ئاتا-ئانىدىن ئايرىلغاندا ھەر ئادەم

anginar

ئاتا-ئانىدىن ئايرىلغاندا ھەر  ئادەم
ئۆمەر قادىر ئەنگىنئەر
ئۆكسۈپ -ئۆكسۈپ يىغلىغۇم بار مۇشۇ دەم،
ئەرلىكىمنى سىنار  بۇندا قايغۇ-غەم.
پۇشايماننىڭ چوللىرىگە مەھكۇمكەن ،
ئاتا-ئانىدىن ئايرىلغاندا ھەر  ئادەم.

باغلىرىدا سايرىماسكەن  بۇلبۇلمۇ،
چاپالماسكەن تۇلپار ئاتلىق دۇلدۇلمۇ.
ئاغرىقىغا شىپا  قىلماس سۇمبۇلمۇ،
ئاتا-ئانىدىن ئايرىلغاندا ھەر  ئادەم.

كىرپىكلەر نەملەنگەن ،يۈرەكلەر ئەنسىز،
بال-ھەسەل  يۇتساڭمۇ بىلىنەر تەمسىز.
سېزىدۇ ئۆزىنى خۇددى   ۋەتەنسىز،
ئاتا-ئانىدىن ئايرىلغاندا ھەر  ئادەم.

دۇنيا قارا ،تار بولىدۇ بۇ ئالەم،
ئاتا-ئانىدىن ئايرىلغاندا ھەر ئادەم.
ئىزاھ:بۇ يەردە ئىشلىتىلگەن سۇمبۇل- ئىزمۇق ئائىلىسىدىكى
كۆپ يىللىق ،سامان غوللۇق ئۆسۈملۈك،يىلتىزى دورا قىلىنىدۇ.
تېچلاندۇرۇش ۋە ئاغرىق توختىتىش رولىغا ئىگە.


"ئەنگەر شېئىرلىرى سالونى"نى قوشۈۋېلىپ تېخىمۇ كۆپ يازمىلىرىمنى كۆرۈپ بېقىشىڭلارنى ئۈمۈد قىلىمەن.ئىزدەش نامى:angarxeirliri

نەۋرۇز

‹‹ئاتا تاغ، ئانا باغ ››. ئۆلمەس ھېكمەتلەرنى ئۆزىگە جەم قىلغان بۇ شىئېرىڭىزنى ئوقۇغان ھەر بىر ئادەمگە شىئېرىڭز ئارقىلىق جاكارلاۋاتقان نىدا مەڭگۈلۈك نەسىھەت بولغاي. قولىڭىزغا دەرىت كەلمىسۇن.