ئاقسۇ ۋىلايىتىدىكى رەھبەرلەر ئۇيغۇرچە مىكروبىلوگ ئاچتى

تەڭرىتاغ

	ئاقسۇ ۋىلايىتىدىكى رەھبەرلەر ئۇيغۇرچە مىكروبىلوگ ئاچتى     ھەممىمىزگە مەلۇم، 1 - مارت تەڭرىتاغ تورى ئۇيغۇرچە مىكروبىلوگىنىڭ سىناق نۇسخىسى كەڭ تورداشلار بىلەن يۈز كۆرۈشتى. مىكروبىلوگ ئېچىلىپ تۇنجى كۈنىلا ئاپتونوم رايونلۇق خەلق قۇرۇلتىيى دائىمىي كومىتېتىنىڭ مۇئاۋىن مۇدىرى مۇتەللىپ قاسىم ئۆزىنىڭ ئۇيغۇرچە مىكروبىلوگىنى ئېچىپ، مىكروبىلوگدىن ئۈنۈملۈك پايدىلىنىشقا باشلىدى. مۇتەللىپ مۇدىرنىڭ تۈرتكىسىدە ئۇيغۇرچە مىكروبىلوگ ئېچىلىپ ئىككى ھەپتىگە يەتمىگەن ۋاقىت ئىچىدە مۇتەللىپ مۇدىردىن باشقا ئاقسۇ ۋىلايەتلىك پارتكومنىڭ ھەيئەت ئەزاسى ئەنىۋەر سېيىت، ئاقسۇ شەھىرىنىڭ باشلىقى قۇربان تۇرسۇن، شايار ناھىيەسىنىڭ ھاكىمى ئىمىنجان زارى، توقسۇ ناھىيەسىنىڭ ھاكىمى ئەمەرجان ئىمىن، باي ناھىيەسىنىڭ ھاكىمى ئېزىز مەمەت، ئاۋات ناھىيەسىنىڭ ھاكىمى ئەخمەت تۇردى قاتارلىق رەھبەرلەر ئارقىمۇ ئارقىدىن << بارمۇ>> مىكروبىلوگىغا ئەزا بولۇپ، خەلق بىلەن بولغان ئارىلىقنى تېخىمۇ يېقىنلاشتۇردى.     ئۇنىڭدىن باشقا ئاقسۇ شەھەرلىك خەلق ھۆكۈمىتى، كۇچا ناھىيەلىك خەلق ھۆكۈمىتى، شايار ناھىيەلىك خەلق ھۆكۈمىتى، توقسۇ ناھىيەلىك خەلق ھۆكۈمىتى، باي ناھىيەلىك خەلق ھۆكۈمىتى، ئونسۇ ناھىيەلىك خەلق ھۆكۈمىتى، ئاۋات ناھىيەلىك خەلق ھۆكۈمىتى، ئۈچتۇرپان ناھىيەلىك خەلق ھۆكۈمىتى، كەلپىن ناھىيەلىك خەلق ھۆكۈمىتى قاتارلىق ئورۇنلارمۇ ئۆزلىرىنىڭ ئۇيغۇرچە مىكروبىلوگىنى ئاچتى.     ئاقسۇ ھۆكۈمەت تورى بۇ رەھبەرلەر ۋە ئورۇنلارنىڭ مىكروبىلوگىنى ئۆز تورىدا رەسمىي ئېلان قىلدى. ئادرىسى : http://uygur.aks.gov.cn/weibo.htm بارمۇ مىكروبىلوگىنىڭ ئادرىسى:www.barmu.cn

