نورۇز ئېشىنى ئېتىش ئۇسۇلى kiroran715

kiroran715

	نورۇز ئېشىنى ئېتىش ئۇسۇلى (1) 1.بۇغداي 2. گۈرۈچ 3.نوقۇت 4.ماش 5. قىزىل پۇرچاق 6.قوناق 7.سېرىق پۇرچاق ؛ ( مانا بۇلار 7 خىل زىرائەت ) نورۇز ئېشىغا ئىشلەتكەن سەي - كۆكتاتلار ؛ 1. شوخۇلا 2 . كۆك لازا ۋە قىزىل لازا .3. ئاش كۆكى 4. سەۋزە 5 . چامغۇر 6. سامساق                                                  (1).نورۇز ئېشى سېمىز قوچقاردىن بىرنى ئۆلتۈرۈپ گۆشىنى پارچىلاپ داش قازانغا سېلىپ پۇشۇرۇۋېلىپ، سۈيىگە يۇقىرىقى دانلارنى سېلىپ ئىتىلىدۇ. (2). نورۇز ئېشىنى كاللا-پاقالچاقلارنى سەۋزە-چامغۇر بىلەن سېلىپ ئۇنىڭ سۇيىدە ئەتسىمۇ بۇلىدۇ (3).يىڭى چىققان بىدە بىلەن كۆك چۆچىرىسى ئەتسىمۇ بولىدۇ (4).1ياغلىق توقاچ، 2قۇيماق، 3بىدە سامسىسى، 4قوناق نېنى، 5گۈرۈچ ئېشى، 6كاللا-پاچاق، 7قوي گۆشى تەييارلىسىمۇ بولىدۇ . نورۇز ئىشىنى بىزنىڭ ئەتكەن ئۇسۇلىمىز بەك تەس ئەمەس، بىلىكتە ئىلگىرىمۇ مۇشۇ ھەقتە ئاز - تولا ئۇچۇر بېرىلگەن، ئاساسەن شۇ ئۇسۇلغا ئوخشايدۇ. ئالدى بىلەن قازانغا سۇ قۇيۇپ، سۆڭەكلىك گۆش ۋە پىيازنى ئۇنىڭغا سېلىپ قاينىتىدىكەنمىز، شورپا بولغاندىن كېيىن(ئەلۋەتتە شورپىنىڭ كۆپۈكىنى سۈزۈپ تۇرىمىز)، توغرالغان سەي - كۆكتاتلارنى ئۇنىڭغا تاشلايدىكەنمىز. بۇنىمۇ بىرئاز قايناتقاندىن كېيىن، ھېلىقى يەتتە خىل زىرائەت ئارىلاشمىسىنى بىللە قازانغا سېلىپ، پىشقىچە قاينىتىدىكەنمىز(تۇز سېلىشنى ئۇنتۇلۇپ قالمىدۇق).

