مەكتەپنىڭ يىللىق خىزمەت پىلانى

13239983181 · ۋاقتى: 2014-3-24 18:03:17

بۇ يازمىنى ئاخىرىدا Tursun007 تەھرىرلىگەن. ۋاقتى  2014-3-24 23:14

xxx باشلانغۇچ مەكتەپنىڭ 2012-2013-ئوقۇش يىللىق خىزمەت پىلانى
پىلان تۈزۈشتىكى مەقسەت
جۇڭگۇچە سوتسىيالىزم ئۇلۇغ بايرىقىنى ئىگىز كۆتۈرۈپ،  دىڭ شىياۋپىڭ نەزىريىسى، «ئۈچكە ۋەكىللىك قىلىش» مۇھىم ئىددىيسى ۋە ئىلمىي تەرەققىيات قارىشىنى يىتەكچى قىلىپ، «مائارىپنىڭ ئومۇمىيۈزلۈك تەرەققىياتىنى ئىلگىرى سۈرۈپ، خەلق رازى بولىدىغان مائارىپ قۇرۇپ چىقىش» نى ئاساسىي مەقسەت قىلىپ، مەركىزى كومېتىتنىڭ شىنجاڭ خىزمتى سۆھبەت يىغىنىنىڭ روھىنى ئومۇمىيۈزلۈك ئەمىلىلەشتۈرۈپ، ساھەلەر بويىچە شىنجاڭغا ياردەم بىرىش تارىخى پۇرسىتىنى چىڭ تۇتۇپ، ئىددىيە ۋە ھەركىتىمىزنى مەركەز ۋە ئاپتۇنۇم رايۇنلۇق پارتىكۇمنىڭ شىنجاڭنىڭ مۇقىملىقىنى قوغداش توغىرسىدىكى يوليۇرۇقلىرىنىڭ روھى ۋە ۋىلايەتلىك، ناھىيلىك پارتىكۇمنىڭ ئورۇنلاشتۇرۇشلىرى ئاساسىدا بىرلىككە كەلتۈرۈپ، يۇقىرى-تۆۋەن تەڭ ھەركەتكە كىلىپ، بىر نىيەتتە ھەمكارلىشىپ، ئىتىپاقلىقنى ئىلگىرى سۈرۈپ، بۆلگۈنچىلىككە قارشى تۇرۇپ، مۇقىملىقنى قوغداپ، تۈرلۈك زوراۋانلىق، تىرورلۇق ۋەقەلىرىنىڭ قەتئى ئالدىنى ئىلىپ، مائارىپ بازىسىنى ساپلاشتۇرۇپ، مۇقىملىق بىخەتەرلىككە كاپالەتلىك قىلىپ، بازىرىمىز مائارىپ ئىشلىرىنىڭ ھەم ياخشى ھەم تىز ، ئىناق تەرەققى قىلىشى، ئىلمىي تەرەققى قىلىشىغا، بازىرىمىزنىڭ ھالقىما تەرەققىياتى ۋە ئەبەدىي ئەمىنلىكىنى ئىشقا ئاشۇرۇشقا پائال تۆھپە قوشۇش؛ ئەخلاقى، ئەقلى، جىسمانى، گۈزەللىك جەھەتلەردىن ئەتىراپلىق يىتىشكەن سوتسىيالىزم ئىشلىرىنىڭ قۇرغۇچىلىرى ۋە ئىزباسارلىرىنى تەربىيلەپ، بازىرىمىز ئىقتىسادىنىڭ گۈللىنىشى ۋە جەمئىيەتنىڭ تەرەققىياتىنى قابىل ئىقتىساس ئىگىلىرى بىلەن تەمىنلەش؛ خىزمەتلەرنى ئەتىراپلىق پىلانلاپ، كۆڭۈل قويۇپ تەشكىللەپ، ئوقۇتۇش تەلىم- تەربىيە خىزمەتلىرىدە يىڭى نەتىجە ھاسىل قىلىپ، مەكتىۋىمىزنى ناھىيە بويىچە ئالىدىنقى قاتاردىكى مەكتەپ قىلىپ قۇرۇپ چىقىش نىشانىنى ئىشقا ئاشۇرۇشتىن ئىبارەت.
پىلاننىڭ مەزمۇنى
1- مەكتەپ باشقۇرۇش خىزمىتىگە ئەھمىيەت بىرىپ،  رەھبەرلىكنى ھەقىقى كۇچايتىمىز.
1) يۇقىرى دەرىجىلىك پارتىيە ھۆكۈمەت ۋە مائارىپ مەمۇرى تارماقلىرىنىڭ چاقىرىقىغا قىزغىن ئاۋاز قوشۇپ، بازارلىق پارتىكۇم خەلق ھۆكۈمىتى ۋە مائارىپ ئىدارىسى ئورۇنلاشتۇرۇغان تۈرلۈك خىزمەت ۋەزىپىلەرنى ۋاقتىدا تولۇق ئورۇنداشقا كاپالەتلىك قىلىمىز.
2) مەركىزى باشلانغۇچ مەكتەپنىڭ مەركەزلىك رولىنى ھەقىقى جارى قىلدۇرۇپ، ئوقۇتۇش تەلىم-تەربىيە خىزمىتىنى ئۆز ئەمەلىيتىمىزنى چىقىش قىلغان ھالدا ئەتىراپلىق مۇھاكىمە قىلىپ، نىشان ۋەزىپىلەرنى بىكىتىپ، پىلان، تۈزۈم-تەدبىرلەرنى مۇكەممەل تۈزۈپ، جانلىق ئىجىرا قىلىپ، كەنت دەرىجىلىك باشلانغۇچ مەكتەپلەرنىڭ مەكتەپ باشقۇرۇش ۋە ئوقۇتۇش تەلىم-تەربىيە خىزمەتلىرىگە ئەتىراپلىق يىتەكچىلىك قىلىپ، نازارەتچىلىكنى، باشقۇرۇشنى كۇچايتىپ، ئوقۇتۇش تەلىم-تەربىيە خىزمەتلىرىنى ماس قەدەمدە تەرەققى قىلدۇرۇرىمىز.
3) خىزمەتلەرنى ئىغىزلار بويىچە تەقسىملەش ۋە مەسئۇل بولۇش ئارقىلىق باشقۇرغۇچىلارنىڭ خىزمەت تەقىسماتى ۋە مەسئۇلىيتىنى ئىنىق ئايدىڭلاشتۇرۇپ، ئورتاق باشقۇرىدىغان، ئورتاق تۇتىدىغان ۋەزىيەتنى شەكىللەندۈرۈپ، مەركىزى باشلانغۇچ مەكتەپ رەھبەرلىك بەنزىسىنىڭ ھاكىمىيەت يۈرگۈزۈش ئىقتىدارىنى يۇقىرى كۆتۈرىمىز.
4) تۈرلۈك ئىشلاردا دىمۇكراتىينى جارى قىلدۇرۇپ، مەركىزى باشلانغۇچ مەكتەپ رەھبەرلىك بەنىزىسى ئورتاق مۇزاكىرە قىلىپ بىكىتىش ئارقىلىق، رەھبەرلىك بەنزىنىڭ ئىش بىجىرىشتا ئادىل بولۇش، پىرىنسىپتا چىڭ تۇرۇش،  رولىنى جارى قىلدۇرىمىز.
5) ئوقۇتقۇچى ئىشچى-خىزمەتچىلەر ۋە خەلق ئاممىسىنىڭ پىكىر-تەكلىپلىرىنى ئەستايىدىل قوبۇل قىلىپ، رەھبەرلىك بەنزىنىڭ باشقۇرۇش ئۇسۇلىنى ياخشىلاشقا تىرىشىمىز.
2- قۇشۇن قۇرۇلۇشنى كۇچايتىمىز.
1) مەركىزى باشلانغۇچ مەكتەپ رەھبەرلىك بەنزىسى تەكشۈرۈپ تەھلىل قىلىش ئارقىلىق ھەر قايسى كەنت دەرىجىلىك مەكتەپ رەھبەرلىك بەنزىسىنىڭ مەكتەپ باشقۇرۇش سەۋىيەسىگە ئىلمىي دىياگۇنۇز قويۇپ، مەكتەپ باشقۇرۇش ساپاسى تۆۋەن، چىچىلاڭغۇ، ئاجىز مەكتەپ رەھبەرلىك بەنزىلىرىگە قارىتا تەڭشەش ئىلىپ بىرىپ، ئەلالىرىنى تاللاپ ئىشقا قويۇش پىرىنسىپى بويىچە،  يىڭىلىق يارىتىشنى، ئىلگىرلەشنى خالىمىغان، ئوقۇتۇش تەلىم-تەربىيە سۈپىتى يىلسىرى تۆۋەن ئوروندا تۇرغان،  مەسئۇلىيەت ۋە مەجبۇرىيەت ئىڭى تۆۋەن، ئورۇن ساقلاپ تۇرغان بىر قىسىم مەكتەپ مۇدىرلىرى ۋە ئىلمىي مۇدىرلارنى ۋەزىپىسىدىن قالدۇرۇپ، پارتىينىڭ مائارىپ خىزمىتى ئۈچۈن يۈرەك قىنىنى سەرىپ قىلالايدىغان، باشقۇرۇش ۋە كەسپى ساپاسى بىر قەدەر يۇقۇرلارنى تاللاپ مەكتەپ مۇدىرلىق ۋە ئىلمىي مۇدىرلىق ۋەزىپىسىگە قويۇپ، مەكتەپ رەھبەرلىك بەنزىسى قوشۇن قۇرۇلۇشىنى كۇچايتىمىز.
2) ناھىيلىك مائارىپ ئىدارسى بىلەن ئالاقىلىشىش ئارقىلىق تەربىيلەش پۇرسىتىنى قولغا كەلتۈرۈپ، مەكتەپ مۇدىرلارنى مۇدىرلار كۇرىسىدا، ئىلمىي مۇدىرلارنى تۈرلۈك ئوقۇتۇش پىرۇگىراممىسى بويىچە تەربىيلەش كۇرۇسلىرىغا قاتناشتۇرۇپ، مەكتەپ مۇدىرلىرى ۋە ئىلمىي مۇدىرلارنى يىڭى بىلىملەر بىلەن تەربىيلەشنى ئىشقا ئاشۇرۇپ، مەكتەپ مۇدىرىلىرىنىڭ مەكتەپ باشقۇرۇش ساپاسىنى، ئىلمىي مۇدىرلارنىڭ ئوقۇتۇشقا يىتەكچىلىك قىلىش قابىلىيىتىنى يۇقىرى كۆتۈرۈشكە تىرىشچانلىق كۆرسىتىمىز.
3) ئۆز ئەمەلىيتىمىزنى چىقىش قىلىپ، تۈرلۈك يىغىن ۋە ئورۇنلاشتۇرۇشلارغا بىرلەشتۈرۈپ مەكتەپلەرنىڭ مۇدىر ۋە ئىلمىي مۇدىرلىرىغا نۆۋەتتىكى ۋەزىيەت ۋە ۋەزىپىلەر توغىرسىدا تەربىيلەش ئىلىپ بىرىپ، ئۇلارنىڭ باشقۇرۇش ئىڭىنىڭ يۇقىرى كۆتۈرلىشىگە ئاساس يارىتىمىز.
4) ئوقۇتقۇچىلارنىڭ خىزمەت تەقسىماتى، ياش قۇرۇلمىسى، كەسىپ ئالاھىدىلىكى ۋە بىلىم ئىقتىدارىنى چىقىش قىلىپ مەكتەپلەرگە تەقسىم قىلىپ، ھەر قايسى مەكتەپلەرنىڭ ئوقۇتقۇچىلار قوشۇن قۇرۇلۇشىنى تەڭپۇڭلاشتۇرىمىز.
5) «4-بەش يىللىق» دائىملىق تەربىيە بۇيىچە تەربىيلىنىشكە قاتناشمىغان، تەربىيلىنىش گۇۋاھنامىسى يوق ئوقۇتقۇچىلارنى ئىنىقلاپ، مۇشۇ يىل ئاخىرغىچە تۈركۈمگە بۆلۈپ، تەربىيلەشكە قاتناشتۇرۇپ، ئوقۇتقۇچىلارنىڭ «4-بەش يىللىق» دائىملىق تەربىيە بويىچە تولۇق تەربىيلىنىپ بولۇشنى ئىشقا ئاشۇرۇش ئارقىلىق كەسپى بىلىم سەۋىيەسىنى يۇقىرى كۆتۈرۈشكە كاپالەتلىك قىلىمىز.
6) ئوقۇتقۇچىلارنى ھەر خىل يوللار ئارقىلىق تۈرلۈك ئۈگۈنۈش، تەربىيلەش پائالىيەتلىرىگە قاتنىشىشقا ئىلھام بىرىپ، خىزمەتتىن ئايرىلىپ بىلىم ئاشۇرۇپ كىلىشنى قوللاپ، بىر تۈركۈم كەسىپلەشكەن، بىلىملىك ئوقۇتۇش ماھىرلىرى، يۇقىرى ساپالىق تايانىچ ئوقۇتقۇچىلار قوشۇنىنى بەرپا قىلىشقا تىرىشچانلىق كۆرسىتىمىز.
7) ئوقۇتقۇچىلارنىڭ خەنزۇتىلى سەۋىيەسىنى چىقىش قىلىپ، تۈرگە ئايرىپ، ئۆز ئورنىمىزدا خەنزۇتىلى بويىچە كۇچايتىپ تەربىيلەشكە تەشكىللەپ، ئۆزلىگىدىن ئۈگۈنۈشكە يىتەكلەپ،  ئوقۇتقۇچىلارغا بىسىم چۈشۈرۈش ئارقىلىق ئۇلارنىڭ قوشتىل ساپاسىنى يۇقىرى كۆتۈرۈشكە تىرىشچانلىق كۆرسىتىپ، ئوقۇتقۇچى ئىشىچى-خىزمەتچىلەرنىڭ خەنزۇتىلى سەۋىيە سىناش ئىمتىھانىدا بەلگىلەنگەن ئۆلچەمگە يىتىش نىسبىتىنى %90دىن ئاشۇرۇشقا كاپالەتلىك قىلىمىز.
