قەلىبتىكى يول

نۇرلان

                 قەلىبتىكى يول

سۆيگۈمگە رەڭ بېرىپ، سەھەردە قۇياش،
نۇر سېپېپ قەلبىڭگە سىڭىپ كىرىدۇ.
بىر يول بار، يۈرەكتىن يۈرەككە تۇتاش،
مۇھەببەت شۇ يولدىن مېڭىپ كىرىدۇ.
                                   بۇ يولغا سېغىنىش ئوتى پايانداز،
                                   ۋىسالنىڭ دىلبىرى كۈتۈپ ئالىدۇ.
                                  بۇ يوللار ھاۋالىق، ئەينى باھار-ياز،
                                   گاھىدا خىياللار قونۇپ قالىدۇ.
بۇ يوللار شۇ قەدەر پاكىز، چىرايلىق،
ئاشىقلىق كەپتىرى ئۇچار پەر قېقىپ.
مەشۇقلۇق كۈيلىرى سايرار يېقىملىق،
جۈپ يۈرەك جۈپ تەنگە كىرىدۇ ئېقىپ.
                             قەلبىمدە بىر يول بار قەلبىڭگە ئۇدۇل،
                             رىشتىمنى رىشتىڭگە باغلاپ قاچىدۇ.
                             مەيلىمنى مەيلىڭگە ئەيلىسەڭ قوبۇل،
                             مۇشۇ يول بەختكە قۇچاق ئاچىدۇ.

ئەزھەر36

شىئىرىڭىز ياخشى چىقىپتۇ ، قاپىيە شەكىللىرىمۇ ناھايىتى ماس كەپتۇ .

سىھىر

بۇرۇنقى شىئىرلىرىڭىز ئىچىدە بۇ شىئىرىڭىز ئەڭ مۇنەۋۋەر شىئىر بولسا بولغىدەك،،،،رەسمى ياخشى چىقىپتۇ ،،،،

ناتىۋان

بۇ شېئىرىڭىز بەك ياخشى چىقىپتۇ.قەلىمىڭىز ھارمىغاي！

نۇرلان

مۇنبەرداشلارنىڭ ياقتۇرغىنىغا رەھمەت.

نەۋرۇز

نۇرلان ئەپەندى تولىمۇ ئەركىن ئويناق مىسرالار بىلەن يېزىپسىز .قايتا قايتا ئوقىۋەتتىم. ئاشىقنىڭ مەشۇق ئۈچۈن ماڭغان ھەر بىر قەدىمىدىن گۈل ئۈنىدۇ......قەلىمىڭىز ھارمىغاي نۇرلان ئەپەندى.

مەرىپەت

بۇ شئېرىڭىز ھەقىقەتەن ياخشى يېزىلىپتۇ، ئىجادىيەتلىرىڭىزگە يەنىمۇ ئۇتۇق تىلەيمەن.

نۇرلان

ئەزىزلەرگە تەشەككۈر. سىلەرنىڭمۇ ھەر بىر شېئىرىڭلارنى سۆيۈنۈش ئىچىدە ئوقۇيمەن. ھەممىمىزگە ئامەت يار بولغاي.