مۇقام كۈيى، تائام ھىدى تارىدى ھەر يان،

tograk

	مۇقام كۈيى، تائام ھىدى تارىدى ھەر يان،                             ۋىسال تاپتى بارچۇقتا،نورۇزلۇق ئارمان -مارالبېشى ناھىيەسىنىڭ نورۇز بايرىمىنى تەبرىكلەش يۈرۈشلۈك پائالىيەتلىرى توغرىسىدا تۇرغۇنجان ئىمىن باش باھار يىتىپ كىلىپ، ھەممە ياقنى باھارنىڭ خۇشبۇي ھىدى قاپلىغان خاسىيەتلىك مىنۇتلاردا، 3-ئاينىڭ 21-كۈنىدىن 25-كۈنىگىچە توغراق ماكانى-جەلپكار بارچۇق- مارالبېشى ناھىيەسىدىكى ھەر مىللەت خەلقى ئۆزلىرىنىڭ جۇشقۇن روھى قىياپىتى ئارقىلىق بىر يۈرۈش پائالىيەتلەرنى ئۆتكۈزۈپ، بۇ يىلقى 9-قېتىملىق نورۇز بايرىمىنى قۇتلۇقلىدى. بۇ ناھىيە بۇ يىلقى نورۇز بايرىمىنى مول مەزمۇنلۇق، ئۆزگىچە شەكىل، يېڭىچە ئۇسۇلدا ئۆتكۈزۈپ، ناھىيەدىكى ھەر مىللەت خەلقىنىڭ مەنىۋى تۇرمۇشىنى بېيىتىش ئۈچۈن بالدۇر تۇتۇش قىلىپ، ئىنچىكە تەييارلىق قىلدى. 3-ئاينىڭ 21-كۈنى ناھىيە بازىرى ئىستىراھەت مەيدانىدا ئۆتكۈزۈلگەن باشلىنىش مۇراسىمى ۋە مەيدانغا كىرىش، پاراتتىن ئۆتۈش مۇراسىمىغا 10مىڭدىن ئارتۇق ھەر مىللەت خەلقى قاتناشقان بولۇپ، ھەر قايسى يېزا-بازارلاردىكى دېھقان-چارۋىچىلار، ئەل ئىچى سەنئەتكارلاردىن تەشكىللەنگەن يېزا-بازار، كەنت، مەھەللىلە،ئىجتىمائىي رايونلاردىن كەلگەن خەلق سەنئەتكارلىرى شوخ مۇقام كۈيلىرى، لەرزان ۋە رېتىملىق ئۇسۇللىرى بىلەن سەپ ئالدىدا مېڭىۋاتقان رەڭلىك بىزەك ماشىنىلار ۋە تۇۋاقلىرىدىن ئۇچقۇن ياندۇرۇپ، بارچۇق ئوغۇل-قىزلىرىنىڭ باتۇرانە روھى قىياپىتىنى ھەقىقىي نامايەن قىلىۋاتقان  ئوغلاقچى پالۋانلارغا ئالقىش ۋە مەدھىيەلەر ياڭراتقىنىچە مەيدانغا كىرىپ، مۇراسىمغا قاتناشقان ئاممىنىڭ قەلبىنى لەرزىگە سالدى. باشلىنىش مۇراسىمىدىن كىيىن يەنە دېھقان- چارۋىچىلار، كادىر، ئىشچى- خىزمەتچىلەرنىڭ نورۇز بايرىمىنى تەبرىكلەش رەسىم، ھۆسىنخەت، فوتۇ-سۈرەت كۆرگەزمىسى ۋە «مەدەنىيەتسىز ئىش-ھەركەتلەر بىلەن خوشلۇشۇپ، مەدەنىيەتلىك،ئەدەپلىك مارالبېشلىقلاردىن بولايلى» تېمىسىدىكى  10مىڭ كىشىلىك  ئىمزا قويۇش مۇراسىمى ئۆتكۈزۈلۈپ، ھەر مىللەت كادىرلار، ئاممىسىنىڭ مەدەنىيەتلىك مارالبېشلىقلاردىن بولۇش ئېڭى تېخىمۇ كۈچەيتىلدى؛ناھىيەلىك ئورمانچىلىق ئىدارىسى ئالدىغا تەسىس قىلىنغان مەيداندا يەنە «نورۇز بايرىمىنى