8) ئوقۇتقۇچىلارغا كومپيۇتىر ئۈگۈنۈشنىڭ موھىملىقىنى، كومپيۇتىر ئىشلىتىشنىڭ ئەۋزەللىكىنى ھىس قىلدۇرۇپ، كومپيۇتىر ئۈگۈنۈشكە يىتەكلەش، تەشكىللەش ئارقىلىق، بۇ يىل يىل ئاخىرغىچە %60دىن ئارتۇق ئوقۇتقۇچىنى كومپيۇتىردا مەشقۇلات ئىلىپ بارالايدىغان، كومپيۇتىردا دەرس تەييارلاپ ئۆتەلەيدىغان قابىليەتكە ئىگە قىلىشقا تىرىشچانلىق كۆرسىتىمىز.
9) ئوقۇتقۇچىلارنىڭ ئۆزلىگىدىن ئۈگۈنۈشىنى قوللاش ۋە مەدەت بىرىش ئارقىلىق ئوقۇش تارىخىنى يۇقىرى كۆتۈرۈشكە يىتەكلەپ، يۇقىرى ساپالىق ئوقۇتقۇچىلار قوشۇنى بەرپا قىلىشقا تىرىشچانلىق كۆرسىتىمىز.
10) ئوقۇتقۇچى ئىشچى-خىزمەتچىلەرنى ئوچۇق دەرس، ئۆلگىلىك دەرس، كۆرسەتمىلىك دەرس، تەجىربىلىك دەرس ئۆتۈشكە ۋە ئاڭلاشقا تەشكىللەپ، يىڭى ياش ئوقۇتقۇچىلارنىڭ ئوقۇتۇش مىتودىنى ياخشىلاشقا تىرىشچانلىق كۆرسىتىمىز.
3- سىياسى- ئىدىيۋى خىزمەتنى چىڭ تۇتۇپ ياخشى ئىشلەپ، مەكتەپنىڭ مۇقىملىقى ۋە بىخەتەرلىكىگە ھەقىقى كاپالەتلىك قىلىمىز.
1) سىياسى-ئىدىيۋى خىزمەتىنى مەكتەپ خىزمىتىنىڭ گەۋدىلىك ئورنىغا قويۇپ، تەشكىلى رەھبەرلىكنى كۇچايتىپ، مەخسۇس ۋەزىپدىكى سىياسى مۇدىرنى سىياسى-ئىدىيۋى خىزمەتكە  كونكىرىتنى مەسئۇل قىلىپ، ئوقۇتقۇچى،ئىشچى-خىزمەتچىلەرنىڭ ۋە تەربىيلەنگۈچىلەرنىڭ ئىدىيۋى-سىياسى ساپاسىنى يۇقىرى كۆتىرىمىز.
2) شىنجاڭنىڭ ھالقىما تەرەققىياتى ۋە ئەبەدىي ئەمىنلىكىنى ئىشقا ئاشۇرۇش يۈكسەكلىكىدە تۇرۇپ، مەكتەپلەرنىڭ مۇقىملىق، بىخەتەرلىك خىزمىتىنى ياخشى ئىشلەشنىڭ ئىنتايىن موھىملىقىنى تولۇق تونۇپ يىتىپ، مەكتەپ رەھبەرلىرىنىڭ، بولۇپمۇ بىرىنچى قول رەھبەرنىڭ تونۇشىنى ھەقىقى يۇقىرى كۆتۈرۈپ، ئىدىيسىنى مەركەز ۋە ئاپتۇنۇم رايۇنلۇق پارتىكۇمنىڭ تەدبىر ئورۇنلاشتۇرۇشى ئاساسىدا بىرلىككە كەلتۈرۈپ، مەكتەپ رەھبەرلىرىنىڭ سىياسىي ئىڭى ۋە مەسئۇلىيەت ئىڭىنى يەنىمۇ كۇچايتىمىز.
3) مەكتەپ مۇقىملىقىغا ۋە بىخەتەرلىكىگە تەسىر يەتكۈزىدىغان ھەر قانداق ئالامەتلەر، خىيىم- خەتەرلەرگە يۈكسەك ھوشىيار تۇرۇپ، يۈز بىرىش ئىھتىماللىقى بولغان ھەر قانداق خىيىم خەتەر ۋە تۈرلۈك تۇيۇقسىز يۈز بىرىدىغان ۋەقەلەرنى تولۇق مۆلچەرلەپ، تولۇق تەييارلىق كۆرۈپ، تەشكىلى تەدبىر، مەسئۇلىيەت ۋە ماسلاشتۇرۇپ قوماندانلىق قىلىشنىڭ دەل جايىغا ئەمىلىلىشىگە كاپالەتلىك قىلىمىز.
4) مىللەتلەر ئىتتىپاقلىقىنى ۋە ئىجتىمائىي مۇقىملىقىنى قوغداشنى بىر تۈرلۈك گەۋدىلىك ۋەزىپە ۋە بىرىنچى موھىم چوڭ ئىش سۈپىتىدە چىڭ تۇتۇپ، ئوقۇتقۇچى-ئوقۇغۇچىلارنىڭ سىياسىي پەرىق ئىتىش ئىقتىدارى ۋە تونۇشىنى يۇقىرى كۆتۈرۈپ، ئۇلارنى بۆلگۈنچىلىككە قارشى تۇرۇشنىڭ بىرىنچى سىپىدە قەتئى چىڭ تۇرۇپ، پىتنە-ئىغىۋا تارقاتماسلىق، پىتنە-ئىغىۋالارغا ئىشەنمەسلىك، باشقىلارنىڭ قۇترىتىشىغا گول بولماسلىق، كوللىكتىپ خارەكتىرلىك ۋەقەلەرگە قاتناشماسلىق، قانۇنغا خىلاپ ھەرىكەتلەرگە قاتناشماسلىقنى ئىشقا ئاشۇرۇشقا، ۋەتەننىڭ بىرلىكىنى، مىللەتلەر ئىتتىپاقلىقىنى، ئىجتىمائىي مۇقىملىقنى قوغداشقا يىتەكلەيمىز.
5) ئوقۇتقۇچى-ئوقۇغۇچىلارنىڭ «مالىمانچىلىق-ئاپەت، مۇقىملىق-ئامەت، ۋەتەننىڭ بىرلىكى ۋە مىللەتلەر ئىتتىپاقلىقى- شىنجاڭدىكى ھەر مىللەت خەلقىنىڭ جان تومىرى ۋە تۈپ مەنپەئەتى» ئىكەنلىكىدىن ئىبارەت ئىدىيۋى تونۇشىنى مۇستەھكەم تورغۇزۇپ، مىللەتلەر ئىتتىپاقلىقىنى، ئاسان قولغا كەلمىگەن تىنىچ ۋە ئىناق ئىجتىمائي ۋەزىيەتنى قوغداش، ئىرادىدىن سىپىل ھاسىل قىلىپ،  «ئۈچ خىل كۈچ»لەرنىڭ زوراۋانلىق، بۇزغۇنچىلىق ھەركىتىگە قاتتىق زەربە بىرىش ئىرادىسىنى چىڭىتىمىز.
6) مەكتەپنىڭ ئىددىۋى سىياسى تەربىيسىنى «تۆتنى بىلىش» تەربىيسنى كۇچايتىشنى يادىرۇ، «ئۈچنى قوغداپ ئىككىگە قارشى تۇرۇش» تەربىيسىنى دەرىسخانىلاشتۇرۇشنى مۇھىم نۇقتا، پارتىيە ئەزالىرى ئۈگۈنىشى، ئوقۇتقۇچى ئىشىچى-خىزمەتچىلەرنىڭ سىياسى ئۈگىنىشى، دەرسخانا تەربىيسى ۋە تۈرلۈك پائالىيەتلەرنى قانات يايدۇرۇشنى ۋاستە قىلىپ، پارتىينىڭ تۈرلۈك قانۇن-نىزاملىرىنى، فاڭجېن-سىياتلىرىنى، ۋەزىيەت بىلىملىرىنى ئۈگىنىشنى بوشاشتۇرماي مەكتەپتىكى پارتىيە ئەزالىرى ۋە ئوقۇتقۇچى-ئوقۇغۇچىلارنىڭ سىياسى ئاڭ سەۋىيسىنى تىرىشىپ يۇقىرى كۆتۈرىمىز.
7) مەكتەپ رەھبەرلىرى ۋە ئوقۇتقۇچىلار قاراتمىلىقى كۈچلۈك، مەزمۇنى مول بولغان مەخسۇس تىمىدىكى سىياسى دوكىلات تەييارلاپ، ئوقۇغۇچىلارغا دوكىلات بىرىش ئارقىلىق سىياسى- ئىدىيۋى تەربىينى داۋاملىق چوڭقۇرلاشتۇرىمىز.
8) كۆپخىل شەكىللەر ئارقىلىق ئوقۇتقۇچى-ئوقۇغۇچىلار ئارىسىدا ۋەتەنپەرۋەرلىك تەربىيسى، شىنجاڭ تارىخى، مىللەتلەر ئىتتىپاقلىقى تەربىيسى، بۆلگۈنچىلىككە، سىڭىپ كىرىشكە قارشى تۇرۇش تەربىيسىنى ئەمىلى مىساللار، جانلىق پائالىيەتلەر ئارقىلىق تەشۋىقى تەربىيە ئىلىپ بىرىپ، ئوقۇتقۇچى - ئوقۇغۇچىلارنىڭ سىياسى نەزىريىۋى ساپاسىنى يۇقىرى كۆتىرىمىز.
9) ئوقۇتقۇچىلارنى تەتىلگە قۇيۇپ بىرىشتىن بۇرۇن مەركەزلىك ھالدا بىر ھەپتە يەنى 60سائەت ئەتراپىدا،ئوقۇش باشلاشتىن بۇرۇن بىر ھەپتە يەنى 60سائەت ئەتراپىدا سىياسى نەزىرىيە ئۈگىنىشىگە تەشكىللەپ، ئوقۇتقۇچىلار قوشۇنىنىىڭ سىياسى جەھەتتىن كۈچلۈك بولۇش تەلىپىنى ئىشقا ئاشۇرىمىز.
10) ئوقۇتقۇچى-ئوقۇغۇچىلارنى كۈزۈتۈشكە ئەھمىيەت بىرىپ، ئۇلارنىڭ ئىدىيۋى ھالىتى، سۆز-ھەرىكىتىگە داۋاملىق دىققەت قىلىپ، دىنىي ئىدىيلەرنىڭ ئوقۇتقۇچى-ئوقۇغۇچىلارنى قايمۇقتۇرۇپ قويۇشنىڭ ئالدىنى ئالىمىز. ئوقۇغۇچىلار مەكتەپتىن ئايرىلغان تەتىل ۋە دەمئىلىش ۋاقتىلىرىدا ئوقۇتقۇچىلارنى ئائىلگە سۆھبىتىگە تەشكىللەپ، ئوقۇغۇچىلارنىڭ ئىش پائالىيتىنى ھەر ۋاقىت بىلىپ تۇرۇشنى ئىشقا ئاشۇرىمىز.
11) سىياسىيغا ئەھمىيەت بىرىش يۈكسەكلىكىدە تۇرۇپ، سىياسىي-ئىدىيۋى خىزمەت ۋە مۇقىملىق خىزمەتلىرى جەھەتتە قاتلاممۇ-قاتلام مەسئۇلىيەتنامە ئىمزالاپ، كەڭ ئاتا-ئانىلار ۋە دىنىي زات پەرزەنتلىرى،نوقتىلىق ئائىللەرنىڭ پەرزەنتلىرى ۋە نوقتىلىق ئوقوغۇچىلار بىلەن بولغان سۆھبەتنى ھەقىقى كۇچايىتپ، دىننىڭ مەكتەپلەرگە سىڭىپ كىرىشنىڭ ئۈنۈملۈك ئالدىنى ئالىمىز.
12) مەكتەپلەردىكى تورغا ئۇلاقلىق كومپىيۇتر، ئىشخانا كومپيۇتىرلىرى، ئۇقۇتقۇچى ئىشىچى- خىزمەتچىلەرنىڭ شەخسى كومپىيۇتىرى، يۆتكىلىشچان قاتتىق دىسكا، بارماق دىسكا، يانفۇن، MP3 قاتارلىق ئۇچۇر ئەسلىھەلىرىنى باشقۇرۇش ۋە قەرەرلىك-قەرەلسىز تەكشۈرۈش خىزمىتىنى كۇچايتىپ، مەكتەپ ۋە ئوقۇتقۇچىلارنىڭ ئۇچۇر ئەسلىھەلىرىدە دىني تۈردىكى ۋە قانۇنىسىز ئۈن-سىن بويۇملىرى، ھۆججەت، سۈرەت، يىزىق، ئوقۇشلۇقلارنىڭ ساقلىنىشنىڭ ئالدىنى ئالىمىز.
13) رامىزان ئىيى مەزگىلىدىكى تۈرلۈك تەشۋىقى-تەربىيە ۋە ئالىدىنى ئىلىش خىزمەتلىرىنى ياخشى ئىشلەپ، ئوقۇتقۇچى-ئوقۇغۇچىلار ئىچىدە روزا تۇتۇش، دىنىي پائالىيەتلەرگە قاتنىشىش، دىن ئوقۇتۇش نوختىلىرىدا ئوقۇپ قىلىش ئەھۋاللىرىنىڭ يۈز بىرىشىنىڭ ئالدىنى ئالىمىز.
