جېنىم دوپپام، قېنىم دوپپام

نۇرلان

جېنىم دوپپام، قېنىم دوپپام

قامىتى باھادىردەك، خوپ يارىشۇر،
بۇ ئەلنىڭ ئەركەكلىرى دوپپا كەيسە.
جىلۋىسى گۈل-چېچەكتەك، كۆز قامىشۇر،
قىزلىرى دوپپا بىلەن ئۇز ئەسلىدە.

قولى گۈل، پاراسەتلىك ئەزىز خەلىقىم،
دوپپىنى ئەنئەنىگە مىراس قىلدى.
ھەر نەقىش-ئويمىلىرى غورۇر-تەختىم،
ھىسلىرىم زەر ياقۇتقا قىياس قىلدى.

دوپپامدا جۇلالىنىپ تارىخ بايان،
جىيىكىگە ئۆرپ-ئادەت كۆركەم نەقىش.
دوپپامدا ئۆزلۈك بىلەن كىملىك ئايان،
ئۇيغۇرلىقىم يۈرىكىمگە ئىلھامبەخىش.

سۆيۈملۈكسەن، كۆرۈملۈكسەن جېنىم دوپپام،
سەن قونغان باش سېزىدۇ راھەت ئاڭا.
ۋىجدانغا رەڭ بېرىسەن قېنىم دوپپام،
بىر كۈنلۈك كەيگىنىممۇ ئامەت ماڭا.

دوپپىدىن قۇت ياغىدۇ ئىپتىخارغا،
شۇڭا مەن دوپپامنى بەك قەدىرلەيمەن.
ئۇيغۇرنىڭ پۇشتى بولمىش ھەر بىر جانغا،
دوپپىنى ئەجدادىدەك سۆيسە دەيمەن!

نۇرلان

تۇرسۇن ئەپەندىمنىڭ ھەر ۋاقىت تېمامنى تەستىقلاپ تۇرغىنىغا ۋە ئىلھام بەرگىنىگە كۆپ تەشەككۈر.

360

رەھمەت ياقتۇردۇم

سەئىد

ياخشى شىئىركەن.ياقتۇرۇپ قالدىم.

تۈرگۈن

دوپپا ھەققىدە ياخشى يېزىلغان شېئىركەن.قولىڭىزغا دەرت كەلمىسۇن ا