يۈز خەتلىك فېليەتونلار
1. مۇبالىغىچىلىكنىڭ سىرى
تۆت چاسا دېيىلگەننى بىر سىقسىلا يۇمىلاق بولۇپ قالىدۇ. يۇمىلاق دېيىلگەننى بىر سىقسىلا ياپىلاق بولۇپ كېتىدۇ. ئېغىز: پولات-تۆمۈردىنمۇ چىڭ. پاكىت: خېمىردىنمۇ يۇمشاق. نەتىجە: باش قاتۇرۇپ توقۇپ چىقىرىلغان. تەجرىبە: كۈچ سەرپ قىلىپ ئويدۇرۇپ چىقىرىلغان. شۇم خەۋەر: ئانچە - مۇنچىلا سۆزلەپ قويۇلغان. خۇش خەۋەر: ئالاھىدە تەكىتلەپ سۆزلەنگەن.
2. يېڭىچە «قاراش، پۇراش، سوراش، تومۇر تۇتۇش» ئارقىلىق كېسەل كۆرۈش
تېبابەتچىلىكتە ئەسلىدە دوختۇر - تېۋىپلار كېسەللەرنى «قاراش، پۇراش، سوراش، تومۇر تۇتۇش» پىرىنسىپى بويىچە تەكشۈرەتتى. ھازىر بەزى دوختۇرلار كىلىنىكىدا ئۆزگىچە يېڭىلىق يارىتىپ، يېڭىچە «قاراش، پۇراش، سوراش، تومۇر تۇتۇش» ئارقىلىق دىياگنوز قويۇش ئۇسۇلىنى ئىجاد قىلغان:
قاراش: بىمارنىڭ كەسپى ۋە ئۆز كېسىلىگە جىددىي قاراش دەرىجىسىگە قاراپ، قانچە پۇللۇق دورا يېزىش ئۈچۈن ھازىرلىنىش.
پۇراش: بىمارنىڭ ئىدارىسىنىڭ ئىقتىسادىي ئەھۋالى، ھۆكۈمەت خىراجىتى بىلەن داۋالىنىدىغانلىقىنى ئىگىلەپ، ئۇنىڭغا قانچىلىك دورا ساتالايدىغانلىقىنى بېكىتىش.
سوراش: بىمار ماگنېتلىق رېزونانس ئاپپاراتى ياكى پۈتۈن ئەزاسىنى س ت دا تەكشۈرتەمدۇ، بالنېتسىدا ياتامدۇ، سوراپ بېقىش.
تومۇرىنى تۇتۇش: بىمارنىڭ تومۇرىنى تۇتۇپ كۆرۈپ، قەلىمىنى بىر ئوينىتىپلا، مەيلى ئۇ زۇكام بولۇپ قىزىپ قالغان بولسۇن، مەيلى ئاشقازان كېسىلى، قەۋزىيەت بولسۇن، ئۇنىڭدىن 4 - 5 مىڭ يۈەننى سۇغىرىپ ئالماي قويۇپ بەرمەسلىك.
بۇ يازمىنى ئاخىرىدا نەسىمى تەھرىرلىگەن. ۋاقتى 2012-3-16 10:35 
يوللىغان ۋاقتى 
ياخشى ئەسەرئىكەن.
