دېزىنفېكسىيەلەنگەن قاچا – قۇچا ھەققى ئالغانلارغا يۇقىرى بولغاندا 10 مىڭ يۈەن جەرىمانە قويۇلىدۇ
ئۈرۈمچى شەھەرلىك س س م ب ئىدارىسى ئىستېمالچىلارغا بىخەتەر ئىستېمال مۇھىتى يارىتىش ھەمدە ئىستېمالچىلارنىڭ تاللاش ھوقۇقى، سودىلىشىش ھوقۇقى ھەمدە ئەھۋالدىن خەۋەردار بولۇش ھوقۇقىنى قوغداش ئۈچۈن، ئىستېمالچىلارنىڭ ھوقۇق – مەنپەئەتىنى قوغداش قانۇنىغا ئاساسەن بەلگىلىمە چىقىرىپ، دېزىنفېكسىيەلەنگەن قاچا – قۇچا ھەققى يىغىش قىلمىشلىرىنى چەكلىدى.
بەلگىلىمىدە، ئۈرۈمچى شەھىرىدىكى يېمەك – ئىچمەك كارخانىلىرى (يۇلتۇز دەرىجىلىك مېھمانسارايلارنىمۇ ئۆز ئىچىگە ئالىدۇ) ئىستېمالچىلارنىڭ غىزالانغاندا دېزىنفېكسىيەلەنگەن قاچا – قۇچىلارنى ھەقسىز ئىشلىتىشىگە ياكى بىر قېتىملىق دېزىنفېكسىيەلەنگەن قاچا – قۇچىنى تاللاپ ئىشلىتىشىگە يول قويۇش، بىر قېتىملىق دېزىنفېكسىيەلەنگەن قاچا – قۇچىلاردىن مەجبۇرىي ھەق ئېلىشنى چەكلەش، شەكلى ئۆزگەرگەن بوتۇلكا ئېچىش ھەققى ئېلىش ھەمدە ئەڭ تۆۋەن ئىستېمالغا چەك قويۇش قاتارلىقلارنى چەكلەش بەلگىلەنگەن. بەلگىلىمىگە خىلاپلىق قىلغان كارخانىلارنىڭ قانۇنسىز تاپاۋىتى مۇسادىرە قىلىنىش بىلەن بىللە، 1000 يۈەندىن تۆۋەن جەرىمانە قويۇلىدىكەن. ئىستېمالچىلار بەلگىلىمىگە خىلاپ قىلمىشلارغا ئۇچرىسا «12315» كە تېلېفون بېرىپ ئەھۋال ئىنكاس قىلسا، س س م ب تارماقلىرى دېلو تۇرغۇزۇپ تەكشۈرۈلىدىكەن.
مەنبە: قانۇنچىلىق گېزىتى
يوللىغان ۋاقتى 
يوللىغان ۋاقتى 
يوللىغان ۋاقتى 
