قەلىمىمگە خەت

نۇرلان

              قەلىمىمگە خەت
يالغان يېزىپ قەلىمىم، تويارسەنمۇ بىر كۈنى،
شەرمەندە قىپ مېنىمۇ قويارسەنمۇ بىر كۈنى؟
قەسىر ئايۋان شائىرى ئاقنى قارا دەيدىكەن،
سەنمۇ شۇنداق، لەۋزنى بويارسەنمۇ بىر كۈنى؟
دىلى قانلار ئىشىنىپ،ساڭا ئەھۋال-دەرت تۆكسە،
ياشنى ئېيىتماي كۆزىنى ئويارسەنمۇ بىر كۈنى؟
ئېتىقادلىق قەلەمكەش مۇزلىغانغا چوغ بېرەر،
سەن ئەكسىچە، پىيازدەك سويارسەنمۇ بىر كۈنى؟
«تاشمۇ چۈشكەن يېرىدە ئەزىز»دىگەن ھېكمەت بار،
ئاش-تۇز بەرگەن تۇپراقنى تونارسەنمۇ بىر كۈنى؟
ئۇيات ئىشتۇر شائىرغا، شۆھرەت ئۈچۈن قۇل بولۇش،
تاما سىڭگەن ئۆتەڭدە قونارسەنمۇ بىر كۈنى؟
سەگىيدىغۇ يۈرەكلەر، بىر پىيالە شەربەتتىن،
چاڭقاپ قالغان قەۋمىڭگە سۇنارسەنمۇ بىر كۈنى؟
ئىت قېنىدا ھۈرىمەس باشنى سىلاپ باققانغا،
«قاۋا»دىسە ئىگەڭگە، ئۇنارسەنمۇ بىر كۈنى؟
ساڭا ئىنساب تىلەيمەن ھەر يازمامدا بىر قېتىم،
تىلىكىمنى يەكسان قىپ، ئۇرارسەنمۇ بىر كۈنى؟!

سارسان

ياخشى  يىزىپسىز   لىكىن بەكلا مەيۇسلىنىپ كەتمەڭ    ئىرادىلىك بۇلۇڭ

نۇرلان

تۇرسۇن ئەپەندىمنىڭ ياقتۇرغىنىغا رەھمەت.

360

رەھمەت ياخشى يېزىپسىز

بىجىرىم

تولىمۇ مەنىلىك ئېسىل شېئىركەن.

Ayshemgul

ئەسلى بۇ سىز يازغان شېئىركەن ھە!مەن ئۈندىداردىمۇ بەھىرلەنگەن ،بۇ يەردە ئەمدى كۆرۈشۈم

نۇرلان

شېئىرنى ياقتۇرغان مۇنبەرداشلارغا كۆپ رەھمەت.