تور قۇرغۇچى قېرىنداشلار ، چوقۇم كۆرۈڭ

arkzat · ۋاقتى: 2016-1-22 09:37:17

               تور قۇرغۇچى  قېرىنداشلار ، چوقۇم كۆرۈڭ

   ئەسسالامۇ ئەلەيكۇم، روھلان مۇنبىرىدىكى قېرىنداشلار.  مەن مۇنداق بىر ئىشتا بارلىق تور قۇرغۇچىلار، جۈملىدىن مۇنبەرداشلار بىلەن ئورتاقلاشماقچى:
يېقىنقى كۈنلەردىن بۇيان، بەزى تور بېكەتلەردە  تور قۇرغۇچىلارغا ئۆزىنى ج خ ئوگىنىدىكى تور بىخەتەرلىكى ئورنىدىن ئىكەنلىكى، شۇڭا ئۆزىگە ماسلىشىپ، كىملىك نومۇرى...قاتارلىق بەزى ئۇچۇرلار بىلەن ئۆزىنى دەرھال تەمىنلىشى...زۆرۈرلىكى ھەققىدىكى تېلېفونلارنىڭ كەلگەنلىكى، بۇ جەھەتتىكى ئۆزلىرىنىڭمۇ گاڭگىراپ قېلىۋاتقانلىقى ھەققىدىكى تېما-ئىنكاسلار يېزىلىشقا باشلىدى.  بەلكىم، روھلاندىكى بەزى تور قۇرغۇچىلارمۇ بۇ ئىشقا چوقۇم يولۇقتى بولغاي. مەنمۇ تۈنۈگۈن مۇشۇنداق تېلېفون تاپشۇرىۋالدىم. قىسقىچە جەريانى مۇنداق:

