ھايات قىسمىتى Ⅱ

نەۋرۇز · ۋاقتى: 2014-10-30 22:05:21

ھايات قىسمىتى Ⅱ
ئابدۇرېھىم ئابدۇۋەلى (ئاسۇق)

بەختىمنىڭ قانىتى سۇنغان كوچىدا،
بىر ئوتتەك ياشىدىم قانماي ئۈلۈمگە.
ئىلاھى قىسمەتتىن يېڭى يول ئېلىپ،
قايتىمەن يەنىلا قانلىق قەبرەمگە.

شىئېرىم بەرگىدە سىنىڭ سىمايىڭ،
بەلكىم مەن سىنىڭسىز يىغلاۋاتىمەن.
ئىلاھى قىسمەتتىن چۈشسە گەر يارلىق،
قار ياققان كېچىدىن قاندەك ئاقىمەن.

ئاجايىپ غېرىپلىق ياغدى يۇلۇمغا،
بىر تامچە كۆز ياشقا تەشنامەن شۇ تاپ.
ئىلاھى قىسمەتتىن تىلەي بەختىمنى،
چۈچىدىم تۇيۇقسىز سايەڭگە قاراپ.

قەدەھتىن قەدەھكە ئاقار تەشۋېشىم،
قار ياققان كېچىدە ئۇچرۇشۇپ قالساق.
ئىلاھى قىسمەتتىن نۇر تامسا بىر نۇر،
ئۇ ساڭا تەئەللۇق سۈيۈملۈك قىزچاق.

بەختىمنىڭ قانىتى سۇنغان كوچىدىن،
مەن كىتەي ھەسرەتلىك يىغامنى ئېلىپ.
ئىلاھى قىسمەتتىن كىمنى سۆيۈشنى،
سورايمەن قەبرەمنى باغرىمغا بېسىپ.

2014-يىلى 30-ئۆكتەبىر
ئاقسۇ شەھەر ساجىڭزا (قۇمقۇدۇق)تا يېزىلدى.