سېغىنىمەن، سېنى ئەسلەيمەن

نۇرلان

سېغىنىمەن، سېنى ئەسلەيمەن

لەرزان لەيلەپ چۈشكەن ئاق قاردىن،
چېچەك پەسلى ھالرەڭ باھاردىن.
مەڭزىڭدەكلا تاتلىق ئاناردىن،
سېغىنىمەن، سېنى ئىزدەيمەن.

شاماللاردىن ھىدىڭنى پۇراپ،
دوستلىرىڭدىن ھالىڭنى سوراپ.
كېچىلىرى چېكىپ ئىزتىراپ،
«ماڭا ئاشىق ئاشۇ قىز» دەيمەن.

مىسرالاردا بولىسەن زاھىر،
كۇبلىتلاردا ئىشقىڭ جاۋاھىر.
سېنى كۈيلەپ بوپ قالدىم شائىر،
قەلىمىمدە شادلىق تىلەيمەن.

ئادراسماندا ئىسرىق سالغۇم بار،
جۇدۇنلاردا قالمىسىكەن يار،
سەنسىز ئالەم تۇيۇلىدۇ تار،
ھەر قەدەمدە غېمىڭنى يەيمەن.

سېغىنىشىم تاتلىق، ئاجايىپ،
ھىسلىرىمدىن بولمىغىن غايىپ،
ساڭا مەپتۇن بولغاندىن تارتىپ،
سېغىنىمەن، سېنى ئەسلەيمەن.

ئەركيۇرت

ئېسىل چىقىپتىغۇ

ئەركان

راسلا ياخشى چېقىپتۇ.

ADiL

مۇشۇ يېقىندىن مۇھەببەتلىك لېرىكىلىرىڭىز كۆپىيىپ قالدىغۇ

نەۋرۇز

مۇھەببەتكە تۇيۇنغان ناخشىنىڭ ئۆزىلا بوپتۇ بۇ شىئېرىڭىز، ياشلىقتىكى ئۈنسىز سەۋدالار ئەمدى قەلەمگە كۈچ كۆرسىتىۋاتقان چېغى

HIRISTAL

مۇبارەك بولسۇن، تاتلىق لىرىكىڭىزدىن ھوزۇرلاندىم . بۇ تەلەيلىك قىزغا بەكمۇ ھەۋىسىم كەلدى

نۇرلان

مېنى رىغنەتلەندۈرگەن قەدىردانلارغا تەشەككۈر. مۇھەببەت مەڭگۈلۈك تېما ئەمەسمۇ؟ ياشلىقنى ئەسلەپ شۇ.

سىھىر

بەكمۇ يېقىملىق بىر مۇھەببەت شىئىرى يېزىپسىز ،مەن بەكمۇ ياقتۇرۇپ قالدىم ،،،،قەلىمىڭىز يەنىمۇ بەرىكەت تاپقاي،

نۇرلان

سېھىر خانقىزغا رەھمەت. مۇنبەردە كام دىدار بولۇپ كەتتىڭىزغۇ؟