14) مەكتەپ دەرۋازىسىنىڭ قاراۋۇللۇق تۈزۈمىنى يەنىمۇ چىڭىتىپ، سىرىتتىن كەلگەنلەرنىڭ مەكتەپ ئىچىگە كىرىپ چىقىشنى باشقۇرۇشنى، يەنىمۇ كۇچايتىپ، سىرىتتىن كەلگەنلەرنى تىزىملاش ۋە ئىش ھەرىكىتىنى كۈزۈتۈش خىزمىتىنى ياخشى ئىشلەيمىز. كۈزىتىش ئۈسكۈنىسىنىڭ ۋە ئامانلىق قوغدىغۇچىلارنىڭ رولىدىن تولۇق پايدىلىنىپ، ئۈسكۈنىنىڭ 24سائەت نۇرمال كۈزۈتۈش ئىلىپ بىرىشىغا،ئامانلىق ساقلىغۇچىلارنىڭ مەكتەپنىڭ ئامانلىقىغا تولۇق مەسئۇل بولىشىغا كاپالەتلىك قىلىمىز.
15) پۇخرالار ئەخلاق قۇرۇلۇشى تەربىيە ئىيى پائالىيىتى ، قانۇن تۈزۈم تەربىيە ئىيى پائالىيىتى ، مىللەتلەر ئىتىپاقلىقى تەربىيە ئىيى پائالىيىتى، بىخەتەر ئىشلەپچىقىرىش تەربىيە ئىيى قاتارلىق تەربىيە ئىيى پائالىيتىگە بولغان رەھبەرلىكنى ھەقىقى كۇچايىتپ، ئۈگۈنۈش ۋە تەشۋىقى تەربىينى موھىم نوختا قىلىپ، پائالىيەتنىڭ ئۈنۈمىنى يۇقىرى كۆتۈرۈشكە كاپالەتلىك قىلىمىز.
4- تەشكىلى رەھبەرلىكنى كۇچايتىپ، ئوقۇتۇش سۈپىتىنى يۇقىرى كۆتۈرىمىز.
1) سىياسى ئىجتىمائى مۇقىملىقنى قوغداشنى يىتەكچى، ئوقۇتۇشنى قىلىپلاشتۇرۇپ سۈپەتنى يۇقىرى كۆتۈرۈشنى ئاساس قىلىپ، يىڭى دەرىسلىك ئىسلاھاتىغا پائال ماسلىشىپ،يىڭى دەرس ئىسلاھاتىنى چوڭقۇرلاشتۇرۇپ، بىلىم بىرىپ  ئادەم تەربىيىلەش، كىتاپ ئوقۇتۇپ  ئادەم تەربىيىلەش ئاساسىدا  كىم ئۈچۈن ئادەم تەربىيىلەش،  قانداق ئادەم  تەربىيىلەش، ئادەمنى  قانداق تەربىيىلەش  نىشانىنى  ھەقىقى  ئىزچىللاشتۇرۇپ، ئوقۇتۇشنىڭ دائىملىق قائىدىلىرىنى تولۇق ئىجىرا قىلىش ئۈچۈن تەشكىلى رەھبەرلىكنى داۋاملق چىڭىتىمىز.
2) ئوقۇتۇشنى قانۇن ئارقىلىق ئىلىپ بىرىش، ساپا مائارىپىنى يولغا قويۇش، ئوقۇتۇش سۈپىتىنى يۇقىرى كۆتۈرۈش ئۈچۈن ناھىيلىك مائارىپ ئدارىسىنىڭ «2012-2013-ئوقۇش يىللىق ئوقۇتۇش ۋاقتىنى ئورۇنلاشتۇرۇش توغىرسىدىكى ئۇقتۇرۇشى» نىڭ روھى بويىچە ئوقۇتۇش ۋاقتىغا تولۇق كاپالەتلىك قىلىپ، دەرسلەرنى تولۇق تەسىس قىلىپ، دەرس ۋاقتىنىڭ ئەمىلىلىشىگە كاپالەتلىك قىلىمىز.
3) ئوقۇش باشلاشتىن بۇرۇن ئوقۇتقۇچىلارنىڭ كەسپى ئالاھىدىلىكى ۋە بىلىم ماھارەت ئىقتىدارىغا ئاساسەن دەرسلەرنى تەقسىم قىلىش، ئوقۇغۇچىلارنىڭ ئەھۋالىنى ۋە دەرسلىك ماتىرىيالىنى ئاساس قىلىپ، دەرسلىك كالىنىدار پىلانى تۈزۈشنى ئىشقا ئاشۇرىمىز. دەرس سىتكىسىنى ئىلمىي قانۇنىيەت بويىچە تۈزۈپ، ئوقۇتۇش خىزمىتىنىڭ سىسىتمىلىق ئىلىپ بىرىلىشىغا كاپالەتلىك قىلىمىز.
4) ئوقۇتۇش سۈپىتى مەكتەپ ئوقۇتۇش ئىشلىرىنىڭ ھاياتى كۈچى بولۇپ، ئوقۇش سۈپىتىنى يۇقىرى كۆتۈرۈشنى مەكتەپنىڭ مەركىزى خىزمىتى قاتارىدا چىڭ تۇتۇپ، ئوقۇتۇشنى باھالاش مىخانىزىمىنى تۇرغۇزۇپ، بىر تۇتاش ئىمتىھان ئىلىش تۈزۈمىنى مۇكەممەللەشتۈرۈپ، ئوقۇغۇچىلارنىڭ ئىمتىھان نەتىجىسىنى ئوقۇتقۇچىلارنىڭ ئوقۇتۇش سۈپىتىنى ئۆلچەيدىغان مۇھىم ئۆلچەم قىلىپ، مەكتەپنى ئوقۇتقۇچىلارنى دەرىجگە تۇرغۇزۇش، ئوقۇتقۇچىلارنىڭ خىزمەت باھالىنىشى، ئۇنۋان ئۆستۈرش. مۇنەۋەر باھالاش، يىللىق سىناپ تەكشۈرۈش، يىل ئاخىردىكى مۇكاپات خاراكتىرلىك نەتىجە ئۈنۈم مائاشىنى تارقىتىش خىزمەتلىرىگە چىتىلدۇرۇش ئارقىلىق ئوقۇتقۇچىلارنىڭ خىزمەت ئاكىتىپچانلىقىنى يۇقىرى كۆتۈرۈپ، ئوقۇتۇش سۈپىتىنىڭ يۇقىرى كۆتۈرلىشىگە ئاساس سالىمىز.
5) مەكتەپلەر ئوقۇتقۇچىلارنىڭ كەسپى ئەن-خاتىرلىرىنى ئايدا بىر قىتىم تەكشۈرۈپ، ھەر قايسى پەنلەردىن ئايدا بىر قىتىم ئىمتىھان ئىلىپ، كەسپى ئەن-خاتىرلەر بىلەن ئىمتىھان نەتىجىسىنى بىرلەشتۈرۈپ خۇلاسە قىلىپ، ئايلىق خىزمەت خۇلاسە يىغىنى چاقىرىپ، ئىشلىگەن بىلەن ئىشلىمىگەنى ھەقىقى ئايرىپ، نەتىجىگە ئاساسەن جازا-مۇكاپات ئىلىپ بىرىپ، ئوقۇتقۇچى ئىشىچى-خىزمەتچىلەرنىڭ ئوقۇتۇش ئىرادىسىنى چىڭىتىمىز.
6) مەركىزى باشلانغۇچ مەكتەپتىن كۈچ تەشكىللەپ ھەر ماۋسۇمىغا 1قىتىمىدىن 2قىتىمغىچە مەكتەپلەردىن سۈپەت تەكشۈرۈش ئىمتىھانى ئىلىپ خۇلاسە قىلىش ئارقىلىق ھەر قايسى مەكتەپ ۋە ئوقۇتقۇچىلارنىڭ ئوقۇتۇش خىزمىتىگە باھا بىرىمىز.
7) ئوقۇتۇش سۈپىتىنى يۇقىرى كۆتۈرۈشتە خىزمەت نورمىسى، ئوقۇتۇش نورمىسى بەلگىلەپ، مەسئۇلىيەتنامە ئىمزالاپ، مەسئۇلىيەتنامىنىڭ روھى بويىچە جانلىق ئىجىرا قىلىپ، ھەر قايسى پەن دەرىسلىكلىرىنىڭ سۈپىتىنى يۇقىرى كۆتۈرىمىز. مەركىزى باشلانغۇچ مەكتىۋىمىز بويىچە ماتىماتىكا پىنىنىڭ ئوقۇتۇش نىشانىنى %75، ئەدەبىيات پىنىنىڭ ئوقۇتۇش نىشانىنى %80، خەنزۇتىلى پىنىنىڭ ئوقۇتۇش نىشانىنى %60 بەلگىلەپ، ئوقۇتۇش نىشانىغا يىتىش ۋە ئاشۇرۇشقا كاپالەتلىك قىلىمىز.
8) يىل بىشىدا مەركىزى باشلانغۇچ مەكتەپ تەۋەسىدىكى بارلىق مەكتەپ ۋە ئوقۇتقۇچىلارنى قاتناشتۇرۇپ، خىزمەت خۇلاسە يىغىنى چاقىرىپ، ئالدىنقى يىللىق خىزمەتلەرنى ئەتىراپلىق خۇلاسىلاپ، ئىلغارلارنى مۇكاپاتلاش ئارقىلىق بۇ يىللىق خىزمەتلەرگە سەپەرۋەر قىلىش  خىزمىتىنى ياخشى ئىشلەيمىز.
9) مەكتەپ رەھبەرلىرى ئوقۇتۇشقا چوڭقۇر چۆكۈپ، مەكتەپ مۇدىرى  ھەپتىگە 4سائەت دەرىس ئۆتۈش، يىلدا 80 سائەت دەرىس ئاڭلاش، ئىلمىي مۇدىر ھەپتىگە 6 سائەت  دەرىس ئۆتۈش، يىلدا  120 سائەت  دەرىس ئاڭلاش  ۋەزىپىسىنى  تولۇق  ئورۇنداپ، ئىلغار  تىپلارنى بايقاش، ئارقىدا  قالغانلارنى  يىتەكلەش  خىزمىتىنى  كۇچايتىمىز.
10)  ھەر  ماۋسۇمنىڭ ئاخىرلىشىغا يىقىن  بىر قىتىم  ساۋات  چىقىرىش  خىزمىتىنى تەكشۈرۈپ، ساۋاتسىز ۋە چالا ساۋاتلىقلارنىڭ تەكتىنى ئىگەللەپ، ساۋاتىسىز ۋە چالا ساۋات ئوقۇغۇچىلار بايقالغان مەكتەپلەرنىڭ مەكتەپ مۇدىرلىرىدىن، سىنىپ مۇدىرىدىن قاتتىق مەسئۇلىيەت سۈرۈشتە قىلىمىز. ساۋات چىقىرىش خىزمىتىنى يىللىق ۋە ماۋسۇملۇق ئوقۇتۇش خۇلاسىلىرىغا، ئۈنۈم ئىش ھەققىگە چىتىلدۈرۈپ، ئوقۇغۇچلارنى ساۋاتىسىز قويۇشنىڭ ئوقۇتقۇچىلارغا كۆپ تەرەپتىن زىيان كەلتۈرۈپ چىقىرىدىغانلىقىنى تونۇتۇپ، يىل ئاخىرىغىچە مەكتەپتە ساۋاتسىز ئوقۇغۇچى قالماسلىقنى ئىشقا ئاشۇرىمىز.
11) تەشۋىقاتنى كۇچايتىپ، سەپەرۋەرلىككە كەلتۈرۈپ، ئوقۇتقۇچىلارنىڭ كەسپى ژورنىلى  مائارىپ ژورنىلىغا كۆپ ساندىكى ئوقۇتقۇچىلارنىڭ مۇشتىرى بولۇشىنى ئىشقا ئاشۇرىمىز. %90دىن ئارتۇق ئوقۇتقۇچىنى مۇشتېرى قىلىپ ئۆزلۈگىدىن ئۈگىنىشكە تەشكىللەپ، كەسىپكە ھۆرمەت قىلىدىغان، كەسىپنى سۆيىدىغان ئىرادىسنى تاۋلاش ئارقىلىق ئوقۇتۇش ئۈستىدە ئىزدىنىشنى قولغا كەلتۈرىمىز.
12) دەرىس تەييارلاش، دەرىس تەستىقلاش، دەرىس ئۆتۈش، تاپشۇرۇق بىرىپ تەكشۈرۈش قاتارلق ئوقۇتۇشنىڭ دائىملىق قائىدىلىرىنى جانلىق ئىجىرا قىلىپ، تەستىقسىز دەرىس ئۆتۈش، دەرىسنى خاتا تەييارلاشنىڭ ئالدىنى ئالىمىز. كەسپى ئەن-خاتىرلەر ۋە دەرس تەييارلىقىغا بولغان تەلەپنى كۇچايىتپ، ئىملاسىنىڭ سۈپەتلىك، مەزمۇنىنىڭ توغىرا بولۇشىنى ئىشقا ئاشۇرىمىز.
13) ئوقۇتقۇچىلارنىڭ مەشقۇلىيتىنى باشقۇرۇشنى كۇچايتىپ، «ئوقۇتقۇچىلارنىڭ مەشقۇلىيتىنى قىلىپلاشتۇرۇپ باشقۇرۇش چارىسى» نى قاتتىق ئىجىرا قىلىپ، ئوقۇتۇشنىڭ سىستىمىلىق ئىلىپ بىرىلىشىغا كاپالەتلىك قىلىمىز.