  تۈنۈگۈن  چۈشتىن كېيىن سائەت 4:45 تە دەل ماڭىمۇ  بىرى ئۆزىنىڭ ئاقسۇ ۋىلايەتلىك ج خ ئىدارىسى تور بىخەتەرلىكى تارماق ئەترىتىدىن  ئىكەنلىكى، www.arkzat.comنىڭ مېنىڭ  تور بېتىم ياكى ئەمەسلىكى، مۇبادا شۇنداق بولسا، دەرھال كىملىكتىكى ئىسىم-فامىلەم ۋە كىملىك نومۇرۇمنى، ئوقۇش تارىخىم، مەدەنىيەت سەۋىيەم، كەسپىم ... قاتارلىقلارغا دائىر ئۇچۇرلارنى دەرھال تەمىنلەپ بېرىشىمنى، بۇ ۋەزىپىنى ئۇنىڭغا ئاپتونوم رايونلۇق ج خ نازارىتى تاپشۇرۇپ،  ئۇنىڭ بۈگۈن ئىشتىن چۈشكىچە دەرھال بۇ ئۇچۇرلارنى تاپشۇرۇپ بولمىسا بولمايدىغانلىقى،  شۇڭا  مېنىڭمۇ ئۆزىگە يېقىندىن ماسلىشىپ، مۇناسىۋەتلىك ئۇچۇرلارنى ئۆزىگە دەرھال تاپشۇرمىسام بولمايدىغانلىقىنى قايتا-قايتا ئېيتتى. تەلەپپۇزىمۇ خېلى كەسكىن. مەنمۇ ئۆزۈمنىڭ ئالىي مەلۇماتلىق خادىم ئىكەنلىكىم، تور بىلەن مەشغۇل بولىۋاتقىنىمغا ئون نەچچە يىل بولغانلىقى، نۆۋەتتە، شىنجاڭ ئۇيغۇر ئاپتونوم رايونلۇق يازغۇچىلار جەمئىيىتىنىڭ ئورگان تورى شىنجاڭ يازغۇچىلار مۇنبىرى ... قاتارلىق  بىر قانچە نوپۇزلۇق تور بەت-مۇنبەرلەرنىڭ قانۇنلۇق باشقۇرغۇچىسى، بۇ جەھەتتە ئاپتونوم رايون دەرىجىلىك ئورۇنلارنىڭ مەخسۇس تەربىيەلىشىنى قوبۇل قىلغان. مۇنتىزىم بىر قانچە تور بېتىم بار، ئاخبارات، ئۇچۇر-تەشۋىقات ئىشلىرىنى قىلىدىغان، بىر قانچە يازغۇچىلار جەمئىيىتى ۋە ئاپتونۇم رايون، مەملىكەتلىك ئىلمىي جەمئىيەت ۋە ئاخبارات ئورۇنلىرىدىن  بىر قانچىسىنىڭ خېلى نوپۇزلۇق ئەزاسى ۋە ئاخبارات خفدىمى ئىكەنلىكىمنى، مۇبادا ئېنىقلاشقا توغرا كەلسە، مەن پائالىيەت ئېلىپ بېرىۋاتقان بارلىق مۇنبەر-تورلاردا ھەقىقىي ئىسىم-فامىلەم، ئۆزۈمنىڭ باش سۈرىتى، تېلېفون نومۇرلىرىم. ھەتتا قانۇنلۇق  ئېلان-ئۇچۇر باش ۋاكالەتچىلىك تىجارەت كىنىشكام، كىملىك كۆپەيتىلمە نۇسخىلارنىڭ تورۇمدا تولۇق بارلىقىنى، شۇ يەردىنلا كۆرۈۋالسا بولىدىغانلىقى، ئەجىبا، مەن قەشقەردە تۇرسام، مېنى قەشقەردىكىلەر تەكشۈرمەي، ئاقسۇنىڭ تەكشۈرگىنىڭ قىزىقلىقى، مۇبادا ئۆزى راستتىنلا ساقچى بولسا، ھەقىقىي ئىسىم-فامىلىسى، ساقچىلىق نومۇرى. تېلېفون نومۇرلىرىنى، ئۆز سالاھىتىنى دەرھال ماڭا تەمىنلىشىنى، ئۇنداق بولمىغىنىدا، ئۇنىڭ ئالدامچى بولىدىغانلىقىنى، نۆۋەتتىكى مۇشۇ خىل قىياپەتكە كىرىۋېلىپ ئالدامچىلىق قىلىۋاتقانلارنىڭمۇ بارلىقىنى ... دېۋىدىم، ئۇ تېخىمۇ  جىددىيلىشىپ: ئەگەر ماسلاشمىسا، باشلىقىدا دەيدىغانلىقىنى ... ئېيتتى. مەن ئەمىسە، شۇ باشلىقى بىلەن بىۋاسىتە ئالاقىلىشىش ئويۇم بارلىقى ئېيتسام، قەشقەردىكى ساقچىلار يېتىشىپ بولالماپتۇدەك،  باشلىقنىڭ  ۋاقتى يەتمەيدىغانلىقى،  تور تەكشۈرۈشتە رايون تاللىمايدىغانلىقى، ئۆزىنىڭ  ئاقسۇدا بولغاچقا قەشقەرنىڭ توردىكى ماتېرىياللارنى كۆرۈشتە چەكلىمە بولىدىغانلىقى، ئەگەر جاھىللىق قىلسام، باشلىقى مېنى ئىزدەيدىغانلىقىنى دېدى.
مەن ئاخبارات ئىشى بىلەن مەشغۇل، قەلەمكەش خادىم بولغاچقا، چوقۇم ئۆزىنىڭ ئۇچۇرلىرىنى دەپ بەرمىسە، قەتئىي بولمايدىغانلىقىنى دېسەم، ئۇ ئىسىم-فامىلىسى، خىزمەت ئورنى، مۇقىم تېلېفونى، ساقچىلىق نومۇرى، يانفونى ... قاتارلىقلار بىلەن مېنى تەمىنلىدى. مەن مەخپىيەت ئۈچۈن بۇ ئۇچۇرلارنى ھازىرچە ئاشكارىلىماي تۇراي. بەلكىم بۇ راستتۇ ياكى يالغاندۇ؟ بۇ ماڭا نامەلۇم.
دەرۋەقە،  نۆۋەتتە تورنى ئېنىقلاپ-تەرتىپكە سالىدىغانلىقى ئېنىق ھەم مۇشۇنداق بولۇشى زۆرۈر. تور ساغلام بولمىسا قەتئىي بولمايدۇ. چۈنكى بۇ ئەڭ كەڭ دائىرىلىق  دۇنياۋىي، چېگرىسىز  تەشۋىقات. لېكىن بۇ ئىشنى تەھدىت بىلەن ئەمەس،  چوقۇم ئېنىق سالاھىيەت ۋە يېتەرلىك دەلىل بىلەن ھەل قىلىش كېرەك. مەن  تور بەتلىرىمدىكى قايسى مەزمۇننىڭ چاتاق ئىكەنلىكىنى سورىسام، ئۆزىنىڭ تور بەتلەرنى تولۇق  كۆرۈپ بولالمايدىغانلىقى،  شۇڭا شۇڭا بىلمەيدىغانلىقىنى ئېيتىپ، مېنى گۇمانسىراتتى ...  ئەمما مممېنىڭ تور جەھەتتىكى سەزگۈرلىكىم ئالاھىدە يۇقىرى. شۇڭا قايسى بىر تور بەتتىكى مەزمۇننى تەستىقلىماي ياكى تېما-ئىنكاس يوللىماي، چوقۇم ئۇنىڭ مەزمۇنىغا ئالاھىدە دىققەت قىلىمەن.  چۈنكى
تورنىڭ نامىمۇ ئۆزى بىلەن بىللە. شۇڭا توردا قالايمىقان نەرسىلەر بولسا ھەرگىز بولمايدۇ!
   مەن ئاخشام تور ئارىلاۋېتىپ نۇرقۇتتىمۇ مۇشۇنىڭغا ئالاقىدار مەزمۇننى كۆرۈپ، مېنىڭمۇ  روھلاندا بۇ ھەقتە ئورتاقلاشقۇم كەلدى،

