سەن نەلىك؟

Mr.Aziz

	سەن نەلىك؟ _ سىنىپ باشلىقىمىز ئەكبەرنىڭ ئورنىغا ئۆزى بىلىملىك، مەسئۇلىيەتچان، سىنىپ خىزمىتىنى جان دىل بىلەن ئىشلەيدىغان، ئوقۇغۇچىلار ياخشى كۆرىدىغان ئادىل باشلىقتىن بىرنى سايلايمىز، دېگەن. سېنىڭچە كىمنى سايلىساق بولا؟ _ مېنىڭچە، مەتقاسىمنى سايلايلىمىكى، دەيمە. _ قاسى مەتقاسىمنى دەيسە؟ _ ھېلىقى خوتەنلىك مەتقاسىمچۇ؟ _قويە ئاداش، خوتەنلىك دېگەن، بىرنى بىي دېيتمىز، ئىشەكنى «تېرت» دېيتمىز، دەپ تۇرۋالدىغان جاھىل خەق، ئۇ. _ ئۇنداقتا توختاجىچۇ؟ _ نەلىك نېمە، ئۇ؟ _ قەشقەرلىك. _ قويە ئۇ قاشقالىقنى. قاشقالىق دېگەن بىر چەينەك چاي تېپىۋاسا، 18 مىڭ ئالەمنىڭ غەيۋىتىنى قىلدىغان، گېپى سېسىق، زەھەردەك خەق، ئۇ. _ ئەمىسە ئاتۇشلۇق ھاجى كېرەمچۇ؟ _ ئاداش، ئاتۇشلۇقنىڭ سىنىپ باشلىقى بوپ قېلشىدىن خۇدا ساقلىسۇن! _ ئاتۇشلۇق شۇنچە يامانما؟ _ ئاتۇشلۇق دېگەن، ئاي شارىغا ئاچچىقسۇ (سىركە) ساتقىلى چىققان خەق، ئۇ. _ ماڭەۋا ئاداش، ئاي شارىغا ئامېرىكىلىق چىققان تۇسا. _ ئامېرىكىلىق ئەمدىلا ئاي شارىغا چىقىشىغا، ئاتۇشلۇق ئاللىقاچان ئاي شارىدىكى سودىسىنى پۈتتۈرۈپ، پۇلىنى يانچۇققا سېپ قايتقان گەپ. _ يائاللا، دۇنيادا ئاتۇشلۇق يوق يە بامىدۇ؟ _ با. _ نە، ئۇ؟ _ دوزاختا يوق، ئۇلا. _ نېمىشقا؟ - چۈنكى، دوزاختا پايدا يوق ئەمەسمۇ. _ ئەمىسە تۇنىياز قانداراق؟ _ كىم ئۇ، تۇنىياز دېگەن؟ _ ئاقسۇلۇق تۇنىيازچۇ؟ _ ئاداش، ئاقسۇلۇق دېگەن بىر كاۋىنى تالىشىپ، تونوغا دۈم چۈشۈپ، ئۆلگىلى تاس قاغان خەق. _ ئەمىسە زامانىدىننى سايلايلى. _ ھېلىقى غۇلجىلىق زامانىدىننى دەمسە؟ ئۇ بومايدۇ. غۇلجىلىق دېگەن، قۇلىقى يوق تەمبۇردىن بىرنى تېپىۋاسا، «خانلەيلۇن» غا تولاپ، زەي ساماي پو ئېتىپ، 3 ۋاخ تاماق يىمەيدىغان خەق، ئۇ. _ 1 قېتىم گە قىپ، 10 قېتىم كۈلىدىغان خەق دېگىنە، ئۇ. خۇددى تۈكىنى تاتقان ئۆچكىدەك. _ ۋاي شۇنى دېمەمسە، ئايىغىنى پاقىرتىپ، ئىشتاننى قىرلاپ يۈگەن بىلەن، يانچۇق قۇرۇق، 1 تىيىن يوق. ئەتكەن چايغا نان چىلاپ يەپ، كۈن كەچ قىلدىغان خەق. _ ئەجەپمۇ ئوخشاتتىڭا، ئۇ غۇلجىلىق خەقنى. مۇبادا زامانىدىننى سىنىپ باشلىقى قىپ قويساق، ئۇ بىزگە يىغىن ئېچىپ قاسا، «ساۋاقداشلار، ھازىر يىغىننى باشلايمىز، ۋەەەەەەەت!!! بىر ھەپتىلىك ئومۇمىي ئەھۋالدىن خۇلاسە چىقاساق، ۋەەەەەەەت!!!، دەپ، يىغىننى ئوتۇرۇشقا ئايلاندۇردۇ. _  ئۈرۈمچىلىك دىلشات خېلى تۈزۈك، يامان ئەمەس نېمىدەك تۇرىدۇ. شۇنى سايلامدۇق-يە؟ _ ئۈرۈمچىلىكنى قاندامۇ سىنىپ باشلىقى قىغىلى بوسۇن، ئاداش؟ ئۈرۈمچىلىك دېگەن پىۋىنى تولا ئىچىپ، لاتىلىشىپ كەتكەن خەق، ئۇ. ئۇنى سايلىساق بومايدۇ. _ئەمىسە تۇرپانلىق ئەنەيتۇلچۇ؟ گېپى قوپال بوغىنى بىلەن، كۆڭلى ياخشى نېمە، ئۇ. _ بومايدۇ، ئاداش. تۇرپانلىق دېگەن بەك ئەخمەق كېلدۇ. موللا زەيدىن بو قامايلى، يەنە. _ قۇمۇللۇق سالىچۇ؟ _ قويە، ئۇ تۇڭگان قاپاقنى. _ ئالتايلىقچۇ؟ _ بومايدۇ. - كۇچالىق بايىرچۇ؟ _ ۋاي قويە، ئۇ خەقنى. ئەلىرى ئەدەك ئەمەس، غىلجىڭ بىر نېمىلەنى. _ چەچەنلىك قەيسەرجانچۇ؟ _ تېخىمۇ بومايدۇ، ئۇ ئوروس كۆز. _ شۇندا قىپ، سىنىپ باشلىقى بولدىغانغا كىم قالدى؟ _ سەن بىلەن مەن. _ ئۇنداقتا، سەن نەلىك...؟ _ ئۆزەڭچۇ...؟    «ئىلى پېداگوگىكا ئىنىستىتۇتى ئۇيغۇرچە گېزىتى» نىڭ 2007-يىل 8-ئايلىق سانىدىن ئېلىندى