14) كۆپ ۋاستىلىك ئوقۇتۇش ئۆيى ۋە يىراق مۇساپىلىق ئوقۇتۇش ئۈسكۈنلىرىنى باشقۇرۇشنى كۇچايتىپ، مەخسۇس خادىملارنىڭ دەرس سائىتىنى يەڭگىللىتىپ ئۇلارنىڭ رولىنى ياخشى جارى قىلدۇرۇپ، چۈشكەن ئۇچۇرلارنى رەتلەش ۋە دەرسخانىغا ئىلىپ كىرىشكە كاپالەتلىك قىلىپ، ئوقۇتۇش ئۇسۇلىنى ئەلالاشتۇرۇشقا كاپالەتلىك قىلىمىز.
15) ئوقۇغۇچىلارنىڭ دەرستىن سىرىتقى پائالىيتىىنى جانلاندۇرۇپ، ئۇلارنىڭ دەرستىن سىرىتقى مەنىۋى تۇرمۇشىنى بىيىتىمىز. ئوقۇغۇچىلارنى خەنزۇتىلى، ماتىماتىكا، ئەدەبى-سەنئەت، تەنتەربىيە، گۈزەل- سەنئەت، قاتارلىق ئىككىنچى دەرىسخانا پائالىتىگە تەشكىللەپ، ئۇلارنى ئارتۇقچىلىقىنى جارى قىلدۇرۇشقا يىتەكلەپ،  ئوقۇغۇچىلارنىڭ ھەر جەھەتتىن ئەتىراپلىق تەرەققى قىلىشىنى ئىلگىرى سۈرىمىز.
16) ئوقۇش باشلاشتىن بۇرۇن ئوقۇتۇش ئەسلىھەلىرىنى بىر تۇتاش ئىلىپ چىقىپ، مەكتەپلەرگە تارقىتىپ بىرىمىز.
17) ئوقۇتقۇچىلارنىڭ ئوقۇتۇشنىڭ دائىملىق قائىدىلىرىنى ئىزچىللاشتۇرۇش ئەھۋالىغا قارىتا نازارەتچىلىك قىلىش ۋە تەكشۈرۈشنى كۇچايتىپ، ئوقۇتۇشنىڭ قانۇنىيتىگە خىلاپ قىلمىشلارنى ۋاقىتىدا قىزىپ چىقىپ، بىخ ھالىتىدە بىر تەرەپ قىلىپ، ئوقۇتۇشنى قانۇنىيەت بويىچە ئىلىپ بىرىشقا كاپالەتلىك قىلىمىز.
5- قوشتىل ئوقۇتۇشنى زور كۈچ بىلەن ئىلگىرى سۈرىمىز.
قوشتىل مائارىپىنى تەرەققى قىلدۇرۇش- نۆۋەتتىكى ئاساسىي تىما. ھەر بىر ئاز سانلىق مىللەت ياش-ئۆسمۈرلىرىنىڭ جانىجان مەنپەئەتىگە مۇناسىۋەتلىك چوڭ ئىش.
1) مەركىزى باشلانغۇچ مەكتىۋىمىز قوشتىل ئوقۇتۇشىغا يۈكسەك دەرىجىدە ئەھمىيەت بىرىپ، قوشتىل ئوقۇتۇش خىزمىتىنى ئىلگىرى سۈرۈشنى ئالاھىدە موھىم ئورۇنغا قويىمىز.
2) مەخسۇس ۋەزىپىدىكى قوشتىل ئوقۇتۇش خىزمىتىگە مەسئۇل مۇئاۋىن مەكتەپ مۇدىرىنىڭ رولىنى تولۇق جارى قىلدۇرۇپ، قوشتىل ئوقۇتۇش خىزمىتىگە بولغان رەھبەرلىكنى كۇچايتىپ، يىللىق ۋە ئۇزۇن مۇددەتلىك يىرىك پىلانىنى تۈزۈپ، ئىجىرا قىلىشنى كۇچايتىمىز.
3) قوشتىل بالىلار باغچىلىرىنىڭ رولىدىن تولۇق پايدىلىنىپ، تەۋەلىكىدە قوشتىل بالىلار باغچىلىرى قۇرۇلغان مەكتەپلەردە چوقۇم قوشتىل سىنىپى ئىچىشنى ئىشقا ئاشۇرىمىز.
4) ئوقۇتقۇچىلارغا خىزمەت تەقسىم قىلىشتىن بۇرۇن قوشتىل سىنىپلىرىغا ئوقۇتقۇچى بىكىتىش خىزمىتىنى ئاۋۋال ئويلۇشۇپ، قوشتىل كەسپى ئوقۇتقۇچىلىرىنى ۋە قوشتىل سەۋىيەسى بىر قەدەر يۇقىرى ئوقۇتقۇچىلارنى سىنىپ مۇدىرلىقى ۋە دەرس ئوقۇتقۇچىلىغا بەلگىلەپ، قوشتىل ئوقۇتۇش سۈپىتىنىڭ يۇقىرى كۆتۈرلىشىگە ئاساس يارىتىمىز.
5) قوشتىل ئوقۇتقۇچىلىرىنىڭ ئوقۇتۇش كۆرسەتكۈچىنى ئايرىم بەلگىلەش، ئوقۇتۇش نەتىجىسىنى ئايرىم خۇلاسە قىلىش ئارقىلىق قوشتىل ئوقۇتقۇچىلىرىنى ئۆز-ئارا رىقابەتلەشتۈرۈپ، خىزمەت ئاكىتىپچانلىقىنى يۇقىرى كۆتۈرىمىز.
6) قوشتىل ئوقۇتقۇچىلىرىنى كەمتەرلىك بىلەن ئۈگۈنۈشكە يىتەكلەپ، ئۇلارنىڭ كەسپى ساپاسىنى يۇقىرى كۆتۈرۈشكە يىتەكلەيمىز، ئۇنىڭدىن باشقا قوشتىل باشلانغۇچ مەكتەپنىڭ ئوقۇتۇش ئۇسۇلىنى ئۆرنەك قىلىپ، قوشتىل ئوقۇتقۇچىلىرىنى تەجرىبە ئالماشتۇرۇشقا تەشكىللەپ، قوشتىل ئوقۇتقۇچىلىرىنىڭ ئوقۇتۇش مىتودىنى ياخشىلاشقا تىرىشىمىز.
7) قوشتىلدا نوتۇق سۆزلەش، دىكلىماتىسىيە قىلىش، زىھىن سىناش مۇسابىقىسى ۋە ناخشا ئىيتىش مۇسابىقىسى قاتارلىق پائالىيەتلەرنى قانات يايدۇرۇش ئارقىلىق ئوقۇتقۇچى- ئوقۇغۇچىلارنىڭ خەنزۇتىلى سۆزلەش ۋە ئاڭلاش ئىقتىدارىنى يۇقىرى كۆتۈرىمىز.
6- ئوقۇغۇچىلار خىزمىتىنى ياخشى ئىشلەيمىز.
1) ھەر قايسى مەكتەپلەرنى ۋە ئوقۇتقۇچى ئىشىچى-خىزمەتچىلەرنى سەپەرۋەرلىككە كەلتۈرۈپ، تەۋەلىكتىكى كەنت ۋە مەھەللىلەرگە تەقسىم قىلىپ، ئائىلىلەرنىڭ تەكتىنى ئىگەللەپ، ئوقۇش يىشىدىكى بالىلارنى ئىنىقلاپ، ئوقۇش باشلاشتىن بۇرۇن يىڭى ئوقۇغۇچلارنى قوبۇل قىلىش، تۇراقلاشتۇرۇش خىزمەتلىرىنى ياخشى ئىشلەيمىز. بىرمۇ بالىنىڭ مەكتەپ سىرتىدا قالماسلىققا كاپالەتلىك قىلىمىز.
2) مەخسۇس ئادەم بەلگۈلەپ، ئوقۇغۇچىلارنىڭ ئوقۇش تەۋەلىك ئارخىۋى، ئوقۇغۇچلار ئارخىۋىنى ياخشى تۇرغۇزۇپ، ئوقۇش تەۋەلىكى ۋە مەكتەپ ئالماشقان ئوقۇغۇچىلارنى باشقۇرۇشنى كۇچايىتپ، ئوقۇغۇچلارنىڭ مۇستەھكەملىنىشىنى چىڭ تۇتىمىز.
3) «تىزىپ كىتىشنى كونتىرۇل قىلىپ، داۋامغا كاپالەتلىك قىلىش» خىزمىتىنى داۋاملىق تۈردە چىڭ تۇتۇپ، ئوقۇغۇچىلارنىڭ مەكتەپتىن تىزىپ كىتىشنىڭ ئالدىنى ئىلىپ، ئوقۇغۇچىلار داۋامىنىڭ %99دىن يۇقۇرى بولۇشىغا كاپالەتلىك قىلىمىز.
4) ئاتا-ئانىسى ئىشلەمچىلىككە چىقىپ كىتىش ۋە باشقا سەۋەبلەر تۈپەيلىدىن مەكتەپتىن تىزىپ كەتكەن ئوقۇغۇچلارغا قارىتا مەخسۇس ئادەم بەلگىلەپ، قانۇن ئورۇنلىرى بىلەن ھەمكارلىشىپ، ئىز قوغلاپ تەكشۈرۈپ، مەكتەپ قوينىغا قايتۇرۇپ كىلىشكە كاپالەتلىك قىلىمىز.
5) مەكتەپلەر ھەر ئايلىق داۋامنى كىيىنكى ئاينىڭ 1-كۈنى مەركىزى باشلانغۇچ مەكتەپكە يوللاشنى، مەركىزى باشلانغۇچ مەكتەپ 3-كۈنى مائارىپ ئىدارىسىگە يوللاشنى تۈزۈملەشتۈرۈپ، ئوقۇغۇچىلار داۋامىنى چىڭ تۇتىمىز.
6) ئوقۇغۇچىلارنىڭ تەۋەلىك كارتىسى، سالامەتلىك تەكشۈرۈش كارتىسى، ئۆسۈپ يىتىلىش ئارخىۋى قاتارلىقلارنى ئۆز ۋاقتىدا ئىشلەپ، ئارخىپلاشتۇرۇپ ساقلاش خىزمىتىنى ياخشى ئىشلەيمىز.
7) 6-يىللىقنى پۈتتۈرگەن ئوقۇغۇچىلارنى تولۇقسىز ئوتتۇرا مەكتەپكە تولۇق ئۆتكۈزۈپ بىرىپ، باشلانغۇچ مەكتەپ ئوقۇغۇچىلىرىنىڭ يۇقۇرلاپ ئوقۇش نىسبىتىنى يۇقىرى كۆتۈرىمىز.
7- ئەخلاقى تەربىيە خىزمىتىنى كۇچايتىپ، ئوقۇتقۇچى-ئوقۇغۇچىلاردا ياخشى ئەخلاقى پەزىلەت يىتىلدۈرىمىز.
1) مەكتەپنى قانۇن بويىچە باشقۇرۇشنى كۇچايىتىپ، پارتىيە ياچىكىسى يادرۇلىغىدىكى مەكتەپ مۇدىرى مەسئۇل بولۇش تۈزۈمىنى ياخشى ئىجىرا قىلىپ، ئەخلاقى تەربىيە تايانچىلىرىنىڭ رولىنى ياخشى جارى قىلدۇرۇپ، مەكتەپنىڭ تەرەققىيات پىلانى ۋە ئەخلاقى تەربىيە خىزمەت پىلانىنى سىستىمىلىق تۈزۈپ، ئەخلاقى تەربىيە خىزمەت ئۈنۈمىنى يۇقىرى كۆتۈرىمىز.
2) ئوقۇتقۇچىلارنىڭ كەسپى ئەخلاقىغا قارىتا قاتتىق تەلەپ قويۇپ، ئوقۇتقۇچىلار كەسپى ئەخلاقى، ئوقۇتقۇچىلار سۆز-ھەرىكەت ئۆلچىمى ۋە قىياپەت ئۆلچىمى بويىچە باھالاشنى كۇچايىتپ، ئوقۇتقۇچىلار ئىچىدە ئوقۇغۇچىلارغا تەن جازاسى بىرىدىغان، مەدەنىيەتسىز سۆزلەر بىلەن ھاقارەتلەيدىغان، شەخسى ئىشىغا سالىدىغان، ئاتا-ئانىلاردىن نەپ تەلەپ قىلىدىغان، خىزمەت ۋاقتىدا ھاراق ئىچىدىغان، تاماكا چىكىدىغان، ئۆزئارا ئىتتىپاقسىزلىق تۇغدۇردىغان قىلمىشلارنى قەتئى تىزگىنلەيمىز.
3) ئىدىيە-ئەخلاق دەرىسىنىڭ تەربىيىۋى رولىنى ياخشى جارى قىلدۇرۇش، مەزمۇنى مول، شەكىلى ھەرخىل، ئىدىيۋى تەربىيە ئەھمىيتى كۈچلۈك بولغان تۈرلۈك پائالىيەتلەرنى ئىلىپ بىرىپ، ئىلغار تىپ، ئىغار شەخىسلەرنىڭ ئىش ئىزلىرىنى كەڭ تەشۋىق قىلىش، ئوقۇغۇچىلارغا بولغان ئادەتلەندۈرۈش تەربىيسىنى ياخشى ئىلىپ بىرىش ئارقىلىق ئۇلاردا ياخشى ئەخلاقى پەزىلەت يىتىلدۈرىمىز.
