مەن تۇغۇلغان كۈن-ئانام تۇغۇلغان

نۇرلان

  مەن تۇغۇلغان كۈندە ئانام تۇغۇلغان
        ( تۇغۇلغان كۈنۈمگە ئاتاپ)

ئوتتۇز توققۇز يىل ئىلگىركى باھار،
مەن تۇغۇلغان قۇتلۇق كۈن ئىدى.
دادام كۆزىدە ئارمانلار ئاقار،
ئانام ئېھتىمال، تىلەك تىلىدى.
ئالەم سۆيۈنۈپ مېھىرلىك باقار،
تۇغۇلماقنىڭمۇ ئۇلۇغ خىسلىتى.

يىللار قاناتسىز، سېھرى ئاجايىپ،
«دادا» ئاتىلىپ، قوشۇلدۇم سەپكە.
ئارزۇلىرىمغا مەسئۇلىيەت ئارتىپ،
تۇرمۇش چاقىنى تارتقاندا پەسكە،
قاياشىم-ئانام، يۈرەر ياندىشىپ،
ئۆزىنىڭ غېمى كەلمەيدۇ ئەسكە.

مەن تۇغۇلغان كۈن-ئانام تۇغۇلغان،
يۈرەكتىكى كۈي ئانامغا تالىق.
ھەر كىمگە ئانا-تومۇرىدا قان،
تۇغۇلغان كۈنلەر ئانىغا ئاشىق.
ئانا تۇغۇلغان كۈنلەر ئۇنتۇلغان،
تەتۈر زامانلار قارغاشقا لايىق!

360

ياخشى يېزىپسىز!!!!!

پەشتاق

ياخشى شىئېرلارنى يىزىپسىز، ئەقلىڭىز تىخىمۇ زىيادە بولغاي!

شىپا

باشقۇرغۇچىلار تېمىغا مۇناسىۋەتسىز بولسىمۇ  گەپ قىلىپ قوياي  تىما تەستىقىدىن ئۆتمىگەندە  ئۆتمەسلىك سەۋەبىنى يېزىپ  قويساڭلار