ئىنكاسچىلارغا ئىككى كەلىمە سۆز
تەڭرىتاغ تورى ھۆكۈمەت باشقۇرىشىدىكى بىردىن-بىر مۇنبەرلىك تور، مېنىڭ بىلىشىمچە ھۆكۈمەت باشقۇرىشىدا بۇنىڭدىن باشقا مۇنبەرمۇ يوق. ئاشۇ مۇناسىبەت بىلەن بۇ مۇنبەر قانۇنىي ئاساسىي كۈچلۈك، ئۇيغۇر مۇنبەرداشلارنىڭ ساپاسىغا ۋەكىللىك قىلىدىغان بىر مۇنبەر بولۇپ ھېساپلىنىدۇ. (ھىچ بولمىغاندا مەن شۇنداق قارايمەن).
شۇڭا، مۇنبەر دەسلەپ قۇرۇلغاندا بىلىم ساپاسى يۇقۇرى، تورتەجرىبىسى مول تورداشلار ئەزا بولۇپ، قىسقىغىنا ۋاقىت ئىچىدە خېلى تونۇلغان بىر مۇنبەرگە ئايلانغان ئىدى، ھازىر قاراپ باقسام، ئىنكاسلاردا ئىنتايىن قۇرۇق، بىمەنە پاراڭلار ئورۇن ئېلىۋىتىپتۇ، ئەھمىيەتىسز چاۋاكلار، چۈشۈنۈكسىز ھىجىيىشلارغا كۆمۈلۈپ كىتىپتۇ، كونا تورداشلارمۇ كۆرۈنمەس بولۇپ قاپتۇ، ئىشەنمىسەڭلەر "گاڭپەننى نېمە دەيمىز؟"دېگەن تىمىدىكى ئىنكاسلارغا قاراپ بېقىڭلار(مەن بۇ يازمىنى باشتا كۆرمەپتىكەنمەن، تىمانىڭ مەقسىدىگە ھىچقانداق ئەمىيىتى يوق ئەخلەت ئىنكاسلارنىڭ كۆپلىكىدىن تىمىغا پايدىلىق ئىنكاسلارنى ئىلغاشقا ۋاقتىم بولماي، ئاخىرقى بەتتىكى بىرقانچە ئىنكاسلارنىلا كۆردىم)، مەن ژورنالدىن سايىلەپ تەييار بىر ماقالا "ئەسئەت سۇلايمەن، ۋاڭ مىڭ" دېگەننى يوللىسام، بىر تورداش "بەك ياخشى يېزىپسىز، نەزەر دائىرەم خىلى يۇقۇرىلاپ قالدى" دەپ ئىنكاس يېزىپتۇ، مانا بۇ ئىنكاسلار دەرىجە ئۆستۈرۈش ئۈچۈنلا يېزىلغان ئىنكاس بولۇپ، ئۆزىنىڭ ئازراق دەرىجىسىنى ئۆستۈرۈشنى ئويلاپ، ئۆزىنىڭ ساپاسىزلىقىنى نامايەن قىلىپلا قالماي، توربەتنىڭ ئىناۋىتىگىمۇ نۇقسان يەتكۈزىدۇ. بۇنداق قۇرۇق ئىنكاسلار باشقىلارنىڭ قىممەتلىك ۋاقتىنى ئىسراپ قىلىدۇ ھەمدە توربەتنىڭ بوشلىقىنى ئىسراپ قىلىپ، توربەتنى ئەخلەتخانىلارغا ئايلاندۇرۇپ قويىدۇ.