4) ئوقۇتقۇچىلارنىڭ يۈرۈش-تۇرۇش، سۆز-ھەركىتىگە قاتتىق تەلەپ قويۇپ، ئوقۇتقۇچىلارغا (مەدەنىيەت تارقاتقۇچىلارغا) خاس كىيىنىش، شەخسى تازىلىققا ئەھمىيەت بىرىش، ئايال ئوقۇتقۇچىلار زىبۇ-زىننەت تاقاپ دەرىسخانىغا كىرمەسلىكىنى ئىشقا ئاشۇرىمىز. بۇ ئارقىلىق ئوقۇغۇچىلاردا شەخسى تازىلىققا ئەھمىيەت بىرىدىغان، رەتلىك، پاكىزە، ئاددى-ساددا، دۇرۇس كىيىنىدىغان، غەيرى، دىنىي تۈس  ئالغان كىيىم-كىچەكلەرنى كەيمەيدىغان ئادەتنى يىتىلدۈرۈپ، ئوقۇغۇچىلارغا ئۆلگە بولۇشنى ئىشقا ئاشۇرىمىز.
5) ئوقۇغۇچىلارغا كۆللىكتىپقا كۆڭۈل بۆلۈش، ئومۇمنىڭ مال-مۈلۈكىنى ئاسىراش، موھىيتنى قوغداش، ئورمانلارنى ۋە گۈل-گىياھلارنى ئاسىراش، راستچىل سەمىمى بولۇش، ۋاقىتقا رىئايە قىلىش، باشقىلارغا ياردەم بىرىشنى شەرەپلىك دەپ بىلىش تەربىيسىنى داۋاملىق كۇچايتىمىز.
6) تۈرلۈك تەشۋىقات ئەسلىھەلىرى ۋە تەشۋىقات ئۇسۇللىرىدىن پايدىلىنىپ، ئىنقىلاۋى ناخشىلارنى ئوقۇش، ئىنىقىلاۋى كىنۇ-فىلىملەرنى كۆرۈشكە تەشكىللەش قاتارلىق پائالىيەتلىرىنى زور كۈچ بىلەن قانات يايدۇرۇپ، ساغلام، جانلىق بولغان مەكتەپ مەدەنىيتى كەيپىياتىنى يارىتىپ، ئوقۇغۇچىلارنىڭ ۋەتەننى قىزغىن سۆيدىغان، كۆتۈرەڭگۈ-روھلۇق، تىتىك يۇقىرى ئۆرلەيدىغان روھى ھالىتىنى نامايەن قىلىشقا تىرىشىمىز.
7) دۆلەت بايرىقى چىقىرىش تۈزۈمىنى قاتتىق ئىجىرا قىلىپ، دۆلەت بايرىقى چىقىرىش مۇراسىمىنىڭ ھەر بىر ھالقىلىرنى چىڭ تۇتۇپ، ھەيۋەتلىك، داغدۇغۇلۇق ئىلىپ بىرىپ، ئوقۇتقۇچى- ئوقۇغۇچىلارغا ۋەتەنپەرۋەرلىك تەربىيسىنى كۇچايتىپ، ئۇلارنىڭ دۆلەتكە، جوڭخۇا مىللىتىگە بولغان تونۇشىنى يۇقىرى كۆتۈرىمىز.  موھىم بايرام كۈنلىرى، خاتىرلەش كۈنلىرىدە داغدۇغۇلۇق دۆلەت بايرىقى چىقىرىش مۇراسىمى ئۆتكۈزۈشتە چىڭ تۇرۇش ئاساسىدا ھەر كۈنى دۆلەت بايرىقى چىقىرىش، دۆلەت شىئىرى ئوقۇشنى قىلىپلاشتۇرۇپ، ھەر بىر ياش-ئۆسمۈرنى دۆلەت شىئىرىنى ئوقۇيالايدىغان، دۆلەت بايرىقى، دۆلەت شىئىرى، دۆلەت گىرىبىنىڭ ۋەتەننىڭ سىمۇۋۇلى ئىكەنلىكىدەك مەنىسىنى توغىرا چۈشۈنەلەيدىغان ئىمكانىيەتكە ئىگە قىلىمىز.
8) ساغلام يۇقىرى ئۆرلەيدىغان مەدەنىيەت كەيپىياتىنى يارىتىش، ھەر بىر تام بوشلۇقلارنى ئادەم تەربىيلەيدىغان چىنلىققا ئىگە قىلىش ئۈچۈن ئىشخانا بىناسىنىڭ كارىدۇرلىرىغا، سىنىپ بىناسىنىڭ ئالدى تىمىغا داڭلىق شەخىسلەر، ئۇلۇغ زاتلارنىڭ سۈرىتىنى يوپۇشتۇرۇپ، دەرسخانا ئىچىگە دۆلەت بايرىقى، ئۇلۇغ زاتلارنىڭ سۈرىتى چاپلاپ، مەكتەپ ئىچى ۋە دەرسخانا ئىچىگە ھەر تۈرلۈك تەشۋىقات شۇئارلىرىنى يوپۇشتۇرۇپ، ھەر ۋاقىت ئادەم تەربىيلەش، ھەر بىر ئىش ئارقىلىق ئادەم تەربىيلەش، ھەممە جايدا ئادەم تەربىيلەشتىن ئىبارەت ئەخلاقى تەربىيە ئىدىيسىنى نامايەن قىلىمىز.
8- بىخەتەرلىك خىزمىتىنى ياخشى ئىشلەپ، ئوقۇتقۇچى-ئوقۇغۇچىلارنىڭ ھاياتى بىخەتەرلىكىنى قوغداشقا كاپالەتلىك قىلىمىز.
1) بىخەتەرلىك خىزمىتى، يىمەكلىك بىخەتەرلىكى، جىددى ئىشلارغا تاقابىل تۇرۇش خىزمىتىگە بولغان رەھبەرلىكنى ھەقىقى كۇچايىتىپ، قاتلاممۇ-قاتلام مەسئۇلىيەتنامە ئىمزالاپ، خىزمەت تەقسىماتى ۋە مەسئۇلىيەتنى كىشى-بىشىغىچە ئەمىللەشتۈرۈپ، ئالدىنى ئىلش تەدبىرلىرىنى ئەتىراپلىق تۈزۈپ ۋە ئىجىرا قىلىپ، بىخەتەرلىك ۋە يىمەكلىك بىخەتەرلىكى جەھەتتە قەتئى مەسىلە كۆرۈلمەسلىككە كاپالەتلىك قىلىمىز.
2) مەخسۇس تىمىدا دوكىلات بىرىش، ماس پەنلەر ۋە تۈرلۈك يىغىن، خۇلاسىلارغا بىرلەشتۈرۈپ ئوقۇغۇچىلارغا قانۇن تۈزۈم، مۇقىملىق ۋە بىخەتەرلىك تەربىيسى ئىلىپ بىرىپ، ئۇلارنىڭ قانۇن تۈزۈم ۋە بىخەتەرلىك ئىڭىنى يۇقىرى كۆتۈرۈپ، كۈتۈلمىگەن ھادىسە يۈز بىرىشنىڭ ئالدىنى ئالىمىز.
3) ئوقوغۇچىلارغا ئىلىپ بىرىلىدىغان تۈرلۈك تەربىيىلەرگە بىرلەشتۈرۈپ خەتەرلىك ھادىسە كەلتۈرۈپ چىقىرىدىغان قىلمىشلار بىلەن شۇغۇللانماسلىق توغىرسىدا ئىددىيىۋى تەربىيىنى كۈچايىتىمىز.
4) ئوقۇش باشلاشتىن بۇرۇن مەكتەپنىڭ توك ئەسلىھەلىرىنى ئومۇمىيۈزلۈك تەكشۈرۈپ رەتلەش ھەمدە ئوت، سۇ، قۇرۇلۇش ھادىسىسى كەلتۈرۈپ چىقىرىش مومكىنچىلىكى بولغان ئورۇنلارنى تۈزۈتۈپ ۋە مۇداپىئە خىزمەتلىرىنى ياخشى ئىشلەپ، ئۆلۈك بۇلۇڭ قالدۇرماسلىققا كاپالەتلىك قىلىمىز. ئوت ئۆچۈرۈش ئەسلىھەلىرىنىڭ مۇكەممەل ئىشقا كىرىشىش ھالىتىدە بولۇشقا، ئوت ئۆچۈرۈش يوللىرىنىڭ توسالغۇسىز، راۋانلىقىغا كاپالەتلىك قىلىمىز.
5) مەكتەپ ئاشخانىلىرىنىڭ ۋە ئاشخانا ئەسلىھەلىرىنىڭ موھىت تازىلىقى، ئاشخانا خادىملىرىنىڭ ۋە ئوزۇقلۇق تارقىتىش خىزمتىگە مەسئۇل خادىملارنىڭ شەخسى تازىلىقىنى، سىتىۋىلىنغان پىششىق ۋە خام ماتىرىياللارنىڭ تازىلىق بىخەتەرلىكىنى قاتتىق چىڭ تۇتۇپ، ئوقۇغۇچلارنى ھەقسىز تاماق بىلەن تەمىنلەش جەريانىدا يىمەكلىكتىن زەھەرلىنىش ئەھۋالى كىلىپ چىقىشنىڭ ئالدىنى ئالىمىز.
6) مۇناسىۋەتلىك ئورۇنلار بىلەن ئالاقىلىشىپ، مەكتەپ ئەتىراپىدىكى تىجارەت كىنىشكىسى يوق ئۇششاق- چۈششەك يىمەكلىكلەرنى سىتىش دۇكانلىرىنى تىجارەتتىن توختۇتۇپ، ئوقۇغۇچىلارنىڭ ۋاقتى ئۆتۈپ كەتكەن، سۈپىتى ئۆزگەرگەن، تازىلىقى ناچار يىمەكلىكلەرنى ئىستىمال قىلىش سەۋەبلىك يىمەكلىكتىن زەھەرلىنىپ قىلىش، يۇقۇملۇق كىسەللىكلەرنىڭ تارقىلىشى قاتارلىق يىمەكلىك تازىلىقى بىخەتەرلىك ۋەقەلىرىنىڭ سادىر بولۇپ قىلىشىنىڭ ئالدىنى ئالىمىز.
7) ئوقۇغۇچىلارغا يازدا سۇغا چۈشمەسلىك، قىشتا مۇز تىيلىپ ئوينىماسلىق توغىرسىدا ئىدىيۋى تەربىيە ئىلىپ بىرىش بىلەن بىرگە ھەر قايسى مەكتەپ تەۋەلىكىدىكى ئۆستەڭلەرگە ئوقۇتقۇچىلارنى مەسئۇل قىلىپ، ئوقۇغۇچىلارنىڭ سۇغا چۈشۈشىنى توسۇپ، كۈتۈلمىگەن ۋەقەلەرنىڭ يۈز بىرىشنىڭ ئالدىنى ئالىمىز.
8) ئوقۇتقۇچى ئىشىچى-خىزمەتچىلەر پىراۋىسىز، رەسمىيەتسىز ماتۇرلۇق قاتناش ۋاستىلىرىنى ھەيدەش، ھاراق ئىچىپ ماتۇرلۇق قاتناش ۋاستىلىرىنى ھەيدەش سەۋەبلىك كۈتۈلمىگەن ۋەقەلەرگە ئۇچىراپ، خىزمەتكە قاتنىشالماسلىك ئەھۋاللىرى يۈز بەرسە، سەۋەبسىز خىزمەتكە قاتناشمىغانلار قاتارىدا بىر تەرەپ قىلىش تۈزۈمىنى يۇلغا قويۇپ، ئۆزىنىڭ ھاياتىنى قوغداش، سالامەتلىكىنى ئاسىراش توغىرسىدا ئىدىيۋى تەربىيە ئىلىپ بىرىپ، ئوقۇتقۇچىلارنىڭ قاتناش بىخەتەرلىكىگە دىققەت قىلىش ئاڭلىقلىقىنى يۇقىرى كۆتۈرۈپ، كۈتۈلمىگەن ھادىسە يۈز بىرىشنىڭ ئالدىنى ئالىمىز.
9) ئوقۇغۇچىلارنىڭ موتۇسىكىلىت، توكلۇق ھارۋا ۋە ۋەلىسپىتلەرگە مىنىپ مەكتەپكە كىلىپ- كىتىشىنى توسۇپ ۋە ئدىيۋى تەربىيە ئىلىپ بىرىپ، شۇ سەۋەبلىك قاتناش ھادىسىسى كىلىپ چىقىشنىڭ ئالدىنى ئالىمىز.
10) قىش پەسلىدە سىنىپلارغا قويۇلغان مەشلەرگە بىخەتەرلىك جازىسى ئورنىتىش خىزمىتىنى ياخشى ئىشلەپ، ئىسىنىش بىخەتەرلىكىگە كاپالەتلىك قىلىمىز.
11) ئوقۇغۇچىلار تەنتەربىيە دەرىسىگە قاتنىشىش، تۈرلۈك پائالىيەتلەرگە قاتنىشىش، تازىلىق ئىشلەش جەريانىدا يارلىنىش ئەھۋالى كىلىپ چىقسا كىم مەسئۇل بولسا شۇ بارلىق مەسئۇلىيەتنى ئۈستىگە ئىلىش تۈزۈمىنى ئورنۇتۇپ، ئوقۇتقۇچىلارنىڭ مەسئۇلىيتىنى كۇچايتىپ، ئوقۇغۇچىلارنىڭ مەكتەپ ئىچىدە يارلىنىشنىڭ ئالدىنى ئالىمىز.
9- «ئىككىدە كۆچۈرۈم، بىر تولۇقلىما» سىياسىتىنى ياخشى ئەمىلىلەشتۈرۈپ، ئوقۇغۇچىلارنى ھەقسىز كىتاب ۋە ھەقسىز تاماق بىلەن تەمىنلەش خىزمىتىنى ياخشى ئىشلەيمىز.
