ئۈندىدارغا چىقمىغان ئايال

نۇرلان

ئۈندىدارغا چىقمىغان ئايال

قىلالمايدۇ غەيرىلەر مالال،
بوپ يۈرمەيدۇ شەيتانلارغا لال.
سۈزۈكلۈكتە قەلبى خىرۇستال،
ئۈندىدارغا چىقمىغان ئايال.

ئالقىنىڭدا غۇرۇر، مېھنەت بار،
تاللىشىڭدا قەدىر-قىممەت بار.
سەن ئۆزۈڭگە تالىق ئېھتىمال،
ئۈندىدارنى ئاچمىغان ئايال.

كۆڭۈل خۇشى ئەمەس خىيالىڭ،
رېتىملىقكەن خىزمەت قارايىڭ.
تاپقۇسىدۇر تۇرمۇشۇڭ كامال،
ئۈندىداردا كام دىدار ئايال.

تامىقىڭدىن تارار ھۇزۇر-تەم،
ئۆيدىكىلەر ئەمەس بىرسى كەم.
كۆپ كۆرۈلمەس ھازىر مۇشۇ ھال،
ئۈندىدارنى تاشلىغان ئايال.

سالامەتلا بولسا «جان-جىگەر»،
ساڭا مۇشۇ ئەڭ يېڭى خەۋەر.
ئاشىق كۈيلەر قىلالماس قامال،
ئۈندىدارغا دىل بەرمەس ئايال.

ئېكران تامان بولمايسەن تىت-تىت،
كۆز قارىشىڭ ئەقلىڭگە پاكىت .
سەگىتەلمەس « مودا» لىق شامال،
ئۈندىدارغا يۈز ياقماس ئايال.

«مەدەنىي»لەر دىسۇن ھەر نىمە،
«مەتۇ» لاردەك ياشا، رەنجىمە.
ئېتىقادلىق مەنزىلىڭ ھالال،
ئۈندىدارغا يولىماس ئايال

غىلاپ

ۋاھ !  كارامەت  يېزىپسىز ! ئاللا  قەلىمىڭىزگە  بەرىكەت  بەرگەي !
مېنىڭ  كۆڭلۈمدىكىنىلا  يېزىپسىز ، خۇددى  ئۆزەم  ئازغاندەكلا  بولدۇم ! رەھمەت  سىزگە !

دىلىغۇل

ھەقىقەتەن ئىسىل يىزىلىپتۇ  جۇمۇ ،ئاپىرىن .داۋاملىق ئۈزۈلمىسۇن ئەسەرلىرىڭىز.

ئىدرسجان

ياخشى يىزىپسىز تىخمۇ تىرشىڭ .

ئالمىچى

بەك قاملاشتۇرۇپسىز، تىخىمۇ تىرىشىڭ،
ھازىر چ چ ئۈندىدارلىرىم ئىشلىمەيۋاتىدۇ.
来自安卓客户端

