تەڭرىتاغ مۇنبىرىگە بىر تەكلىپ!

Erkman

	بۇ ئەرزىمەس تەكلىپىمنىڭ تەستىقلىنىش-تەستىقلانماسلىقىنى بىلمەيمەن، شۇنداقتىمۇ ئاددىيلا دەپ باقسام! مەتبۇئاتىمىزدا گېزىت-ژۇرنال ئەنئەنىۋى مەتبۇئات سانالغان بولسا، كۈنىمىزدە ئىنتېرنېت مەتبۇئاتىنىڭ بارلىققا كەلگىنىگە خېلى يىللار بولۇپ قالدى. بۈگۈن بۇ مۇنبەرنى كۆرۈپ خۇش بولدۇم، ئىشىنىمەنكى، بۇ مۇنبەر ئاپتونوم رايونىمىزدىكى ھۆكۈمەت باشقۇرۇشىدىكى نوپۇزى ئەڭ يۇقىرى مۇنبەر بولۇپ قالغۇسى. شۇڭا، مۇنبەر قازى-قۇززاتلىرىگە گىدىككىنە بىر تەكلىب: ئىملاسى بۇزۇق تېما-ئىنكاسلار تەستىقلانمىسا، گەرچە بۇ ئىملا ئادەتتىكى ئىشتەك كۆرۈنسىمۇ ئەمما ئۇ كىچىك ئىش ئەمەس! ئاخبارات-نەشرىيات ئىدارىسىنىڭ بەلگىلىمىسىدە قوش فورماتلىق گېزىتنىڭ بىر بېتىدە 5 ئىملا خاتالىقى كۆرۈلسە، لاياقەتلىك سانىلىدۇ، ئەمما ئىنتېرنېت ئىملاسى ھەققىدە بەلگىلىمە بارلىقىنى ئاڭلىمىدىم، شۇڭا ھۆكۈمەت باشقۇرۇشىدىكى بۇ مۇنبەر ئالاھىدە كۈچ سەرپ قىلىپ بۇ جەھەتتە ئۈلگە بولسا!

erdewil

	مۇنۇ تېمىنىڭ مۇھىملىقىنى مەنمۇ ھېس قىلىۋاتىمەن. بىراق تېما ئىگىسىنىڭ بايانىدىلا ئىملا خاتالىقى باركەن. مۇشۇ مۇنبەردىكى ئىملا مەسىلىسىدە ھەممىنى ئۆزىمىزدىن باشلىساق، يەنە كېلىپ بۇ مۇنبەر ھۆكۈمەت باشقۇرۇشىدىكى مۇنبەر، شۇڭا ھەربىر سۆزنى -جۈملىلەرنى قاتتىق مەسئۇلىيەتچانلىق بىلەن يازساق.تور بېكەت باشقۇرغۇچىلىرىمۇ بۇنىڭغا كۈچىشى كېرەك ئەلۋەتتە...

Erkman

	ھوقۇق دەستىكى تەستىققا شىلتىلگىنىگە كۆپ تەشەككۈر! مەن ئۆزۈم ئۆگىنىۋاتقان تەرجىمان، بۇ مۇنبەرگە مەن تەرجىمە قىلىۋاتقان «چىن ئىمپېرىيەسى» نى يوللىماقچى، مېنىڭچە ئالتە بۆلۈم، ئون بىر توملۇق روماننىڭ 5-بۆلۈمىنىڭ بىرىنچى قىسىمىنى يوللىسام، نەشرىيات نەشر ھوقۇقى سۈرۈشتۈرۈپ يۈرمەس، مەقسىتىم ئۇستازلاردىن پىكىر ئېلىش، رومان 2012-يىلىنىڭ ئاخىرلىرىدا نەشردىن چىقىشى مۇمكىن، نۇرغۇن خاتا كەتكەن جايلىرىغا قىزىققۇچىلار ئوقۇپ پىكىر بەرسە، دېگەن ئۈمىدتتەمەن!

mungdax

	ياخشى تەكلىپ بەرگىنىڭىزگە تەشەككۈر!  تەڭرىتاغ مۇنبىرىنىڭ ئاپتونوم رايونىمىزدىكى تەسىر دائىرىسى يۇقىرى مۇنبەر بولۇپ چىقىشىغا ھەممىمىز ئورتاق كۈچ چىقىرايلى!

noshirwan

	ئورۇنلۇق تەكلىپ.

نىدائىي

	بۇ ھەقىقەتەنمۇ ئورۇنلۇق تەكلىپ بوپتۇ. مەن، جۈملىدىن تەڭرىتاغ  ئۇيغۇر تورىدىكى بارلىق مۇھەررىرلەر سىزنىڭ بۇ تەكلىپنى سۇنغانلىقىڭىزدىن تولىمۇ سۆيۈندۇق. سىز، بىز شۇنداقلا ھەممەيلەن مۇشۇنداق تىرىشساقلا ئانا تىلىمىزنىڭ تەرەققىياتى ئۈچۈن ئازراق بولسىمۇ تۆھپە قوشالايمىز.

haltakoqa

	ياخشى تەكلىپ ئاغرىتماس قامچا، بۇنى ھەممەيلەن قوبۇل قىلىدۇ

Talwa0908

	ناھايىتى ئورۇنلۇق تەكلىپ بوپتۇ،،  ئىملا خاتالىغى ھەرگىزمۇ كىچىك ئىش ئەمەس ...

karwanim

	ئانا تىلىمىزنىڭ ھۆرمىتى ئۈچۈن بولسىمۇ ئىملاغا دېققەت قىلىمىز...

بىلگئەر

	پېقىرمۇ بىر كىشىلىك ئاۋاز قوشاي. كۆپچىلىك ئورتاق تىرىشساق، بۇ ھەقتىكى تىرىشچانلىقىمىز ھەرگىزمۇ بىكار كەتمەيدۇ. ھەر بىرىمىز ئۆزىمىزدىن باشلايلى. مەنمۇ بۇ ئىشتا كۆپ چولتا.ئويلاپ باقسام مۇشۇ مۇنبەرگە ئۇيغۇرچە خەت يازغاندىن باشقا بىرەر يەرگە تۆت قۇر ئۇيغۇرچە خەت يېزىپ باقمىغىلىمۇ بىر يىلدىن ئېشىپ كېتىپتۇ. بۇ جەھەتتە ئىملاسى توغرا بولغان بىرەر ئۇستاز تېپىشنى بەكمۇ ئۈمىد قىلىمەن. مېنىڭ بىرەر ئىملا خاتالىقىمنى بايقىساڭلار، تەنقىد بىرىڭلار. مەن قارشى ئالىمەن. كىم مېنىڭ ئىملا خاتالىقىمنى، يەنى دائىم تەكرارلىنىپ قالىدىغان ئىملادىكى خاتالىقىمنى بايقىسا، مۇكاپاتلايمەن. گېپىم گەپ.