polat

	چەرچەندە تارىختىن بۇيان نەۋرۇز ئېشىنى مۇنداق ئىتىپ كەلگەن نەۋرۇز بايرىمى بولسا 3 مىڭ يىللىق تارىخقا ئىگە ئوتتۇرا ئاسىيادىكى ئىسلام دىنىغا ئېتىقاد قىلىدىغان  مىللەتلەرنىڭ يېڭى يىل بايرىمىدۇر. ھەر يىلى 3-ئاينىڭ 21-كۈنى نەۋرۇز بايرىمى ئۆتكۈزۈلىدۇ. بۇ پائالىيەتتە تارىختىن بۇيان شائىرلار مۇشائىرە ئېيتىشىش، ئەدەبىيات-سەنئەت نۇمۇرلىرى كۆرسىتىش قاتارلىق پائالىيەتلەردىن باشقا ئەنئەنىۋى تەنتەربىيە پائالىيەتلىرىدىن ئوغلاق تارتىشىش، قىزلار بىچە ئويناش، ئوغۇللار مەرە ئويۇنى ئويناش، چېلىشىش، گاگا-كالتەك ئويناش قاتارلىق پائالىيەتلەرنى ئۆتكۈزەتتى، ھازىر ئىت سوقۇشتۇرۇش، قوشقار سوقۇشتۇرۇش، توخۇ سۇقۇشتۇرۇش پائالىيەتلىرىمۇ ئېلىپ بېرىلىدىغان بولدى. نەۋرۇز پائالىيىتىدە نەۋرۇز ئېشى ئېتىلىپ ھەممە بىردەك ئېغىز تېگىدۇ. ئىلگىرى نەۋرۇز پائالىيىتى ئېلىپ بېرىلىدىغان مەيدان بۇلاق بېشى، دەريا بويى، ئېتىزلىقلاردا بولۇپ، ھەممە ئائىلە قازان ئېسىپ مال سويۇپ، نەۋرۇز ئېشى ئېتەتتى. ھازىر بولسا بىرەر يېزا ياكى كوللېكتىپ ئۈستىگە ئېلىپ كەڭ كۆلەملىك ئېلىپ بارىدىغان بولدى. نەۋرۇز ئېشىغا كېتىدىغان ماتېرىياللار 3 چوڭ تۈر بويىچە تەييارلىنىدۇ. ماتېرىياللار: 1. دانلىق زىرائەتلەر: بۇغداي، قوناق، گۈرۈچ، ئارپا، پۇرچاق، ماش، تېرىق. 2. كۆكتات: يېسىۋىلىك، كۈدە، تۇرۇپ، چامغۇر، سەۋزە، پىياز، سامساق. 3. مېۋىلەر: ئۆرۈك قېقى، شاپتۇل قېقى، جىگدە، چىلان، ئۈزۈم، قوغۇن قېقى، ئەنجۈر قېقى. ئۇنىڭدىن باشقا قوي گۆشى، تۇز، سۇ قاتارلىقلار بىلەن ئېتىلىدۇ. تەييارلاش ئۇسۇلى: ئېتىش ئۇسۇلى ناھايىتى ئاددىي بولۇپ، ئالدى بىلەن نەۋرۇز ئېشى ئەتمەكچى بولغان قازانغا سۇنى قۇيۇپ سۇ قاينىغاندىن كېيىن، تەييارلىغان بەلگىلىك مىقداردىكى گۆشنى سالىمىز، ئاندىن 1- قېتىم 7 خىل كۆتتاتنى، 2-قېتىم 7 خىل مېۋىنى، 3-قېتىم 7 خىل دانلىق زىرائەتنى سالىمىز.

يانتاق

	نەۋرۇز بايرىمى بولسا 3 مىڭ يىللىق تارىخقا ئىگە ئوتتۇرا ئاسىيادىكى ئىسلام دىنىغا ئېتىقاد قىلىدىغان  مىللەتلەرنىڭ يېڭى يىل بايرىمىدۇر. ئىسلام دىنى تارىخىغىمۇ ئاران 1500 يىل ئەتراپىدا بولغان تۇرسا 3 مىڭ يىللىق تارىخقا ئىگە بولغان بايرام قانداقمۇ ئىسلام دىنىغا ئېتىقاد قىلدىغان دىگەن سۆزلەر بىلەن باغلىنىشلىق بوپ قالىدۇ. مېنىڭچە تۈركىي مىللەتلەرنىڭ دىسەك توغرا بولىدۇ. يەنە كېلىپ ئىسلام دىنىنى ھىجىريە كالىندارى بويىچە نۇرۇز كۈنى ھەر گىزمۇ يېڭى يىلى ھىسابلانمايدۇ.

