قاقاقلاپ كۈلۈش ئاستا يۈگۈرۈش بىلەن باراۋەر

ئەزھەر36

يېقىندا، ئىتالىيەلىك داڭلىق تەنھەرىكەت ئالىمى نېرۋا ئالېكساندىر ئۆزىنىڭ يېڭى كىتابى «بەختلىك تۇرمۇش ھەر تەرەپلىمە ساغلاملىقتىن باشلىنىدۇ»دا، قاقاقلاپ كۈلۈشنىڭ ئاستا يۈگۈرۈش بىلەن باراۋەرلىكىنى، شۇنداقلا بۇنىڭ ئىنتايىن ياخشى بولغان ئوكسىگېنلىق ھەرىكەت ئىكەنلىكىنى تەكىتلىگەن.

$ u9 Z% w0 I8 h* Yھازىرقى زامان فىزىئولوگىيە ئىلمى تەتقىقاتىنىڭ ئىسپاتلىشىچە، كۈلۈش ئالاھىدە ھەرىكەت شەكلى بولۇپ، ئادەم بەدىنىگە نىسبەتەن ئېيتقاندا، ئەڭ ياخشى گىمناستىكا ھېسابلىنىدىكەن. ئادەم كۈلگەندە قورساق قىسمىدىكى مۇسكۇللار ئىختىيارسىز يىغىلىدىكەن، نەپەسلىنىش سۈرئىتى، ئۆپكىنىڭ ھاۋا ئالماشتۇرۇش سۈرئىتى نىسبەتەن تېزلىشىدىكەن، بۇ ئاستا يۈگۈرۈشنىڭ ئۈنۈمى بىلەن ئوخشىشىدىكەن. ئادەتتە ئورۇندا تۇرۇپ يۈگۈرگەندە ھەر مىنۇتتا ئوندىن 13 كالورىيە ئىسسىقلىق سەرپ قىلىنىدىكەن. تەجرىبىدىن بايقىلىشىچە، ئېچىلىپ – يېيىلىپ كۈلۈش ئادەم بەدىنىدىكى ئىسسىقلىق مىقدارىنى خورۇتىدىكەن. ئادەمنىڭ بويى بىلەن كۈلكە ئاۋازىنىڭ كۈچلۈكلۈك دەرىجىسىگە ئاساسلانغاندا، ئون مىنۇت قاقاقلاپ كۈلسە، ئەڭ كۆپ بولغاندا 50 كالورىيە ئىسسىقلىق خورايدىكەن. ئامېرىكا سىتانفۇرد ئۇنىۋېرسىتېتىنىڭ پىروفېسسورى ۋىليام فېليى 100 قېتىم قاقاقلاپ كۈلگەندىكى سۈمۈرۈلگەن ئوكسىگېننىڭ ئون مىنۇت قېيىق ھەيدەش ھەرىكىتى قىلغاندىكى سۈمۈرۈلگەن ئوكسىگېن مىقدارى بىلەن باراۋەر ئىكەنلىكىنى ئىسپاتلىغان.
  k! Z' k5 J7 r
بۇنىڭدىن باشقا، قاقاقلاپ كۈلۈش يەنە كۆكرەك مۇسكۇلىنى سوزىدىكەن، كۆكرەك قەپىسىنى كېڭەيتىدىكەن، ئۆپكىنىڭ سىغىمچانلىقىنى ئاشۇرىدىكەن؛ قورساق مۇسكۇلىنىڭ تەكرار بوشىشى ۋە يىغىلىشى، ئاشقازان، ئۈچەينىڭ لۆمۈلدىشىنى كۈچەيتىپ، ئاشقازان سۇيۇقلۇقىنىڭ ئاجرىلىشىنى ياخشىلاپ، ھەزىم قىلىشقا ياردەم قىلىدىكەن؛ قاقاقلاپ كۈلگەندە، پۈتۈن بەدەننىڭ ئوكسىگېن بىلەن تەمىنلىنىشى ياخشىلىنىدىكەن.


  F- V0 R- R3 ~مەنبەسى:شىنجاڭ گېزىتى

bahadir

ئاپلا .توختىماي كۈلۈپلا يۈرسەك بولغىدەك ئۇنداقتا .

جام

بۇ ھەقىقەتەنمۇ بىر زور بايقاش بوپتۇ، كۈلۈش ھەرقانداق بىر ئادەمنىڭ قولىدىن كېلىدۇ، يۈگۈرۈش- مېڭىشقا قارىغاندا كۈلۈش ئاسان، يەنە بىر جەھەتتىن ئېيتقاندا بۇ بىر نورمالسىز كەيپىياتنى تەڭشەشنىڭ ياخشى ئۇسۇلى، كۈلۈش ئارقىلىق ئۆزىمىزنىڭ كەيپىياتى تەڭشىلىپلا قالماستىن يەنە ئەتراپىمىزدىكىلەرگىمۇ ئاكتىپ تەسىر كۆرسەتكىلى، ئىللىق، ئىناق كەيپىياتنى ياراتقىلى بولىدۇ.
$ }6 y1 u1 M1 ]6 B: e2 p( eھەقىقەتەن نادىر تېمىلارنى يوللاۋاتىسىز «ئەزھەر» ئەپەندى، ھەممىمىزگە ئەنە شۇنداق قاقاھلاپ كۈلۈش- بەخت يار بولغاي!

ئەزھەر36

جام يوللىغان ۋاقتى  2014-11-8 23:40
بۇ ھەقىقەتەنمۇ بىر زور بايقاش بوپتۇ، كۈلۈش ھەرقانداق ب ...

ياخشى باھالارنى بەرگىنىڭىزگە كۆپ رەھمەت . بۇندىن كېيىن تېخىمۇ ياخشى بولغان نادىر تېمىلارنى يوللاپ روھلان مۇنبىرىنىڭ تېخىمۇ تەرەققىي قىلىشىغا كۈچ چىقىرىمەن .