تەبرىكلەش ئېسىل تائاملار كۆرگەزمىسى» ئۆتكۈزۈلۈپ، ناھىيە تەۋەسىدىكى 70تىن ئارتۇق يەككە، تىجارەتچى، ھۆنەرۋەن-كاسىپلار كاۋاپ، نان، خېمىر ۋە پىچىنە-پىرەنىك، سوغۇق-سەي تۈرى بويىچە 100خىلدىن ئارتۇق مىللىيچە ئالاھىدىلىككە ئىگە يىمەكلىكلىرىنى يەرمەنكىگە قاتناشتۇرۇپ، نورۇز ئەھلىنى نورۇز ئېشى قاتارلىق ئىسىل تائاملارنى تېتىپ كۆرۈش پۇرسىتىگە ئىگە قىلدى؛ بولۇپمۇ، ئاقساقمارال يېزىسىدىن كەلگەن «كاۋاپ پادىشاھى» - مۆمىن غۇپۇرنىڭ غايەت زور چوڭ تونۇردا پۈتۈن پىشۇرغان تۆگە، كالا، قوتاز ۋە پاقلان كاۋاپلىرى ئەڭ يارقىن، ئەڭ جەلىپكار، ئەڭ مېزىلىك تائامغا ئايلىنىپ،مېزىلىك پۇراقلىرى ھەر يان تاراپ،  نورۇز ئەھلىدە ئۇنتۇلغۇسىز تەسىراتلارنى قالدۇردى؛ ناھىيەلىك ئېغىر سانائات رايونىدا ھەر قايسى يېزا-بازارلار ئارا ئات بەيگىسى، ئوغلاق تارتىشىش، قوچقار سوقۇشتۇرۇش، توخۇ سوقۇشتۇرۇش ۋە ئىت تالاشتۇرۇش مۇسابىقىلىرى ئۆتكۈزۈلۈپ، بارچۇقلۇقلارنىڭ قورقماس، باتۇر روھى قىياپىتى نامايەن قىلىندى؛ 3-ئاينىڭ 21-كۈنىدىن 24-كۈنىگىچە ھەر كۈنى كەچتە يەنە 12يېزا-بازار ۋە ناھىيەگە بىۋاستە قاراشلىق سېستىمىلارنىڭ نورۇزنى تەبرىكلەش سەنئەت مۇسابىقىلىرى ئۆتكۈزلۈپ، كەنت، مەھەللە، ئاھالىلار كومتېتلىرىدىن كەلگەن خەلق سەنئەتكارلىرىدىن تارتىپ، ناھىيەلىك ناخشا-ئۇسۇل ئۆمىكىدىكى كەسپىي ئارتىسلارغىچە ھەممەيلەن ئۆزلىرىنىڭ جەلىپ قىلارلىق، مەزمۇنى يېڭى، شەكلى خىلمۇ-خىل، ئەنئەنىۋىلىك بىلەن زامانىۋىلىق ئەپچىل جىپسىلاشتۇرۇلغان سەنئەت نومۇرلىرى ئارقىلىق نورۇز بايرىمىغا تەنتە قىلىپ، بۈگۈنكىدەك ئاسان قولغا كەلمىگەن بەختىيار كۈنلەرگە مەدھىيە، ئالقىشلار ياڭراتتى. بۇ قېتىمقى يۈرۈشلۈك پائالىيەتلەر ئاخىرلاشقاندىن كىيىن ئەدەبىيات- سەنئەت نومۇرلىرىنى كۆرسىتىش، ئوغلاق تارتىشىش، ئات بەيگىسى، قوچقار سوقۇشتۇرۇش، ئىت تالاشتۇرۇش، توخۇ سوقۇشۇتۇرۇش تۈرلىرى بويىچە ئالدىنقى 3-لىككىچە ئىرىشكەن ئورۇن ۋە شەخىسلەر 200مىڭ يۈەندىن ئارتۇق نەق پۇل بىلەن مۇكاپاتلاندى. سۈرەتتە: پائالىيەتلەردىن كۆرۈنۈشلەر. مارالبېشى ناھىيەلىك پارتكوم تەشۋىقات بۆلۈمىدىن 13779498258

ئىزچى

	تولىمۇ ئەھمىيەتلىك پائالىيەت بوپتۇ ، ئەجرىڭىزگە بارىكاللا

سەرتۇغ

	بەك ياخشى ئۆتكۈزۈلگەن پائالىيەتلەر ئىكەن. ھارمىغايسز....