باشقىلارنىڭ نامىدا ئۆي سېتىۋالسا بولامدۇ؟
دېلو ئەھۋالى: تۇرسۇن بىلەن لەيلىگۈل مۇھەببەتلىشىپ،توي قىلماقچى بولۇشقان،بۇ ۋاقىتتا تۇرسۇن بانكىدىن قەرز ئالالماي، ئۆيىنى لەيلىگۈلنىڭ نامىدا ئالماقچى بولغان. شۇنىڭ بىلەن ئۆي سېتىۋېلىش توختامى،باج تاپشۇرۇش تالونى ۋە بانكىدىن قەرز ئېلىش رەسمىيەتلىرىنىڭ ھەممىسى لەيلىگۈلنىڭ نامىدا بېجىرىلگەن ھەم بانكىدىن80 مىڭ يۈەن قەرز ئالغان. ئۈچ ئايدىن كېيىن مەلۇم سەۋەپلەر تۈپەيلىدىن ئايرىلىپ كېتىپ،باشقىلار بىلەن تۇرمۇش قۇرۇپ پەرزەنتلىك بولغان. تۇرسۇن بۇ ئۆيدىن پايدىلىنىپ كەلگەن ھەمدە بۇلتۇر نويابىردا ئۆينىڭ ھەممە قەرزىنى تۆلەپ بولغان.ئۆي-جاي كېنىشكىسى لەيلىگۈلنىڭ نامىدا بېجىرىلگەنلىكتىن ، داۋاگەر ئۆي-جاي كېنىشكىسىنى ئالالمىغان ھەمدە ئۇنىڭ بىلەن ئۆينىڭ نامىنى يۆتكەش جەھەتتە پىكىر ئىختىلاپى كۆرۈلگەن. تۇرسۇن سوتتا ئۆينى پەقەت لەيلىگۈلنىڭ نامىدا سېتىۋالغانلىقىنى، ئۆيگە تۆلەنگەن بارلىق پۇللارنى ئۆزى تۆلىگەنلىكىنى ئوتتۇرىغا قويغان،لېكىن لەيلىگۇل بۇ ئۆيگە ئالدىن تۆلىگەن پۇلنىڭ يېرىمىنى ئۆزى تۆلىگەنلىكى،بۇ ئۆينىڭ داۋاگەر بىلەن ئىككىسىنىڭ ئورتاق ئىگىدارلىقىدىكى ئۆي ئىكەنلىكىنى ئوتتۇرىغاقويغان. سوت مەھكىمىسى تەرەپلەرنى مۇرەسسەگە يېتەكلەپ، تۇرسۇن لەيلىگۈلگە100 مىڭ يۈەن بېرىدىغان، لەيلىگۈل ئۆينىڭ نامىنى15 كۈن ئىچىدە تۇرسۇننىڭ نامىغا يۆتكەپ بېرىدىغانغا كېلىشتۈرۈلگەن.
شىنجاڭ قانۇنچىلىق گېزىتى.2012-25-ئىيۇل.
| 
يوللىغان ۋاقتى 2012-8-3 00:12:48