muyunchur

	نەۋرۇز بايرىمى بولسا 3 مىڭ يىللىق تارىخقا ئىگە ئوتتۇرا ئاسىيادىكى ئىسلام دىنىغا ئېتىقاد قىلىدىغان مىللەتلەرنىڭ يېڭى يىل بايرىمىدۇر. ھەر يىلى 3-ئاينىڭ 21-كۈنى نەۋرۇز بايرىمى ئۆتكۈزۈلىدۇ. بۇ پائالىيەتتە تارىختىن بۇيان شائىرلار مۇشائىرە ئېيتىشىش، ئەدەبىيات-سەنئەت نومۇرلىرى كۆرسىتىش قاتارلىق پائالىيەتلەردىن باشقا ئەنئەنىۋى تەنتەربىيە پائالىيەتلىرىدىن ئوغلاق تارتىشىش، قىزلار بىچە ئويناش، ئوغۇللار مەرە ئويۇنى ئويناش، چېلىشىش، گاگا-كالتەك ئويناش قاتارلىق پائالىيەتلەرنى ئۆتكۈزەتتى، ھازىر ئىت سوقۇشتۇرۇش، --------------------------------- ئەستەغپىرۇللا......................ما گەپنى ئەمدى، جىقراق ئۆگىنىلى جۇما پۇلاتجان ئەپەندى...

kiroran715

	نۇۋرۇز_بايرىمى- شەرقتە سۇنغار دەرياسىدىن باشلىنىپ، غەرىپتە ئوتتۇرا دېڭىزغىچە بولغان ئىككى خىل تىل سىستېمىسىدا سۆزلىشىدىغان نۇرغۇن مىللەتلەرنىڭ ئورتاق بايرىمى.  ئۇ ئۇزاق زامانلاردىن  باشلىنىپ، بۇگۇنگە قەدەر داۋاملىشىپ كەلگەن ئەنئەنىۋى بايرام. نۇرۇز بايرىمى ئەلنىڭ قىش- زىمىستاندىن ئامان چىقىپ، ئىللىق ئاپتاپنى ئارزۇلىغان خۇشاللىقىنى ئىپادىلەيدىغان، ئۆزلىرى تۇغۇلۇپ ئۆسكەن زېمىنلىرىنىڭ كۆركىگە بولغان مۇھەببىتىنى، ھەربىر كەسىپ ئىگىلىرىنىڭ ئۆز كەسپ-كارلىرىنى راۋاج تاپقۇزىشقا بولغان ئىجتىھاد-ئىنتىلىشلىرىنى، ئۆز-ئارا ھىممىتى-ساخاۋىتىنى، ئىتتىپاق-ئىناقلىقىنى، بەختلىك ئەتىگە بولغان ئۈمىدۋارلىقىنى نىشان قىلىدىغان ئەمگەك بايرىمىدۇر. نەۋرۇز ئۇ، شۇنداق بىر بايرامكى بىرلىك، ئىناقلىق نامايەندىسى بىلەن ئەل ئارىسىدىكى ئۆچ-ئاداۋەت، سۆغاقچىلىق يوقىتىلىپ ئۆتكەنگە سالاۋات قىلىنىدۇ. ئۇرۇق-تۇققان دوست-يارەنلەرنى ئۆز-ئارا يوقلايدۇ، سەيلە-مەشرەپ، پائالىيىتى قىلىنىدۇ، يىتىم-يېسىرلارغا خەيرى-ساخاۋدت قىلىنىدۇ شۇڭا ئۇ ئەنئەنىۋى بايرام بولۇپلا قالماي، ئەمگەك بايرىمى، ساۋاپلىق بايرىمى، ئامانلىق بايرىمى، شاتلىق بايرىمى، ئۆملۈك بايرىمى

ひyGひЯ

	يانتاق يوللىغان ۋاقتى  2012-3-13 13:45 نەۋرۇز بايرىمى بولسا 3 مىڭ يىللىق تارىخقا ئىگە ئوتتۇرا  ... ئىسلام دىنىنىڭ ئەمەس،  تۈركىي مىللەتلىرىنىڭ بايرىمى بۇ.

شام

	رەخمەت سىلەرگە.... كۆپ بىلملەرنى ئۈگنۋالدىم

zulkar

	بىز مۇ پات يېقىندا بۇ بايرامنى تەبرىكلەپ پائالىيەت ئۆتكۈزمەكچى ئىدۇق ، بۇ ئۇسۇللار ئارقىلىق نۇرۇز ئېشىنى تېخىمۇ ئوخشۇتۇپ ئېتىدىغان بولدۇق ،رەھمەت .

kiroran715

kiroran715