بەزىلەر بانكىنى مۇنداق جايلايدۇ
يۈننەننىڭ كۇنمىڭدا بىر ئادەم ئاپتۇماتىك پۇل ئېلىش ماشىنىسىدىن پۇل ئالماقچى بولۇپ ، 400يۈەننى بېسىپتكەن ، ماشىنىدىن 4000يۈەن چىقىپتۇ .بۇ ئىشتىن كېيىن بانكا تەرەپ ھېلىقى ئادەمدىن ئارتۇق پۇلنى قايتۇرۇشنى تەلەپ قىپتۇ ، ئۇ ئادەم بانكىغا جاۋاپ خەت يېزىپ ، مۇنداق دەپتۇ .
1. بەلگىلەنگەن ۋاقىتتا ئۆيۈمگە كېلىپ پۇلنى ئەپكەتسەڭلار بولىدۇ ؛ ۋاقتى ئەتتىگەن سائەت 7 بىلەن 8 نىڭ ئارلىقىدا ، كەچ سائەت 7بىلەن 9 نىڭ ئارلىقىدا . باشقا ۋاقىتتا كېلىپ خىزمەت ۋە ئارام ئېلىشىمغا دەخلى قىلىشىڭلارغا بولمايدۇ .
2. بانكا خادىمى ئۆيۈمگە كەلگەندىن كېيىن كارىدۇردا نومۇر ئېلىپ ، پەلەمپەيدە ئولتۇرۇپ مېنىڭ چاقىرىشىمنى ساقلايدۇ . ساقلاش ئورنى ئىشىگىمنىڭ ئالدىدىكى سېرىق سىزىقنىڭ بىر مېتىر سىرتىدا بولىدۇ .
3. ئىناۋەتكە ئىگە سالاھىيەت ئىسپاتىنى ئېلىپ كېلىپ ، مومامدىن جەدىۋەل ئېلىپ تولدۇرۇپ ، تامغا بېسىپ ئىمزا قويىدۇ . مەن تامغا ۋە ئىمزانى سېلىشتۇرۇپ تەكشۈرىمەن ، ئېنىق بولمىسا قايتا جەدىۋەل ئېلىپ تولدۇرۇپ تامغا بېسىپ ئىمزا قويىدۇ ۋە مېنىڭ سېلىشتۇرۇپ تەكشۈرۈشۈمنى كۈتىدۇ .
4. مېنىڭ قانچە پۇل ئالغىنىمنى سورىغۇچى ھېسابات تەكشۈرۈش ھەققى ( 2يۈەن \ قېتىم ) تاپشۇرىدۇ .
5. ئىدارىنىڭ ئىسپاتى ، ھاۋالەقىلىش ئىسپاتى قاتارلىق ئىسپاتلار بىلەن تەمىنلىشى كېرەك . ( "قاتارلىق" دېگەن خەتكە دىققەت قىلىڭ ، ئىش بېجىرىش جەريانىدا تۇيۇقسىز ئېسىمگە كەلگەن باشقا ئىسپاتلارنى ئۆزىڭىز بېرىپ ئەپكىلىسىز )
6. مۇناسىۋەتلىك رەسمىيەتلەر تۇللۇق بولغاندىن كېيىن ، رەسمىيەت ھەققى ئۈچۈن ( 4يۈەن \ قېتىم) تاپشۇرۇپ ، ئالاقىلىشىش تېلىفۇن نومۇرىڭىزنى قالدۇرۇپ قويۇپ قايتىپ كېتىڭ . مەن مۇناسىۋەتلىك رەسمىيەتلەرنى خوتۇنۇمغا تەكشۈرۈپ تەستىقلاشقا تاپشۇرىمەن ، ئەڭ تېز بولغاندا 20 خىزمەت كۈنىدە جاۋابى چىقىدۇ . پۇل ئالغىلى كەلگەندە 3، 2، 1 باسقۇچنى قايتا ئورۇندايمىز ، قوشۇمچە 50يۈەن پۇل مۇئامىلە رايۇن ئاتلاش ھەققى ئېلىنىدۇ .
يوللىغان ۋاقتى 2012-3-1 20:38:10
نەفىس
كىمنىڭ ھاياتىدا ئىلىم بەرگۇچى ئۇستازى بولمىسا،دىمەك ئۇنىڭ ئۇستازى شەيتاندۇر 
