يىگىتلەرگە ياغدەك سۆز

نۇرلان · ۋاقتى: 2014-6-12 15:11:11

يىگىتلەرگە ياغدەك سۆز
سۆيۈلمەكتىن لەۋلەر تاتلىق شەربەتتە،
مۇھەببەتتىن يۈرەك يايرار، ئەلۋەتتە.
قېرىغاندا «سۆيدۈم» دىمەك ئۇياتكەن،
دىيەلمىسە ئاشىقلارغا بىر دەرت-دە؟

ئاشۇ سۆزنى يىگىرمە يىل دىيەلمەي،
سۆيگىنىمگە سۆيگۈ ئىزھار ئېتەلمەي.
ئاۋارىمەن، پەرۋانىدەك كېتەلمەي،
كۈنۈم ئۆتتى خىجىللىقتا،ھەسرەتتە.

يىگىتلەرگە جۈرئەتمۇ بىر بايلىقكەن،
مەشۇقىنى قولدىن بەرگەن چاغلىقكەن.
ناۋات سېلىپ ئىچكەن چېيى داغلىقكەن،
«ساراڭ»لىقمۇ يارىشاركەن پۇرسەتتە.

داۋامىنى يازماي ئەمدى، سەت بولار،
خوتۇن ئۇقسا كۆينەك يىرتىق، دەرت بولار.
ئەپلەشمىسە نىكاھ قەغەز«جەرت» بولار،
ياغدەك سۆز شۇ: تارتىنماڭلار خىلۋەتتە.

دېھقان · ۋاقتى: 2014-6-12 20:32:30

ئوغۇل بالا دىگەن ،ئازىراق قىلىن بولمىسىمۇ خوتۇن چىقماي ئولتۇرۇپ قالىدىغان گەپ. شۇ ئىشىغا ئازىراق ۋاقىت چىقامىسا باشقا ئىشلار بىلەن مەشقۇل بولوپ قالسا ،ياشلىقىنىڭ ئەڭ ئىسىل چاغلىرىنى ئوتۇپ كىتىدۇدە، مەڭگۇ قىرى يىگىت بولوپ قالىدۇ، رەخمەت ياخشى يىزىپسىز.