كۈتۈشنىڭ تەرجىمھالى

نەۋرۇز

‏كۈتۈشنىڭ تەرجىمھالى
‏ئابدۇرېھىم ‏ئابدۇۋەلى(‏ئاسۇق)

يۇيۇندۇم ‏ئازاپنىڭ لەھزىدە بىر رەت،
بەك ‏ئاچچىق بىر كۈننى باشلىدىم قايتا.
‏مەن كەتتىم يىغامنى ‏ئېلىپ پەرىشان،
‏ئەسەببى سېغىنىش قۇترىغان جايغا .

بەك ‏ئاچچىق بىر كۈننى باشلىدىم قايتا،
مۇزلىغان تېنىمنى باغاشلار كۈتۈش.
قەھرىلىك ‏ئازاپلار تولغان جاھاندا،
يەنىلا سۈيۈملۈك ‏ئازاپنى سۈيۈش .

مەن كەتتىم يىغامنى ‏ئېلىپ پەرىشان،
بىر تەلۋە لۈكچەكتەك سۈرۈتمەي يېشىمنى.
‏ئالدىڭىدىن تۇيۇقسىز ‏ئۆتسە بىر تاۋۇت،
‏ئەسلەپ قوي يۈرۈكى قان بىر شا‏ئىرنى .

‏ئەسەببى سېغىنىش قۇترىغان جايدىن،
كۈتۈش دەپ بىر تال گۈل چىقىدۇ ‏ئۈنۈپ.
بۇ ‏ئازاپ بۇ كەچمىش چۈشمۇ؟
                                چۈش ‏ئەمەس،
يىغلىدى ‏ئازاپمۇ مەن ‏ئۈچۈن ‏ئۆكسۈپ.

2014-يىل15-نويابىر ‏ئاقسۇ شەھەر ساجىڭزا(قۇمقۇدۇق)يېزىلدى

alxir

قولىڭىزغا دەرت كەلمىسۇن

مەرىپەت

سىزنىڭ ھەر بىر يازغان شئېرىڭىز شۇنداق ياخشى جۇمۇ، كىشىنى چوڭقۇر ئويغا سالىدۇ، بۇنىڭدىن كېيىنكى ئىجادىيەتلىرىڭىزگە ئۇتۇقلار  يار بولسۇن!
ئارزۇ -ئارمانلىرىڭىزغا يېتىشىڭىزگە تىلەكداشمەن، ھەمىمىزنىڭ ئۈمۈدۋار ياشىشىمىزنى ئۈمۈد قىلىمەن.

  بۇ شئېرىڭىزنى ئوقۇۋېتىپ بۇ ناخشا ئېسىمگە كېلىپ قالدى.

  ناخشا:تۇنجى مۇھەببەت

        

سىھىر

ھورمەتلىك نەۋرۇز ئەپەندى ،بىرەر قىزغا ئاشىق ئوخشايسىز ،    بەك ‏ئاچچىق بىر كۈننى باشلىدىم قايتا،
                                                                                مۇزلىغان تېنىمنى باغاشلار كۈتۈش.
  لىكىن كۈتۈشمۇ بىر خىل ھۇزۇر ئەلۋەتتە                               قەھرىلىك ‏ئازاپلار تولغان جاھاندا،
بۇ بىر كۇبلىت شۇنداق ياقتى ماڭا                                       يەنىلا سۈيۈملۈك ‏ئازاپنى سۈيۈش

لوپجان

ياخشى تىمىلىرىڭىز ئۇزۇلمىگەي

نۇرلان

پەقەت يۈرىكى قان ئاشىقلا كۈتۈشنىڭ نەقەدەر سۆيۈملۈك ئىكەنلىكىنى ھىس قىلالايدۇ. نەۋرۇز ئەپەندىمنىڭ قەلىمى ھارمىغاي.

Ayshemgul

‏ئەسەبىي سېغىنىش قۇترىغان جايدىن،
كۈتۈش دەپ بىر تال گۈل چىقىدۇ ‏ئۈنۈپ.
بۇ ‏ئازاپ بۇ كەچمىش چۈشمۇ؟
                                چۈش ‏ئەمەس،
يىغلىدى ‏ئازاپمۇ مەن ‏ئۈچۈن ‏ئۆكسۈپ.

قەلىمىڭىزگە كۆز تەگمىسۇن، يەنىمۇ بەرىكەتلىك بولسۇن  نەۋرۇز ئەپەندىم.

arkinjuma

ئابدۇرەھىم ئەپەندىنىڭ قەلىمىگە بەرىكەت تىلەيمەن.

مەرىپەت

سىھىر يوللىغان ۋاقتى  2014-11-17 16:15
ھورمەتلىك نەۋرۇز ئەپەندى ،بىرەر قىزغا ئاشىق ئوخشايسىز ...

سىزنىڭمۇ يۈرىكىڭىزنى بىرسى ئوغۇرلاپ كېتىپتىغۇ، دىمەك سىزمۇ بىرسىگە ئاشىق دىگەن گەپ(چاقچاق جۇمۇ)

سىھىر

سىھىر يوللىغان ۋاقتى  2014-11-17 16:15
ھورمەتلىك نەۋرۇز ئەپەندى ،بىرەر قىزغا ئاشىق ئوخشايسىز ...

ئەلۋەتتە ،مەن راستىنلا بىرسىگە ئاشىق،ئەجەپ ئىزا تارتىپ كەتتىمما