قېنى، باشقا تور قۇرغۇچىلارمۇ بۇ جەھەتتىكى كۆرگەن-بىلگەن، يولۇققانلىرىنى لىللا دەپ باقسا، ئاندىن ئىشنىڭ نەتىجىسى ئېنىق بولىدۇ. مۇبادا، راستىنلا ج خ ئورۇنلىرى تەشكىللىگەن ئىش بولسا، چوقۇم بۇنىڭغا ياخشى ماسلىشىشىمىز زۆرۈر. چۈنكى بۇ دەل مۇشۇنداق ئېنىقلاپ-تەرتىپكە سالمىسا بولمايدىغان تەخىرسىز ئىش.  بۇ ئىشنىڭ نەتىجىسى زادى قانداق بولىدۇ؟ داۋامىغا دىققەت قىلىپ باقايلى. ئىشلىرىمىز خەيرلىك بولغاي.
     نۇرقۇتتىكى بۇ مەزمۇنغا ئالاقىدار تېمىنى ئۇلىنىش قىلىپ قويدۇم:
  كۆرۈپ بېقىڭ

azgun886 · ۋاقتى: 2016-1-22 16:14:32

ئەسسالامۇ-ئەلەيكۇم تىما ئىگىسى رەنجىمىگەيسىز مۇندا ئىشتى ئادەتتە كومپىيوتىرنىڭ ئىكرانىنى تېلىۋوزۇرنىڭ ئورنىدا ئىشلەتكىلى بولامدۇ ياكى بولمامدۇ شۇنى دەپ بەرگەن بولساڭلار يەنى سىملىق تېلىۋېزىيە قاناللىرىنى كۆرگىلى بۇلامدۇ 6-قەۋەت azgun886 5 سىكونت بۇرۇن http://wap.zol.com.cn/313/190415/index.html مۇشۇ توربەتتىكى ئىكران شۇئى رەنجىمەي بىر كۈرۈپ بېقىپ بولىدىغان بولمايدىغىنىنى دەپ بەرگەن بولساڭلا قېرىنداشلىرىم

بوكىسچى · ۋاقتى: 2016-1-22 23:36:44

مەن تور قۇرغۇچى ئەمەس،ئەمما بىر تور ئىشلەتكۈچى شۇنداقلا جۇڭخوئا خەلق جومھۇرىيىتى گىراژدانى بۇلۇش سالاھىيىتىم بىلەن سىزگە كۆرسىتىدىغان يول سىز ئۆزىڭىز تۇرۇشلۇق رايۇندىكى قانۇن تارماقلىرىغا بىرىپ ئەھۋالنى ئىنكاس قىلىڭ،ئەگەر ھۈكۈمەتنىڭ ھەقىقەتەن ئاشۇنداق بىجىرىدىغان تۈزۈملىرى بار بولسا قانۇن ئۇرنىدىكىلەر ئازراقمۇ تېرىكىپ قالماي سىز گە پارتىيەنىڭ فاڭجىن سىياسىتىنى چۈشەندۈرۈپ بىرىدۇ،

سادا0998 · ۋاقتى: 2016-1-23 19:14:03

بۇ ئاللىقانداقتۇر خەلىق قۇرۇلتىيىنىڭ تەستىقى بىلەن ئىلان قىلىنغان قانۇن ئەمەس مىنىڭچە. ئىجدىمائىي ئەھۋاك. بۇ يەردە تىزىملايمىز....دېگەن بىلەن ئىچكىردە يوق بۇلىشى مۈمكىن. شۇڭا بۇ ئىشنى قانۇن ئورۇنلىرىدىن سۈرۈشتە قىلسا ئۇلارمۇ ئۇقماسلىقى مۈمكىن ياكى پىرىنسىپ جەھەتتىن ھەئە ئاشۇنداق ئىش بار دەپ قۇيىشى مۈمكىن. راسلا بار، ماسلىشىپ تىزلىملىتىڭ. مانا بۇ ئاپتۇنۇم رايۇننىڭ مۇشۇ توغرۇلۇق مانچىىنچى نومۇرلۇق ھۆججىتى. دەيدىغان كادىردىن بىرنى تاپالماي قىلىش مۈمكىن. تېما ئىگىسىنىڭمۇ مەقسىدى مۇشۇ توغرۇسىدىكى ھۆججەتنى كۆرۈش بولسا كىرەك.