مەن دايىم كىرىپ تۇرىدىغان توربەتلەردىن ئىككى توربەتنى مىسال قىلىپ بېرەي، ئىككىلا مۇنبەرنىڭ ئىسمىنى بۇ يەردە ئوچۇق ئاتاپ يۈرمەيمەن، مەن بىرىنچى مۇنبەردىكى تېمىلارنىڭ ھەممىسىنى دېگىدەك چالا قويماي كۆرۈپلا قالماي، ئۇنىڭدىكى ئىنكاسلارنىمۇ ئاساسەن كۆرىمەن، بەزىدە ۋاقىت قىس بولۇپ قىلىپ، بىرقانچە كۈن تورغا كىرەلمىسەم، بىرقىسىم تىمىلاردىكى ئىنكاسلار نەچچە بەت، نەچچە يۈز قەۋەت بولۇپ كېتىدۇ، ئاشۇ نەچچە يۈز قەۋەت بولۇپ كەتكەن ئىنكاسلارنىمۇ تولۇق ئوقۇپ قالىدىغان ۋاقىتلىرىم كۆپ، چۈنكى ئۇنىڭدىكى ئىنكاسلار بىر-بىرىدىن"تاتلىق".
يەنە بىر مۇنبەرگە كەلسەك، مەن ئۇ توربەتنىمۇ دائىم كۆرۈپ قويىمەن، ياخشى يازمىلىرىنى كۆپ ئوقۇيمەن، ئەمما ئىنكاسلارنى ئاساسەن ئوقۇمايمەن، ئۇ XXX توربەتنىڭ ئەزا سانى ئۇيغۇرچە توربەتلەر ئىچىدە 1- ئورۇندا تۇرامدىكىن دەيمەن، تېمىلارنىڭ يېڭىلىنىشىمۇ ئالدىنقى ئورۇندا تۇرىدۇ، ياخشى ئەسەرلەر كۆپ يوللىنىدۇ، ئەمما ئىنكاسلارنىڭ يوللۇنىشى ئىنتايىن كۆپ بولۇپلا قالماي، بەزىلىرى ھەتتا ئەڭ تېتىقسىز بولغانلىقى ئۈچۈن، ئىنكاسلارنى ئاساسەن ئوقۇمايمەن، ياخشىراق ئىنكاسلارنى تېپىپ ئوقۇش ئاسان ئەمەس، ياخشىلىرىنى بىرمۇنچە ئەخلەتلەرنىڭ ئىچىدىن ئىلغاشقا توغرا كىلىدۇ. بۇنىڭغا نەدىمۇ ۋاقىت بولسۇن؟ بىرەر بىلىمگە ئىھتىياج بولۇپ قىلىپ، بىرەر نەرسىنى سوراپ تىما يېزىپ قالسىڭىز
بىلىك ياكى
ئىزدىنىشتىن سىزگە نەخ ئەسقاتىدىغان جاۋاپلارنى قۇرۇق گەپلەردىن ئىلغاپ ئولتۇرماي، نەخ جاۋاپنىلا ئالىسىز، جاۋاپ بېرەلمەيدىغانلار ساقال تارىماي، غىت قىسىپ، جاۋاپ بەرگەنلەرنىڭ جاۋابىدىن بەھرىلىنىدۇ ياكى باشقىچە قارىشى بولسا ۋە ياكى چۈشۈنۈشتە قىينالغان بولسا پىكىرىنى ئوتتۇرىغا قويىدۇ، مەن ئىنكاسلىرىنى ئوقۇمايدىغان ئاۋۇ XXX توربەتتە بولسا، نەخ جاۋاپنى تېتىقسىز ئىنكاسچىلارنىڭ مۇنداق: "مەن بىلمەيدىكەنمەن"، "بىلگەن بولسام چوقۇم جاۋاپ بېرەتتىم"، "سۇئالىڭىزغا جاۋاپ بېرەلەيدىغانلار چىقىپ قالا"، "بەك مۇھىم سۇئالنى سوراپتىكەنسىز"، "مەنمۇ بىلىمگە ئىگە بولۇپ قالدىم"، "مېنىڭ ئاكام بىلىتى بۇ سۇئالنىڭ جاۋابىنى"، "مەنمۇ شۇنداق سۇئالدىن بىرنى سوراي دەپ تۇرغان"، "مۇشۇنىمۇ بىلمەپسىز دە؟"، ...... دېگەندەك ئەخلەتلىرىدىن ئىلغىشىڭىزغا توغرا كىلىدۇ. ئۇ ئەخلەتلەرنىڭ ئۆزىگە ياكى سۇئال سورىغۇچىغا ۋە ياكى باشقا تورداشلارغا قىلچە پايدىسى بولمايلا قالماي، ۋاقىتنى ئىسراپ قىلىپ، توربەتنى، تىمىنى ئەخلەتخانىغا ئايلاندۇرۇش ھېسابىغا، ئەخلەتچىلەرنىڭ توربەتتىكى بىرتىينگە ئەسقاتمايدىغان دەرىجىسى ئۆسەرمىش.
