولغانلىقتىن نۇرغۇن قىزلار شەھەردىن لايىق تاپىدۇ. ئېلى« ئاچام كېسەل بولۇپ قاپتۇ.» دەپ، قىزىنى ئالداپ شەھەرگە كىرىدۇ. ئابلەت: «پاتىمە مەندىن يۈز ئۆرۈپ، ئىگىز ئوقۇرغا ئېسىلىش ئۈچۈن شەھەرگە كىرىپ كەتتى،» دەپ بىلىپ، كۆڭلى ئىنتايىن ئازاپلىنىدۇ-دە، ئۇ بېيىشتىن ئىبارەت ھۆددىگە بېرىش يولىدا قەتئىي مېڭىش ئىرادىسىگە كېلىدۇ. ئۇ تۈرلۈك ئاماللار بىلەن قوشۇمچە كەسىپ بىلەن شۇغۇللىنىدۇ.كۆچەت ئۆستۈرىدۇ...
پاتىمە شەھەرگە كىرگەندىن كىيىن، بىر نەۋرە ئاكىسى ئۇنى ھەدەپ قىزغىن كۈتۈۋالىدۇ. لېكىن پاتىمە ئابلەتكە ئىزچىل سادىق بولۇپ، ئۆز يۇرتىنى سېغىنىدۇ. تاغىسى-مۇسا ھاكىم نىكاھ قانۇنىدا يېقىن تۇغقانلارنىڭ بالىلىرى توي قىلسا بولمايدۇ-دەپ بەلگىلەنگەنلىكىنى تەكىتلەپ پاتىمەنى قېيىن ئەھۋالدىن قۇتۇلدۇرۋالىدۇ. پاتىمە يېزىغا قايتىپ بېرىپ ساۋاقدىشى گۈلنارنى تېپىپ، ئۇنىڭدىن ئىلمىي ئۇسۇلدا تېرىقچىلىق قىلىش تېخنىكىسىنى ئۆگىنىدۇ ھەم مەقسەتلىك ھالدا گۈلنارنى بىر نەۋرە ئاكىسىغا تونۇشتۇرىدۇ.
ئابلەت ھۆددىگە ئالغان يەرگە ئىلمىي ئۇسۇلدا تېرىقچىلىق قىلىپ، جاپالىق ئىشلەپ مول-ھوسۇل ئالىدۇ. دېھقانلارمۇ ئابلەتنى ئۈلگە قىلىپ، تېرىغان يەرلىرىدىن كۆپلەپ ھوسۇل ئېلىشىدۇ. مول-ھوسۇل خوشاللىقىدا ئامما يۈرەك قېتىدىن پارتىيىنىڭ شەپقىتىگە تەنتەنە قىلىشىدۇ. خوشاللىق مول-ھوسۇل مەشرىپى باشلىنىدۇ. ئابلەت بىلەن پاتىمە ئاخىرى ئۆز مەقسەتلىرىگە يېتىدۇ. ئايشەمخان بىلەن ئېلىمۇ بىر-بىرىنى ياخشى كۆرۈپ مەقسىتىگە يېتىدۇ. چىگرا يېزىدىكى دېھقانلار تېخىمۇ ياخشى گۈزەل تۇرمۇش يولىغا قاراپ ماڭىدۇ.
ئوپىراتور-خالىقجان. مۇزىكانت-ئابدۇرىشىت، يۈي تىيەنفۇ.
تەييارلىغۇچى-ئابدۇمىجىت مۇھەممەتئېلى
2012-يىلى 7-سىنتەبىر يېزىلدى. قەشقەر
|  |  |  |  |
|
|
يوللىغان ۋاقتى 2012-9-7 14:31:49