نەۋرۇز

نۇرلان ئەپەندىم بىرلا ئېغىز گەپ بەك ياخشى يېزىپسىز. قەلىمىڭىزنىڭ كۈچىنى ھەقىقى نامايەن قىپسىز.
ئەمدى ئۆز كۆز قارىشىمنى بايان قىلىپ ئۆتەي. مەن يېقىندا ‹‹ئۈندىدار،ئۇيغۇر ۋە كىتاب››تېمىسىدىكى ماقالىغا تەييارلىق قىلۋاتىمەن.لىكىن ھېچ پۈتتۈرۈپ بولالماۋاتىمەن. بىزنىڭ نۇرغۇن ئادەملىرىمىز كىتاب ۋە كىتاپخاندىن تولىمۇ يىراق .بۇلۇپمۇ ئاياللىرىمىز.(بۇ ھەرگىز ئاياللىرىمىزنى كەمسىتكەنلىك ئەمەس.)بۇ مۇنازىرە تەلەپ قىلمايدىغان  پاكىت. ئەمما ماۋۇ ئۇندىدار چىققاندىن بېرى پۈتۈن ئۇيغۇر جەمئىيتى ئۇندىدارنىڭ  مەستانىسىغا ئايلاندى.
خېلى ئىشقا ‹‹ۋاختى››چىقمايدىغانلارنىڭ ھېچ بولمىسا ھەممە ئىشتىن بېسىقىپ ئۇخلاش ئالدىدا بولسىمۇ ئۇندىدارنى ئېچىپ دوسلار چەمبىرىكىدىكى مەزمۇنلارغا بىر قېتىم كۆز يۈگرۈتۈشكە ۋاختى چىقىدىكەن.
مەن نۇرغۇنلارنى كۈزۈتتىم ۋە سىناپ باقتىم. ئايلاپ يىللاپ كىتاپنى قولىغا ئالمايدۇ. ئەمما ئۈندىدار ئۇنىڭ تۇرمۇشىنىڭ ئايرىلماس بىر قىسمىغا ئايلانغان. ئۇ ھېچ بولمىسا باشقىلار دوسلار چەمبىرىكىگە چىقىرىپ قويغان (ەيلى قايسى مەزمۇن بولسۇن )يازمىلارنى ئوقۇيدىكەن. مىنىڭچە بۇ ئارقىلىق كىتاپ ئوقۇمايدىغان ناچار ئادەتنىڭ كەم قالغان بىر قىسمىنى تۇللۇقلىسا ئەجەپ ئەمەس دەپ قارىدىم . ئەلۋەتتە ئۇندىدار قاتارلىق تور قوراللىرىنىڭ سەلبى تەرىپىنىمۇ مۇئەييەنلەشتۇرمەي بولمايدۇ. بۇ جەھەتتە ئوينىغان سەلبى رولى ئەلۋەتتە ئىجابى رولىدىن ئېغىر.
بۇلۇپمۇ ئانا بولغۇچى ئاياللىرىمىز كىتاپتىن ئىبارەت ئەنگۈشتەردىن ئايرىلىپ قالسا زادىلا بولمايتى. ئەمما خىزمەت ، ئۆي ئشى بەلكىم ئۇلارنى قىيناپ كىلۋاتىدۇ.ئەمما بۇ ئاياللىرىمىزغا (ئەرلەرمۇ چەتتە قالمىغاي) كىتاپ ئوقۇماسلىقنىڭ باھانىسى بولالمايدۇ....................
بولدى مۇشۇ يەرگىچە يازاي بولمىسا يازماقچى بولغان ماقالەمنى بۇ يەرگە ئىنكاس سۈپىتىدىلا يېزىپ تۈگىتىۋەتكۈدەكمەن.

tursunay

مەن ئەزەلدىن ئۈندىدارغا چىقمايمەن، خۇددى مېنى ماختىغاندەكلا خۇش بولدۇم.

نۇرلان

مەنمۇ ئۈندىدارنىڭ تۇرمۇشىمىزدىكى ئىجابىي تەرەپلىرىگە توغرا قاراشتىمەن. ئەمما، مۇشۇ ئەتىگەندىن-كەچكىچە ئۈندىداردىن ئايرىلالمايدىغان بىر قىسىم مەستانە ئاياللارنى كۆرسەم، ئىچىم سىقىلىدۇ.  ئەلۋەتتە بۇ بارلىق ئۇيغۇر قىز-ئاياللىرىنى كۆرسەتمەيدۇ.
دوستلارنىڭ توغرا چۈشىنىشىنى ئۈمىد قىلىمەن.

alxir

ئوبدان چىقىپتۇ. ئۈندىدارغا چىقىدىغان ئاياللار ئوبدانراق كۆرسە بولغۇدەك.

نۇرلان

ئەلىشىر ئەپەندىمنىڭ ئىلھاملاندۇرغىنىغا رەھمەت.