نەق گەپكە كەلسەم:
تەڭرىتاغ تورىنىڭ قۇرغۇچىلىرى ۋە باشقۇرغۇچىلىرىغا تەكلىۋىم، دەرىجە قوغلىشىپ يوللانغان قۇرۇقتىن قۇرۇق رەسىم، ئەھمىيەتسىز، تۇترۇقسىز ئىنكاس يولىغۇچىلارنىڭ ئەخلەتلىرىنى قەرەللىك تازىلاپ، ئىنكاسلىرى تازىلانغانلارنىڭ دەرىجىسىنى ئاپتوماتىك چۈشىدىغان قىلىپ، ئىنكاسلارنىمۇ باھالىغىلى بولىدىغان قىلىپ، ئەخلەتچىلەرنى، چاۋاكچىلارنى مەنپىي نۇمۇر بىلەن باھالاپ، تەڭرىتاغ تورىنىڭ سۈپىتىنى، ساپا سەۋىيىسىنى بىر دەرىجە يۇقۇرى كۆتۈرۈشكە ھەممىمىز ھەركەت قىلساق قانداق؟ باشقۇرغۇچىلار يېتىشىپ بولالمىساڭلار، ئىختىيارى مۇخبىرلارغا ئوخشاش، ئىختىيارى باشقۇرغۇچىلارنى تەكلىپ قىلىپ، بۇ مۇنبەرنى ئۇيغۇر توربەتچىلىكىدىكى ئالدىنقى مۇنبەرگە ئايلاندۇرۇشقا ھەممىمىز كۈچ چىقارساق.
بۇ مۇنبەر ئەڭ مۇھىمى خەلققە يېقىن تۇرۇپ، ھۆكۈمەتنىڭ خەلققەپايدىلىق تۈرلۈك سىياسەتلىرىنى خەلققە ۋاقتىدا يەتكۈزۈپ، خەلقنىڭ تەلەپ، ئىلتىماسلىرىنىمۇ ھۆكۈمەتكە ۋاقتى قەرەلىدە يەتكۈزۈپ، ئۇنى ھەل قىلىش تەدبىرلىرىنى، نەتىجىسىنى يەنە خەلققە يەتكۈزۈپ، ئىناق جەمىيەت قۇرۇشقا ھەسسىسىنى قوشقان بولسا، خەلقنىڭ
/forum.php?mod=viewthread&tid=16179 ،
/forum.php?mod=viewthread&tid=14777 گە ئوخشاش دەرت-ئەھۋالىنى ئاددىي، كىچىك كۆرمەي، دەردىنى تۆكىۋىلىشقا پۇرسەت، قورسىقىنى بوشىتىۋىلىشقا سەھنە بولۇش بىلەن بىرگە ئۇنى مۇناسىپ تەدبىرلەر ئاقىلىق ھەل قىلىشقا كۈچ قوشسا. مۇشۇ ئېقىمنى ئۆزىنىڭ بىر بۇرچى دەپ تونۇغان بولسا.
يوللىغان ۋاقتى 2012-6-28 20:00:24
بۇ يازمىنى ئاخىرىدا kurban.qaydu تەھرىرلىگەن. ۋاقتى 2012-6-29 10:51 
يوللىغان ۋاقتى 2012-6-29 18:03:42