1) يۇقۇردىن ھەر بىر ئوقۇغۇچى ئۈچۈن بىرىلگەن پارچە راسخۇت پۇلىنى مائارىپ ئىدارىسى ھىسابات مەركىزىگە كىرىم قىلىپ، دوكىلات يىزىپ تەستىقلىتىش ئارقىلىق مەكتەپ شارائىيتىنى ياخشىلاش، ئوقۇتۇش ئۈسكۈنىلىرىنى ئەلالاشتۇرۇشقا چىقىم قىلىپ، ئوقۇتۇش شارائىيتىنى ياخشىلاپ، راسخۇت ياردەم پۇلىدىن ئوقۇغۇچىلارنىڭ تولۇق پايدىلىنىشىنى ئىشقا ئاشۇرىمىز.
2) ئوقۇش باشلىنىشتىن بۇرۇن مەكتەپلەرنى سەپەرۋەر قىلىپ، دەرسلىك كىتابنى ئىلىپ چىقىپ، ئوقۇغۇچىلارنىڭ قولىغا تەككۈزۈپ بولۇشقا كاپالەتلىك قىلىمىز.
3) ھەر قايسى سىنىپلاردا ھەقسىز كىتابنى ئوقۇغۇچلارغا تارقىتىش جەدىۋىلى تۈزۈپ، ئوقۇغۇچلارنى ئىمزا قىلدۇرۇپ، ئاشكارلاش خىزمىتىنى ياخشى ئىشلەيمىز.
4) ئوقۇغۇچىلارغا پارتىيە ۋە دۆلەتنىڭ غەمخورلىقىنى ئەمەلىي مىساللار ئارقىلىق چۈشەندۈرۈپ، پۇرسەتنى قەدىرلەپ تىرىشىپ ياخشى ئۈگۈنۈش، ھەقسىز تارقىتىپ بىرىلگەن كىتابلارنى ياخشى ئاسىراش توغىرسىدا ئىدىيۋى تەربىيە ئىلىپ بارىمىز.
5) مائارىپ ئىدارىسىگە دوكىلات يىزىپ تەستىقلىتىش ئارقىلىق ھەر قايسى مەكتەپلەرگە ئۆلچەملىك ئاشخانا سىلىپ، كەسپى ئاشپەزلەرنى تەكىلىپ قىلىپ ئىشلىتىپ، 1-ماۋسۇم ئىچىدە ئوقۇغۇچلارنى تاماق ۋە چاي بىلەن تەمىنلەشكە كاپالەتلىك قىلىمىز.
6) ئوقۇغۇچلارغا تاماق تارقىتىشقا مەسئۇل ئادەم بىكىتىپ، تاماق يوقلىمىسىنى ياخشى تۇتۇپ، تەكشۈرۈش، نازارەتچىلىك قىلىشنى كۇچايىتپ، يۇقۇردىن بىرىلگەن تاماق ياردەم پۇلىدىن بارلىق ئوقۇغۇچىلارنىڭ تولۇق تولۇق بەھىرمان بولۇشىنى ئىشقا ئاشۇرىمىز.
10- مەكتەپ شارائىيتىنى ياخشىلاش خىزمەتلىرىنى ياخشى ئىشلەيمىز.
1) xxx باشلانغۇچ مەكتەپنىڭ سىنىپلىرىنى رىمۇنىت قىلىش، دىرىزىلىرىنى ئالماشتۇرۇش، ئىشىكلەرنى ۋە جوزا-ئورۇندۇقلارنى سىرلاش، سىنىپلارنىڭ تىگىگە قىزىل قىش بىسىش، پار ئورنۇتۇش خىزمىتىنى 9-ئاي ئىچىدە ئاخىرلاشتۇرۇپ بولىمىز.
2- xxx باشلانغۇچ مەكتەپنىڭ xx-كەنت ئوقۇتۇش نوختىسىغا 30كۇۋادىرات مىتىرلىق خالا ياساپ پۈتتۇرىمىز.
3- xxxxxx قاتارلىق مەكتەپلەردىكى 560تو جوزا-ئورۇندۇقنى سىرلاپ، سۈپەتلەش خىزمىتىنى ئىشلەپ ئاخىرلاشتۇرىمىز.
4) xxx باشلانغۇچ مەكتەپنىڭ دىجۇرنىلىك ئۆيىنى يىڭىلاپ سىلىپ چىقىمىز.
5) xxx باشلانغۇچ مەكتەپنىڭ xx-ئوقۇتۇش نوختىسىدىكى 85تو ئىشىك-دىرىزىنى سىرلاپ سۈپەتلەش خىزمىتىنى ئىشلەيمىز.
6) xxx باشلانغۇچ مەكتەپنىڭ ۋە xx-كەنت ئوقۇتۇش نوختىسىنىڭ خالاسىنى رىمۇنت قىلىمىز. xx-كەنت ئوقۇتۇش نوختىسىنىڭ 75مىتىر رىشاتكىلىق قورۇ تىمىنى يىڭىلايمىز.
7) xxx مەكتەپنىڭ ئۆگزىسىنى رىمۇنت قىلىپ، يامغۇر ئۆتۈپ كىتىشنىڭ ئالدىنى ئالىمىز. xx-كەنتى، xx-كەنتى ئوقۇتۇش نوختىلىرىنىڭ خالالىرىنى يىڭىلايمىز. xx-كەنتى ئوقۇتۇش نوختىسىنىڭ  قۇرۇ تىمىغا تۇلىياۋ بىرىپ سۈپەتلەپ ئاخىرلاشتۇرىمىز.
11-ئاممىۋى تەشكىلاتلار خىزمىتىنى ياخشى ئىشلەيمىز.
پارتيە خىزمىتى جەھەتتە: 1) مەكتەپ پارتىيە ياچىيكىسىنىڭ مەكتەپ خىزمەتلىرىدە سىياسى يادرۇلۇق ئورنىنى جارى قىلدۇرۇپ، مەكتەپ پارتىيە ياچىكىسى رەھبەرلىكىدىكى مەكتەپ مۇدىرى مەسئۇل بولۇش تۈزۈمىنى ئەمىللەشتۈرىمىز.
2) پارتىيە ئەزالىرىغا بولغان باشقۇرۇش تەربىيلەش خىزمىتىنى قىلىپلاشتۇرۇپ، 34ھەپتىدىكى ئوقۇتۇش كۈنىدە ھەر ھەپتىگە 4سائەتتىن جەمئى 136سائەت پارتىيە ئەزالىرى ئۈگۈنۈش پىلانىنى تۈزۈپ، پارتىينىڭ ئاساسى بىلىملىرى، پارتىيىۋىلىك كۆز قاراش ۋە پارتىينىڭ ئىلغارلىق تەربىيسىنى ئىلىپ بىرىشتا چىڭ تۇرۇپ، كومپارتىيە ئەزالىرىنىڭ ئاۋانگارىتلىق نەمۇنىلىك رولىنى جارى قىلدۇرىمىز.
3) «ئۆلچەمدە چىڭ تۇرۇش، سۈپەتكە كاپالەتلىك قىلىش. قۇرۇلمىنى ياخشىلاش، ئىھتىياتچانلىق بىلەن تەرەققى قىلدۇرۇش» فاڭجىنى بويىچە ئاكتىپ ھالدا يىڭى پارتىيە ئەزالىرىنى تەربىيلەپ يىتىشتۈرۈپ، مۇشۇ يىل ئىچىدە يىڭىدىن پارتىيگە كىرىشنى ئىلتىماس قىلغان ئاكتىپلاردىن ھەر بىر مەكتەپتىن 2دىن 3نەپەرگىچە تەربىيلەپ پارتىيگە ئۆتكۈزۈش ئارقىلىق پارتىينىڭ قوشۇن قۇرلىشىنى تىخىمۇ كۈچايتىمىز .
4) پارتىيە ئەزالىرىنىڭ ئىلىكتىرلىك تەربىيلەش پىلانىنى ياخشى تۈزۈپ، يىراق مۇساپىلىق مائارىپ تور ئەسلىھەلىرىدىن پايدىلىنىپ پارتىيە ئەزالىرى ۋە ئوقۇتقۇچىلارنى تەربىيلەش خىزمىتىنى ياخشى ئىشلەيمىز. يىل  ئىچىدە پارتىيە ئەزالىرى ۋە ئوقۇتقۇچىلارنى 12 قىتىم ئىلىكتىرلىك تەربىيلەش ئىلىپ بىرىپ، تەسىرات يىزىش پائالىيەتلىرىگە تەشكىللەپ، ئىلغارلاردىن ئۈگىنىدىغان، ئىلغارلىقنى مەڭگۈ ساقلايدىغان روھ بىلەن تەربىيلەشكە ئاساس سالىمىز.
5) پارتىيە ئەزالىرىنى دىموكراتىك باھالاش خىزمىتىنى مۇشۇ يىلدا ئىككى  قىتىم ئىلىپ بىرىپ، دىموكراتىك باھالاشتىن بۇرۇن مەكتەپ پارتىيە ياچىيكىسى چوقۇم مەخسۇس ئادەم بەلگىلەپ ئوقۇتقۇچى-ئىشچى خىزمەتچىلەردىن پىكىر ئىلىش ئۇسۇلى ئارقىلىق تەنقىد ۋە ئۆز-ئۆزىنى تەنقىدىنى قانات يايدۇرۇپ، ئۆزىنىڭ پارتىيە ئەزالىق بۇرچىنى ئادا قىلىش ئەھۋالنى باھالاپ چىقىمىز.
6) پارتىيە كۈن پائالىيتىنى دەل ۋاقتىدا، كۈن تەرتىپ بويىچە ئىلىپ برىپ، مەكتەپ خىزمىتىدىكى ساقلانغان مەسىللەرنى تىپىپ چىقىپ، ئاممىغا ئاشكارلاپ، تۈزۈش تەدبىرىنى تۈزۈپ چىقىپ، ساقلانغان مەسىللەرنى ۋاقتىدا ھەل قىلىشنى ئىشقا ئاشۇرىمىز.
7) پارتىيە ئەزالىرى ئارىسىدا ئىلغارلىقنى بەرپا قىلىش، مۇنەۋەرلىكنى قولغا كەلتۈرۈش بويىچە ئۈچنى ئۈگۈنۈش، ئۈچنى ئىلگىرى سۈرۈش پائالىيتىنى چوڭقۇر قانات يايدۇرۇپ، «بەشتە ياخشى» ئىلغار ئاساسىي قاتلام پارتىيە تەشكىلاتى بەرپا قىلىش، «بەشتە مۇنەۋەر» كومپارتىيە ئەزاسى بولۇشنى قولغا كەلتۈرۈشنى ئاساسىي مەزمۇن قىلغان ھالدا پارتىيە ياچېيكىسىنىڭ جەڭگىۋار قورغانلىق رولى ۋە كومپارتىيە ئەزالىرىنىڭ ئاۋانگارتلىق نەمۈنىلىك رولىنى جارى قىلدۇرىمىز.
8) «تۆتنى ئىگەللەش»، «تۆتنى بىلىش»، «ئالتىنى ھۆددىگە ئىلىش»، «ئوننى ئىنىق بىلىش» تۈزۈمىنى ئەمىلىلەشتۈرۈش ئارقىلىق، قاتلاممۇ-قاتلام مەسئۇلىيەتنى كۇچايىتپ، ئوقۇتقۇچى-ئوقۇغۇچىلار ۋە ئاممىنىڭ ئەھۋالىنى ۋاقىتىدا ئىگەللەپ، مائارىپ بازىسىنىڭ ساپلىقىنى قوغداشقا كاپالەتلىك قىلىمىز.
9) ئۈچ پىشقەدەملەر خىزمىتىنى كۆيۈنۈپ ئىشلەپ ئۇلارنىڭ دەمئىلىش تۇرمۇش ئەھۋالىنى تەكشۈرۈپ ئىگەللەپ، قىيىنچىلىققا ئۇچرىغانلارنى قىيىنچىلىقتىن قۇتۇلۇشىغا ياردەم بىرىپ، ئۇلارنىڭ دەمئىلىشقا چىققاندىن كىيىنكى ياتسىراش ئاممىغا قوشۇلۇپ كىتىشنىڭ ئالدىنى ئىلىپ،  ئۇلارنى پارتىيە ئەزالىرىنىڭ تەشكىلى تۇرمۇش يىغىنلىرىغا قاتناشتۇرۇپ، ئۈچ پىشقەدەملەرنىڭ ئىلغار تەجرىبىلەرنى كىڭەيتىشى ئۈچۈن ئاساس سالىمىز.
10) پارتىيە ئەزالىرىنى مەھەللىلەرگە چۈشۈپ تەشۋىق قىلىش ۋە مۇلازىمەت قىلىشقا تەشكىللەپ، پارتىيە ئەزالىرىنىڭ ئوقۇتقۇچى-ئوقۇغۇچىلار ۋە ئامما بىلەن ئالاقە باغلاش خىزمىتىنى ياخشى ئىشلەپ، پارتىيە بىلەن ئاممىنىڭ قان بىلەن گۆشتەك مۇناسىۋىتىنى ساقلاشقا كاپالەتلىك قىلىمىز.
ئىشچىلار ئۇيۇشما خىزمىتى جەھەتتە: 1) مەكتەپ پارتىيە ياچىكىسىنىڭ رەھبەرلىكىدە ئىشىچىلار ئۇيۇشمىسىنىڭ رولىنى جارى قىلدۇرىمىز. ئىشىچى-خىزمەتچىلەر چوڭ يىغىنى چاقىرىپ، مەكتەپنىڭ تۈرلۈك قائىدە-تۈزۈم ۋە پىلان-خۇلاسىلىرىنى ئوقۇتقۇچىلارنىڭ ماقۇللۇقىدىن ئۆتكۈزىمىز. ئىشىچى-خىزمەتچىلەردىن پىكىر ئىلىش ئارقىلىق خىزمەتلەردىكى نوقسانلارنى تىپىپ چىقىپ، تۈزۈتۈپ ئەمىلىلەشتۈرىمىز.