ئىزچى

	بۇناھايىتى ئەھمىيەتلىك ياخشى ئىش بوپتۇ ، بولسا يوقۇرى قاتلامدىكى رەھبەرلەرنىڭ ئاۋامنىڭ ساداسىغابېۋاستە كۆڭۈل بۆلگەنلىگىنىڭ تىپىك ئىپادىسى ،مومكىن بولسا يوقارقىلاردىن ئۆگىنىپ ،ئاۋارىچىلىقتىن قاشماي، باشقا جايلاردىكى رەھبەرلەرنىڭمۇ مۇشۇنداق ئىلغار زامانىۋى ئالاقىلىشىش ئۇسۇلىدىن ئۈنۈملۇك پايدىلىنىپ ، ئالرايى قۇرۇلۇشلىرىنى كۆپرەك قىلىشىنى چىن قەلبىمىزدىن ئۈمۈت قىلىمىز !!! باشلامچىلارغا كۆپ رەھمەت ، تېنىڭلارسالامەت، خىزمىتىڭلار ئۇتۇقلۇق بولسۇن!!!!!!!!!!!!

SARBAX

	بۇ خىزمەت ئۇسۇلىنى ئاپتۇنۇم رايۇنىمىزغا كىڭەيتسە،رەھبەرلەر ھەر كۇنى ئەتىگەن كاتىپلار يوللىغان مۇھىم دەپ قارالغان بىر قىسىم مەسىللەرنى ھەل قىلىش ئامما ئۈچۈن،ھەقىقىي مۇلازىمەت قىلغان بولاتتى.شىنجاڭ ئۇيغۇر ئاپتۇنۇم رايۇنلۇق خەلق قۇرۇلتىيى دارئىمىي كومتېتىتنىڭ مۇئاۋىن مۇدىرى،ۋالى مۇتەللىپ قاسىمىنىڭ بۇ خىزمەت .ئۇسۇلىغا تەشەككۇر.

uyghun

	كەچۈرۈڭ تەڭرىتاغ ئەپەندىم . روخسىتىڭىزنى ئالمايلا بۇ تېمىنى مىسرانىمغا يوللىغان ئىدىم .تەستىقلاپ قويۇپتۇ ،ئەمدى بولسىمۇ سىزگە ئۇقتۇرۇپ قوياي . ئەگەر بۇ بولماپتۇ دىسىڭىز ئوچۇرۋەتسەم بولىدۇ. http://bbs.misranim.com/thread-74071-1-1.html

تەڭرىتاغ

	uyghun يوللىغان ۋاقتى  2012-3-14 11:11 كەچۈرۈڭ تەڭرىتاغ ئەپەندىم . روخسىتىڭىزنى ئالمايلا بۇ  ... ھېچقىسى يوق، خەلققە پايدىلىق ئۇچۇرلار بولسا ھەممىمىز ئۆز ئارا پايدىلانساق ئۈنۈمى تېخىمۇ ياخشى بولىدۇ.

nawkeran

	ياخشى باشلىنىش ،رەھبەرلەر بىلەن خەلىقنىڭ ئارىسى تېخىمۇ يېقىنلىشىپتۇ.   كۇتىدىغان  ئۇمۇدۇم مىكرو بىلوگنى نامىدا  بار ئەمەلدە يوق  ئۇنۇمسىز  قىلىپ قويمىساق دىگەن ئۇمۇتتە مەن ، ئاۋامنىڭ خېتىگە ۋاختىدا جاۋاپ قايتۇرىشىنى ئۇمۇت قىلىمەن

mazargojam

	ئېزىز مەھەمەت  شايار ناھىيەسىنىڭ ھاكىمى ئەمەس، باي ناھىيەسىنىڭ ھاكىمى.شايارنىڭ ھاكىملىقىدىن بۇلتۇر يۆتكۈلۈپ كەتكەن. شايارنىڭ ھازىرقى ھاكىمى ئىمىنجان زارى. بۇرۇن كەلپىننىڭ ھاكىمى ئىدى. لېكىن يوللاپ قويغىنىڭىز ياخشى بوپتۇ.

شام

	ئۇيغۇرچە مىكروبىلوگىنى ئىچىشقا كۈچ چىقارغان رەھبەرلەرگە رەخمەت

kiroran715

	ئۇيغۇرچە مىكروبىلوگىنى ئىچىشقا كۈچ چىقارغان رەھبەرلەرگە رەخمەت،

kurex

	بەك ياخشى بۈپتۈ