yipak

	Mr.Aziz ئەپەندىم تېمىنىڭ مەنبەسىنى ئەسكەرتىشنى ئۇنتۇپ قالماڭ...

MaNaKxAm^0992

	شۇنداق بىز نەلىك ئەمدى ؟ھەمىمىز بىر ئاللاھنىڭ  بەندىسى بۇ   ھەقىقەت .

Mr.Aziz

	yipak يوللىغان ۋاقتى  2012-5-5 12:41 Mr.Aziz ئەپەندىم تېمىنىڭ مەنبەسىنى ئەسكەرتىشنى ئۇنتۇپ قا ... ئەسكەرتكەنتىم.

xamxar111

	خۇنەنلىك تىن بىرسى  سىنىپ باشلىقى  بۇسا بۇلامتى ..............

ｄｉし__SｉЯｉ

	نەلىك بولامىز،ئاللاھنىڭ بەندىسى،بىزنىڭ  ھەممىمىزنىڭ تۇرۇۋاتقان جايىمىز يەر شارى

obama

	ھەي! بىز ئەسلى ئۆم -ئىناق ئۇيۇشۇش كۈچىمىز بىلەن ئۇيغۇر دەپ ئاتىلىپ،دۇنيانى غال-غال تىترەتكەن ئىدۇق.

uighur

	ساپاىسى يوق كىشىلەر ،سەن نەلىك دەپ بىلجرلايدۇ!

haltakoqa

	مانا بۇ ئۇيغۇرلارنىڭ ھەقىقى ئەپتى-بەشىرىسى، ئەجەپ تازا ئوخشۇتۇش بوپتۇ ئادەمنىڭ كۆڭلىدىكىدەك. كىچىك سىنىپ باشلقىنى شۇنچىلىك تالىشىدۇ، بىرەر چوڭ ئىدارە باشلىقى، نازىر بوپ قالسا نىمە بولۇپ كىتەر؟

nargiz

	ئۇيغۇرلاردادىلا مۇشۇنداق گەپلەر باركەن  خەن لەردە يوقكەن ، توۋا،،،،،