ئەركەك شائىر

نۇرلان · ۋاقتى: 2014-4-7 08:56:48

ئەركەك شائىر

شائىر- دىگەن ئىككى بوغۇم سۆز،
ھەق سۆزلىگەن قەلەمكەشلەر ئۆز.
يىغلىغاننى كۈلدى دىگەنلەر،
نەق سېپىدىن ماڭقۇرت، قىزىلكۆز.

ئەل شائىرى ئەلنى كۈيلەيدۇ،
ھەر تىنىقتا غېمىنى يەيدۇ.
شۆھرەت ئۈچۈن ھەل يالاتقانغا،
خەلق سەزگۈر، ھامان «تۈف» دەيدۇ.

گەپ ئەگىتمەس شائىرنىڭ سېقى،
ياقتۇرمايدۇ يالغاننى تېخى.
گۈل پۇرايدۇ مىسرالىرىدىن،
سۇ ئىچىدۇ كۆڭلۈڭنىڭ شېخى.

شائىر ھامان غۇرۇرىغا ھۆز،
شاتۇتىغا بولۇپ يۈرمەس جۆر.
ئەقىدىنى ساتماس تىللاغا،
ئابروي ئۈچۈن تالاشمايدۇ تۆر.

ئەركەك شائىر راستنى راست دەيدۇ،
سەمىمىيلىك ئەرگە خاس دەيدۇ.
ئەلنى سېتىپ ئالقىشلانغاننى،
قەلەم بىلەن دارغا ئاس دەيدۇ.

ئەركەك شائىر ئىشلەتمەيدۇ رەڭ،
ۋىجدان-ئىمان ئالتۇن رەڭگە تەڭ.
ئەشئارلىرى قېلىچ-ئوقيادۇر،
رەزىللىككە قىلار قارشى جەڭ.

نەقىرات: ئەركەك شائىر ئامەت ياغسۇن جۈپ ساڭا،
نان شائىرى قىلمىشىڭدىن تۈف ساڭا!

ئالمىچى · ۋاقتى: 2014-4-7 12:55:25

ياخشى,مول مەزمۇنلۇق شىئىركەن.
来自安卓客户端

sebijan · ۋاقتى: 2014-4-7 13:44:50

شائىرلار ھۇشۇڭنى تاپ. ئۆزەڭنى بىل....مۇشۇنداق شىئىرلار چوڭ چوڭ مەتبەئەلەردە ئېلان قىلىنسىكەن دەيمەن

تۈرگۈن · ۋاقتى: 2014-4-7 17:16:28

مەزمۇنلۇق شېئىركەن.
4-كۇبلىتىنىڭ 1-مىسرا ئاخىرقى سۆز «ھۆر» ئوخشايدۇ. «ھۆز» دەپ يېزىلىپ قاپتۇ.

ئىدرسجان · ۋاقتى: 2014-4-8 14:35:36

قەلەم قۇۋىتى ھەقىقەتەن كۇچلۇك شىئىر بوپتۇ.

نۇرلان · ۋاقتى: 2014-4-8 21:06:27

تۈرگەنى ئەپەندىمنىڭ دىگىنى بەرھەق.دىققەتسىزلىكىم تۈپەيلىدىن "ھۆر" سۆزى "ھۆز"بولۇپ قاپتۇ.
شېئىرنى ياقتۇرغان تورداشلارغا رەھمەت.

پەشتاق · ۋاقتى: 2014-5-2 22:44:43

بۇ شىئېرڭىزمۇ ھەقىيقەتەن ياخشى يىزىلىپتۇ، مەن بەك ياقتۇردۇم

نۇرلان · ۋاقتى: 2014-5-3 22:58:37

پەشتاق ئەپەندىمنىڭ ئىلھاملاندۇرغىنىغا رەھمەت.

ئەركەك شائىر

باھالاش

كۆرگەن سەھىپە

ئالاھىدە تەۋسىيە /1