2) ئىشىچى-خىزمەتچىلەرنىڭ خوجايىنلىق رولىنى جارى قىلدۇرۇپ، ئۇلارنىڭ جىسمانى، ئىقتىسادى ھوقۇق مەنپەئەتىنى قوغدايمىز.
3) ئىشىچى-خىزمەتچىلەرنى ھەر خىل مۇسابىقىلەرگە ۋە تۈرلۈك پائالىيەتلەرگە تەشكىللەپ، ئۇلارنىڭ مەنىۋى تۇرمۇشىنى بىيىتىش ئارقىلىق خىزمەت قىزغىنلىقى ۋە خىزمەت ئۈنۈمدارلىقىنى يۇقىرى كۆتۈرىمىز.
4) ئوقۇتقۇچى ئىشىچى-خىزمەتچىلەرگە مۇلازىمەت قىلىش سۈپىتىنى ياخشىلاپ، مەكتەپ ئىشىچىلار ئۇيۇشمىسىنى ئىشىچى-خىزمەتچىلەرنىڭ ھەقىقى ئائىلىسى قىلىپ قۇرۇپ چىقىمىز.
ئىتتىپاق، پىئۇنىرلار خىزمىتى جەھەتتە: 1) ناھىيلىك ئىتتىپاق، پىئۇنىرلار خىزمەت كومتىتىنىڭ ئورۇنلاشتۇرۇشلىرىنى ئەستايىدىل ئىزچىللاشتۇرىمىز.
2) ئىتتىپاق، پئىونىرلار خىزمىتىنىڭ يىللىق ۋە ماۋسۇملۇق خىزمەت پىلانىنى تۈزۈپ، تۈزۈم-تەدبىرلەرنى ئىنىق بەلگىلەپ پىلاننىڭ تولۇق ئەمىلىلىشىنى ئىشقا ئاشۇرىمىز.
3) ئىتتىپاق ئەزالىرىنىڭ تۈرلۈك پائالىيەتلىرىنى جانلىق قانات يايدۇرۇپ، ئىتتىپاق ئەزالىرىنى تەربىيلەشنى كۇچايتىپ، ئۇلارنىڭ ساپاسىنى يۇقىرى كۆتۈرۈش بىلەن بىرگە ئىلغارلىرىنى تاللاپ پارتىيگە تەرەققى قىلدۇرۇشقا كاپالەتلىك قىلىمىز.
4) يىل بىشىدا پىئۇنىرلار چوڭ ئەتىرتىنىڭ تەشكىلى ئاپپاراتىنى قۇرۇپ چىقىمىز.
5) پىئونىرلار پائالىيەت پىلانىنى تۈزۈپ ھەر قايسى ئوتتۇرا ئەتىرەتلەرگىچە تارقىتىپ، شەكلى ھەر خىل، مەزمۇنى مول بولغان تىمىلىق پائالىيەتلەرنى  پىلانلىق، جانلىق ئىلىپ بىرىپ، ئوقۇغۇچىلارنى ئەمىلى تەربىيگە ئىگە قىلىمىز.
6) 1-يىللىققا يىڭىدىن قوبۇل قىلىنغان ئۆسمۈرلەرنى ئۈچ ئاي ئەتىرەت نىزامنامىسى بىلىملىرى بىلەن تەربىيلەش خىزمىتىنى چىڭ تۇتۇش ئارقىلىق پىئۇنىرلار ئەترىتىگە قوبۇل قىلىپ، پىئۇنىرلار ئەتىرىتى تەشكىلاتىنىڭ قوشۇن قۇرۇلۇشىنى كۇچايتىمىز.
7) ئۆسمۈرلەرنىڭ ياش ئالاھىدىلىكىنى چىقىش قىلىپ، «كىچىك بۈركۈت» مىدالىنى تالىشىش پائالىيتىنى داۋاملىق تۈردە يولغا قويۇپ، ئوقۇغۇچىلارنى ئۇنۋىرسال ساپاسىنى يۇقىرى كۆتۈرۈشنى ئىشقا ئاشۇرىمىز.
پارتىيە ئىستىلى پاكىلىق قۇرلىشى كەسىپتىكى ناتوغرا ئىستىللارنى تۈزۈتۈش خىزمەتلىرى جەھەتتە: 1) خەلق ئۈچۇن خىزمەت قىلىش، ئەمىلىيەتچان بولۇش، پاك دىيانەتلىك بولۇش تەلىۋى بويىچە ھادىسىدىنمۇ، ماھىيەتتىنمۇ تۈزەش، ھەر تەرەپلىمە تۈزەش، جازالاش بىلەن ئالىدىنى ئىلىشنى تەڭ تۇتۇش،  ئالدىنى ئىلىشقا ئەھمىيەت بىرىش فاڭجېنىدا چىڭ تۇرۇپ، ئاممىنىڭ مەنپەتىگە زىيان يەتكۈزىدىغان، مائارىپنىڭ ئوبرازىغا تەسىر كۆرسىتىدىغان قىلمىشلارنىڭ يۈز بىرىشنىڭ ئالدىنى ئالىمىز.
2) مەكتەپنىڭ مالىيە باشقۇرۇش تۈزۈمىنى يەنىمۇ قىلىپلاشتۇرۇپ،  ئاشكارىلاش خىزمىتىنى كۈچايتىپ، ماۋسۇمدا بىر قىتىم مەكتەپنىڭ كىرىم چىقىم ئەھۋالىنى ئاممىغا ئىلان قىلىپ، ئوقۇتقۇچىلارنىڭ ئىش ھەققىنى ئايمۇ ئاي ئاشكارىلاش ئىلىپ بىرىپ، ئاممىنىڭ نازارىتىنى قوبول قىلىش ئاساسىدا بارلىق ئىشچى خىزمەتچىلەرنى خەۋەرلەندۈرىمىز.
3) يىزا مەجبۇرىيەت مائارىپ خىراجىتىنى كاپالەتلەندۈرۈش مىيخانىزىمىنى ئەستايىدىل ئەمىلىلەشتۈرۈپ، ھۆكۈمەت سىتىۋىلىش تۈزۈمىنى قەتئىي ئىجىرا قىلىپ، كىرىمنى باشقۇرۇشنى كۇچايتىمىز.
4) بىر ھەق تۈزۈمىنى قەتئى ئەمىللەشتۈرۈپ، ئوقۇغۇچىلاردىن ھەق ئالىدىغان قىلمىشلارنى قەتئى تۈگىتىمىز.
5) ئوقۇتقۇچىلارنىڭ ئوقۇتقۇچىلىق كەسپى ئەخلاقىغا قاتتىق تەلەپ قويۇپ، كەسپى ئەخلاققا خىلاپ قىلمىشلارغا قاتتىق زەربە بىرىمىز.
6) ئەرزىيەت خىزمىتىگە ئەھمىيەت بىرىپ، «ئىشىكتىن كىرىش تەس بولۇش، تەلەتى سۆرۈن بولۇش، سۆزى قوپال بولۇش» ئەھۋاللىرىنى قەتئىي تۈزەپ، خەلق ئۈچۈن خىزمەت قىلىش ئىدىيسىنى مۇستەھكەم تۇرغۇزۇپ، ئوقۇتقۇچى-ئوقۇغۇچىلار ۋە ئاتا-ئانىلاردىن كەلگەن خەت-چەك ئەرىزلەرنى ۋاقتىدا ئەنگە ئىلىپ ئامما ئىنكاس قىلغان قىززىق نۇقتا، قىيىن نۇقتا مەسىللىرىنى ئۆز ۋاقتىدا بىر تەرەپ قىلىشنى چىڭ تۇتىمىز.
7) تىرىشچانلىق بىلەن ئىشلەپ، ئىقتىساتچانلىق بىلەن مەكتەپ باشقۇرۇش پىرىنسىپىدا چىڭ تۇرۇپ، مەكتەپنىڭ ئەمگەك پىراكتىكا بازا يىرىنى باشقۇرۇشنى كۇچايىتپ، شەخىسلەرگە ھۆددىگە بىرىش ئارقىلىق كىرىمنى ئاشۇرۇپ، چىقىمنى تىجەپ، كەلتۈرۈلگەن كىرىمنى مائارىپ ئىدارىسىنىڭ ھىساۋات مەركىزىگە تولۇق ئۆتكۈزۈپ بىرىپ، دوكىلات يىزىپ تەستىقلىتىش ئارقىلىق چىقىم قىلىپ، مەكتەپ ئىقتىسادىنىڭ ئوقۇتۇش تەلىم-تەربىيە ئۈچۈن خىزمەت قىلدۇرلىشىنى ئىشقا ئاشۇرىمىز.
8) كادىرلار خىزمىتىنى ياخشى ئىشلەپ، ئوقۇتقۇچىلارنىڭ جانىجان مەنپەئەتىگە چىتىشلىق بولغان ئىش ھەققى يوللاش، ئىش ھەققى ئۆستۈرۈش، داۋالىنىش كىنىشكىسىنى ئىشلەش، ئۆي مۈلۈك كىنىشكىسى ئىشلەش قاتارلىق خىزمەتلەرنى ۋاقتىدا بىجىرىشكە كاپالەتلىك قىلىمىز.
9) مەكتەپلەرنىڭ مۇقىم مۈلۈكىنى ۋە ئۈسكۈنە ئەسلىھەلەرنى تىزىملاپ باشقۇرۇشنى كۇچايتىپ، مەسئۇل ئادەم بىكىتىپ، مەسئۇلىيەتنى كىشى-بىشىغىچە ئەمىللەشتۈرۈپ، ئەسلىھە-ئۈسكۈنىلەرنىڭ يوقۇلۇپ كىتىش، بۇزۇلۇپ كىتىشنىڭ ئالدىنى ئالىمىز.
قانۇن ئومۇملاشتۇرۇش خىزمىتى جەھەتتە؛  1) مەكتەپنى قانۇن بويىچە باشقۇرۇش، قانۇن ساۋاتلىرىنى ئومۇملاشتۇرۇش خىزمەت پىلانلىرىنى ئەستايىدىل تۈزۈپ، تۈزۈم-تەدبىرلىرىنى ئىنىق بەلگىلەپ، ئەمىللىشىنى چىڭ تۇتىمىز.
2) ئوقۇتقۇچى-ئوقۇغۇچىلارنى «مائارىپ قانۇنى»، «مەجبۇرى مائارىپ قانۇنى»، «قورامىغا يەتمىگەنلەرنى قوغداش قانۇنى» قاتارلىق قانۇن-نىزاملارنى ۋە باشقا دۆلەتنىڭ ئالاقىدار قانۇن-نىزاملىرىنى ئۈگۈنۈشكە تەشكىللەپ، تەشۋىق قىلىشنى كۇچايىتپ، ئۇلارنىڭ قانۇن ئىڭىنى يۇقىرى كۆتۈرىمىز.
مەنىۋى مەدەنىيەت خىزمىتى جەھەتتە :
مەنىۋى-مەدەنىيەت قۇرۇلۇشى خىزمىتىگە رەھبەرلىك قىلىش گۇرۇپپىسى قۇرۇپ ، خىزمەت مەسئۇلىيتىنى كىشى بىشىغىچە ئايدىڭلاشتۇرۇپ ، بۇ خىزمەتكە بولغان تەشكىلىي رەھبەرلىكنى كۇچايتىمىز . مەنىۋى-مەدەنىيەت خىزمىتىگە مەخسۇس ئادەم بىكىتىپ ، مەنىۋى مەدەىنىيەت خىزمىتىنىڭ مەۋسۇملۇق خىزمەت پىلانىنى مەۋسۇم بىشىدىلا تۈزۈپ چىقىپ ، پىلاننىڭ ئەمەلىيلىشىشىنى چىڭ تۇتىمىز . مەكتەپ ئىچىدىكى تۈرلۈك تەشۋىقات ئەسلىھەلىرىنىڭ رولىدىن تولۇق پايدىلىنىپ ، ئوقۇتقۇچى-ئوقوغۇچىلارغا بولغان سىياسى-ئىددىۋى تەربىيە ، مىللەتلەر ئىتىپاقلىقى ، بەش قاراش ، تۆتنى تونۇش ، ئۈچ ئايرىلالماسلىق تەربىيسى ، ئۈچنى قوغداپ ، ئىككىگە قارشى تۇرۇش تەربىيسى، ۋەتەنپەرۋەرلىك تەربىيسىنى داۋاملىق كۇچايتىمىز . مەدەنىيەتلىك ئوقۇتقۇچى ، مەدەنىيەتلىك ئوقوغۇچى ، مەدەنىيەتلىك سىنىپ ، مەدەنىيەتلىك ئىشخانىلارنى باھالاپ نام بىرىش خىزمىتىنى ئەستايدىل ياخشى ئىشلەيمىز . ئاپتۇنۇم رايۇنلۇق مائارىپ نازارىتىنىڭ ئوقۇتقۇچى-ئوقوغۇچىلارنىڭ كىيىنىش قىياپەت ئۆلچىمىگە ئاساسەن ئوقۇتقۇچى-ئوقوغۇچىلارغا  مەدەنىي، ئىلمىي ، ئاددى-ساددا كىينىش توغىرسىدا تەلەپ قويۇپ ، ئوقوغۇچىلارنىڭ شەخسى تازىلىقىنى ياخشىلاش ۋە باشقۇرۇشقا ئەھمىيەت بىرىمىز ، لېي فىڭدىن ئۆگىنىش تەربىيسى ، پۇخرالار ئەخلاق قۇرۇلۇشى تەربىيە ئىيىى ، قانۇن-تۈزۈم تەشىۋىقى تەربىيە ئىيى ، مىللەتلەر ئىتىپاقلىقى تەربىيە ئىيى ، ‹‹8-مارىت›› ئاياللار بايرىمى  ،  چوكانتال بايرىمى ، ئەمگەكچىلەر بايرىمى ،  ‹‹ 1-ئىيۇن›› بالىلار بايرىمى ، تاۋۇز چاغىنى ، پارتىيە بايرىمى قاتارلىق بايرام-خاتىرە كۈنلەردىن پايدىلىنىپ ، تۈرلۈك تەشۋىقى تەربىيە پائالىيەتلىرى ، ئىللىقلىق يەتكۈزۈش پائالىيتى ، زىھن-سىناش پائالىيىتى ،ناخشا ئىيتىش ، نۇتۇق سۆزلەش ،  ئەدەبىي-سەنئەت پائالىيەتلىرىنى قانات يايدۇرۇپ ، ئوقۇتقۇچى-ئوقوغۇچىلارنىڭ مەنىۋى تۇرمۇشىنى بىيتىمىز . ۋەتەنپەرۋەرلىك تازىلىق ھەركىتىنى قانات يايدۇرۇپ ، مەكتەپ ۋە سىنىپلارنىڭ مۇھىت تازىلىقىنى ھەپتىدە بىر قىتىم ئوموميۈزلۈك تەكشۈرۈشنى دائىملاشتۇرۇپ ، مۇھىت تازىلىقى جەھەتتە بىرمۇ ئۆلۈك بۇلۇڭ بولماسلىقنى ئىشقا ئاشۇرىمىز .
