تۈندىكى ھىجران

yukselix · ۋاقتى: 2016-2-13 19:27:40

بۇ يازمىنى ئاخىرىدا yukselix تەھرىرلىگەن. ۋاقتى 2016-2-13 19:30

تۈندىكى ھىجران

ئەسقەر قۇربان

ئ‍ەتراپ جىمجىت ھەممە ئ‍ۇيقۇدا،
ماڭا ھەمراھ كۆكتە تولۇن ئ‍اي،
خىياللىرىم كەزمەكتە ھەريان،
سۇئال سوراپ بىردەم توختىماي.

ۋاراقلىدىم ئ‍ۆتمشىمنى مەن،
ئ‍ەسلىمىلەر قوينىدا يۈرۈپ،
كۈنلەر شۇنداق ئ‍ۆتكەنتى شىرىن،
ھايات ماڭا باققانتى كۈلۈپ .

تەقدىر ماڭا قىلدىمۇ چاقچاق،
كەتتى نىگار مەندىن ئ‍ايرىلىپ.
ھەمراھ قىلدى ماڭا ھىجراننى ،
يۈرۈكىمگە ئ‍ازاپلار سېلىپ.

تىكەندەكلا قالدىم يىگانە،
ئ‍ازاپلارنى ئ‍ىچىمگە يۇتۇپ.
ئ‍ۆتەر كۈنۈم ھەركۈنى شۇنداق.
ئ‍اينى سىرداش قىلىپ مۇڭدىشىپ.

ئاقسۇدا يېزىلدى
2016.1.18

227520 · ۋاقتى: 2016-2-14 12:58:23

شىئ‍ىرىڭىزنى بەك ياقتۇردۇم، دەرتلىرىڭىزگە داۋا تېپىۋېلىشىڭىزغا تىلەكداشمەن.

227520 · ۋاقتى: 2016-2-14 12:59:08

شىئ‍ىرىڭىزنى بەك ياقتۇردۇم، دەرتلىرىڭىزگە داۋا تېپىۋېلىشىڭىزغا تىلەكداشمەن.

Ayshemgul · ۋاقتى: 2016-2-15 00:30:08

ئاي ئاسماندا ھەمراھ بولۇپتۇ،
يالغۇزلۇقى بىلىنمىسۇن دەپ،
نىگار كەتسە، دوستلار تۇرۇپتۇ،
ئۆتىۋەرمەڭ ئۇنچىلىك غەم يەپ.

سەزگۈم · ۋاقتى: 2016-2-16 01:56:50

ياخشى يېزىپسىز

yukselix · ۋاقتى: 2016-2-16 17:56:10

بۇ شېئېرنى ياقتۇرغىنىڭلارغا رەھمەت

yukselix · ۋاقتى: 2016-2-26 19:29:24

‹‹نىگار كەتسە،دوستلار تۇرۇپتۇ،››
بۇگەپلەردىن سۆيۈندى قەلبىم،
بىراق نىگار بولمىسا ياندا ،
قانداق ئۆتەر مېنىڭ ھەركۈنۈم.

yukselix · ۋاقتى: 2016-2-26 19:33:50

ئايشەمگۈل خانىم ،ئەگىشىپ يېزىپ قويدۇم، ياخشى كۆڭلىڭىزگە رەھمەت، بىلىسىزغۇ دەيمەن دوستلۇق باشقا ،نىگار باشقا گەپتە!.......

سەلكىن01 · ۋاقتى: 2016-3-14 16:34:17

بۇ سۆيگۈ لېرىكىڭىزدىن سۆيۈندۈم.مۇھەببەت مەنزىلى مەڭگۈ بەختكە چۆمگەن سەيلىگاھ ئەمەس، ئازابلىق ھىجران ئازابى تولغان جەريان بولۇپ قېلىشىمۇ مۈمكىن. داۋاملىق تىرىشقايسىز.