ئەمىن مەكتەپ بەرپا قىلىش خىزمىتى جەھەتتە :
ئەمىن مەكتەپ بەرپا قىلىش خىزمىتىگە رەھبەرلىك قىلىش گۇرۇپىسى قۇرۇپ ، خىزمەت مەسئۇلىيتىنى كىشى بىشىغىچە بىكىتىپ ، تەشكىلىي رەھبەرلىكنى كۇچايتىمىز . ئەمىن مەكتەپ بەرپا قىلىش خىزمىتىنىڭ پىلانلىرىنى ۋاقتىدا تۈزۈپ ، خىزمەتلەرنى پىلان بويىچە سىستىمىلىق قانات يايدۇرىمىز . بۇ خىزمەتكە مەخسۇس خادىم بەلگىلەپ ، تۈرلۈك ماتىرياللارنى ۋاقتىدا سۈپەتلىك ئارخىپلاشتۇرىمىز . مەكتەپ ئىچى ۋە مەكتەپ ئەتىراپىىنىڭ بىخەتەرلىكىنى قەرەرلىك-قەرەرسىز تەكشۈرۈپ ، بىخەتەرلىك يۇشۇرۇن خەۋىپلىرىنى ۋاقتىدا بايقاپ بىخ ھالىتىدە يوقتىمىز ، مەكتەپنىڭ ئامانلىق باشقۇرۇش تۈزۈمىنى قاتتىق ئىزچىللاشتۇرۇپ ، سىرىتتىن كىرگەنلەرنى تىزىملاپ كىرگۈزۈش، گۇمانلىق ئادەم ، روپاشلارنى مەكتەپ ئەتىراپىغا يىقىن كەلتۈرمەسلىكنى قەتئى ئىشقا ئاشۇرىمىز .
سەھىيە ، ساقلىقنى ساقلاش خىزمىتى جەھەتتە :
سەھىيە ، ساقلىقنى ساقلاش خىزمىتى خىزمىتىگە رەھبەرلىك قىلىش گۇرۇپىسى قۇرۇپ ، خىزمەت مەسئۇلىيتىنى كىشى بىشىغىچە بىكىتىپ ، تەشكىلىي رەھبەرلىكنى كۇچايتىمىز . سەھىيە ، ساقلىقنى ساقلاش خىزمىتىنىڭ پىلانلىرىنى ۋاقتىدا تۈزۈپ ، خىزمەتلەرنى پىلان بويىچە سىستىمىلىق قانات يايدۇرىمىز . بۇ خىزمەتكە مەخسۇس خادىم بەلگىلەپ ، تۈرلۈك ماتىرياللارنى ۋاقتىدا سۈپەتلىك ئارخىپلاشتۇرىمىز . كۈندىلىك نان ۋە تۇخۇمدىن ئەۋرىشكە ئىلىپ 48 سائەت ساقلاشنى ھەقىقى ئىشقا ئاشۇرۇپ ، مەكتەپ ئاشخانىلىرىنىڭ ۋە ئاشخانا ئەسلىھەلىرىنىڭ موھىت تازىلىقى، ئاشخانا خادىملىرىنىڭ ۋە ئوزۇقلۇق تارقىتىش خىزمتىگە مەسئۇل خادىملارنىڭ شەخسى تازىلىقىنى، سىتىۋىلىنغان پىششىق ۋە خام ماتىرىياللارنىڭ تازىلىق بىخەتەرلىكىنى قاتتىق چىڭ تۇتۇپ، ئوقۇغۇچلارنى ھەقسىز تاماق بىلەن تەمىنلەش جەريانىدا يىمەكلىكتىن زەھەرلىنىش ئەھۋالى كىلىپ چىقىشنىڭ ئالدىنى ئالىمىز. مۇناسىۋەتلىك ئورۇنلار بىلەن ئالاقىلىشىپ، مەكتەپ ئەتىراپىدىكى تىجارەت كىنىشكىسى يوق ئۇششاق- چۈششەك يىمەكلىكلەرنى سىتىش دۇكانلىرىنى تىجارەتتىن توختۇتۇپ، ئوقۇغۇچىلارنىڭ ۋاقتى ئۆتۈپ كەتكەن، سۈپىتى ئۆزگەرگەن، تازىلىقى ناچار يىمەكلىكلەرنى ئىستىمال قىلىش سەۋەبلىك يىمەكلىكتىن زەھەرلىنىپ قىلىش، يۇقۇملۇق كىسەللىكلەرنىڭ تارقىلىشى قاتارلىق يىمەكلىك ت بىخەتەرلىك ۋەقەلىرىنىڭ سادىر بولۇپ قىلىشىنىڭ ئالدىنى ئالىمىز.
يىشىل مەكتەپ ، باغچا مەكتەپ بەرپا قىلىش خىزمىتى جەھەتتە :
يىشىل مەكتەپ بەرپا قىلىش خىزمىتىگە رەھبەرلىك قىلىش گۇرۇپىسى قۇرۇپ ، خىزمەت مەسئۇلىيتىنى كىشى بىشىغىچە بىكىتىپ ، تەشكىلىي رەھبەرلىكنى كۇچايتىمىز .يشىىل مەكتەپ ، باغچا مەكتەپ بەرپا قىلىش خىزمىتىنىڭ پىلانلىرىنى ۋاقتىدا تۈزۈپ ، خىزمەتلەرنى پىلان بويىچە سىستىمىلىق قانات يايدۇرىمىز . بۇ خىزمەتكە مەخسۇس خادىم بەلگىلەپ ، تۈرلۈك ماتىرياللارنى ۋاقتىدا سۈپەتلىك ئارخىپلاشتۇرىمىز .  مەكتەپ ئىچىدىكى دەل-دەرەخ، گۈل-گىياھلارنى تولۇقلاپ تىكىش ، ئاسراش ، پەرۋىش قىلىش ، مەكتەپ مۇھىتىنى تۆتلەشتۈرۈش خىزمىتىنى  داۋاملىق چىڭ تۇتۇپ ، مەكتەپ مۇھىيتىنى داۋاملىق ياخشىلاپ ، ئوقۇتقۇچى-ئوقوغۇچىلارنى پاكىزە، ئازادە گۈزەل، يىشىل مۇھىتتا ئوقۇتۇش ئىلىپ بىرىشىغا كاپالەتلىك قىلىمىز .
مۇشۇ مەۋسۇم ئىچىدە مەكتەپنىڭ پۇتبۇل مەيدانىغا چىم تىرىپ ، مەكتەپنىڭ يىشىللىق كۆلىمىنى داۋاملىق كىڭەيتىمىز .
پىلانلىق تۇغۇن ۋە ئاياللار خىزمىتى جەھەتتە؛ 1) تەجرىبە ساۋاقلارنى ئەستايىدىل يەكۈنلەپ، ھوشىيارلىقنى ئاشۇرۇپ، ئىشىچى-خىزمەتچىلەرنىڭ پىلانلىق پەرزەنت كۆرۈش ئەھۋالىنى تەكشۈرۈپ ئىنىقلاپ، باشقۇرۇشنى كۇچايتىش ئارقىلىق پىلاندىن سىرىت پەرزەنت كۆرۈشنىڭ ئالدىنى ئالىمىز.
2) ئوقۇتقۇچى ئىشىچى-خىزمەتچىلەرگە پىلانلىق تۇغۇت قانۇنىنى تەشۋىق قىلىشنى كۇچايتىپ، ئۇلارنىڭ پىلانلىق تۇغۇت قانۇنىغا بويسۇنۇش ئاڭلىقلىقىنى ۋە پىلانلىق پەرزەنت كۆرۈش، سۈپەتلىك تەربىيلەش ئىڭىنى يۇقىرى كۆتۈرىمىز.
3) تۇغۇت يىشىدىكى ئاياللارنىڭ تەكتىنى ئىگەللەپ ئۇلارغا بولغان نازارەتچىلىكنى ۋە باشقۇرۇشنى كۇچايتىمىز.
4) پەرزەنتىلىك بولۇشتىن بۇرۇن پىلانلىق تۇغۇت ئىشخانىسىگە تىزىمغا ئالدۇرۇش، كۆرسەتكۈچ ئىلىپ تەستىقلانغاندىن كىيىن دوختۇرخانىدا تۇغۇشنى ئىشقا ئاشۇرۇپ، مەكتىۋىمىزدە پىلانلىق تۇغۇت قانۇنىنىڭ ئەمىللىشىشىنى چىڭ تۇتىمىز.
5) مەكتەپلەردە ئاياللار خىزمىتىگە رەھبەرلىك قىلىش گۇرۇپپىسى قۇرۇپ، رەھبەرلىك گۇرۇپپىنىڭ رولىنى جارى قىلدۇرۇش ئارقىلىق ئاياللار خىزمىتىنىڭ تەرتىپلىك سىستىمىلىق ئىشلىنىشىگە كاپالەتلىك قىلىمىز.
6) ئاياللارغا بولغان ئىدىيۋى تەربىينى كۇچايىتىپ، ئۆز-ئارا ئىتتىپاقلىققا ئەھمىيەت بىرىش، ئۆز-ئارا ئىناق ئىتتىپاق ئۆتۈش، ئۆز-ئارا ھۆرمەتلىشىش ئىڭىنى يۇقىرى كۆتۈرۈپ، ئاياللار ئىچىدىكى ئۆز-ئارا ئىتتىپاقسىزلىق قىلمىشلىرى كىلىپ چىقىشنىڭ ئالدىنى ئالىمىز.
7) ئاياللارنىڭ كىيىنىشى، يۈرۈش تۇرۇشغا بولغان تەلەپنى قاتتىق كۇچايتىپ، كىيىنىش رەتلىك، سۆز-ھەرىكەتتە ئىلمى، يۇرۈش-تۇرۇشى مەدەنى بولغان ياخشى كەيپىياتنى بەرپا قىلىپ، ئوقۇغۇچىلارغا ۋە جەمىئەتكە ئۆلگە بولىدىغان ئايال ئوقۇتقۇچىلار قوشۇنىنى بەرپا قىلىمىز.
12- جىددى ۋە ۋاقىت خارەكتىرىلىك ئورۇنلاشتۇرۇلغان خىزمەتلەرنى ۋاقتىدا ئىجىرا قىلىمىز.
1) جىددى ئەھۋالغا جىددى پوزىتسىيە تۇتۇش كۆز قارىشىنى تۇرغۇزۇپ، يۇقىرى دەرىجىلىك ئورونلار، مائارىپ ئىدارىسى ۋە بازارلىق پارتىكۇم خەلق ھۆكۈمىتى ئورۇنلاشتۇرغان تۈرلۈك خىزمەتلەرنى ۋاقتىدا تولۇق ئورۇنداشقا كاپالەتلىك قىلىمىز.
2) يەكەن مائارىپ ئۇچۇر تورىنى باشقۇرۇشنى كۇچايىتپ، ئۇچۇرلارنى ۋاقتىدا چۈشۈرۈش ئارقىلىق مائارىپ خىزمەت كومتىتى، مائارىپ ئىدارىسى تارقاتقان ھۆججەت، ئۇقتۇرۇشلارنىڭ روھىنى ۋاقىتىدا ئەمىلىلەشتۈرۈشكە كاپالەتلىك قىلىمىز.

Wordھۆججىتىنى بۇ يەردىن چۈشۈرۈڭ
Oz_骞村害璁″垝.doc

Tursunniyaz · ۋاقتى: 2014-3-24 23:19:40

بۇنداق ياخشى ماتېرىيالنىڭ بىر مەزگىل ئۆتكەندىن كىيىن تور بوشلۇقىدىن ئۆچۈپ كېتىشىنىڭ ئالدىنى ئىلىش ئۈچۈن قوشۇمچە ھۆججەت مەزمۇنى يېيىۋېتىلدى.

yahxiqux · ۋاقتى: 2014-4-15 22:02:55

ياخشى تىمىدىن بىرنى يوللاپسىز

مەكتەپنىڭ يىللىق خىزمەت پىلانى

باھالاش

كۆرگەن سەھىپە

ئالاھىدە تەۋسىيە /1