[شېئىر] دوپپا كەيسەم

نۇرلان

  دوپپا كەيسەم

نەۋرۇزدا دوپپا كەيسەم زەپ ياراشتى،
مويسىپىتلار«ئوغۇل بالا» دەپ ئاتاشتى.
پىشانەمگە سۆيۈپ كەتتى ئانىلىرىم،
بەرىكەتلىك قولى بىلەن گۈل تاقاشتى.

ئادەتتە كۆز قىرىنى سالمايدىغان،
گۈزەللەر ھەۋەس بىلەن شوخ قاراشتى.
كارامەت ئۆيدە تېخى، بالىلىرىم،
بېشىغا كىيىۋېلىپ، بەك تالاشتى.

ئايالىم مېھىر بىلەن باقتى ئىللىق،
ماسلىشىپ كەيمەك بولۇپ، چاچ تاراشتى.
خوشنىلار زوقى بىلەن سەپسالماقتا ،
ئىشىكنى قىيا ئېچىپ، خوپ ماراشتى.

ئەركەككە خاس سالام بەرسەم جامائەتكە،
كىمنىڭدۇ كۆزلىرىگە ياش ياماشتى...
ئۇيغۇرغا يارىشىدۇ دوپپا دىگەن،
ئۆزگىلەرمۇ قايىللىقتىن «شاھ» ساناشتى.

بەختلىكمەن، تەخىتلىكمەن دوپپام بىلەن،
دوپپام بىلەن بويۇم مانا كۆككە تاقاشتى!

سارسان

ياخشى يىزىپسىز مەنمۇ دۇپپا كىيۋالدىم مانا

weli

شۇنداق دوپپا ھەممىزگە يارىشىدۇ، بىزنىڭ مەكتەپتە نورۇز كۈنى دوپپا كىيىشىكە «رۇخسەت» قىلىنغان ئىدى، لىكىن ياغلىق ئارتقانلارنىڭ ياغلىقى ئالغۇزىۋىتىلىدى.

yusuf3032

ۋاھ ....مەن مۇشۇ دوپپا كىيىشنى كىڭەشكە سىلىۋاتقان...ئەمدى بۇ ئىشمۇ كىڭەشتىن ئۆتتى....ماندا بۇدۇر چاچلار دوپپا كىيسە بەك يارىشىدۇ ئەممما...(مەندەك) ھى ھى

alxah1

سارسان يوللىغان ۋاقتى  2014-3-22 22:02
ياخشى يىزىپسىز  مەنمۇ دۇپپا كىيۋالدىم مانا{:6_ ...

بىزئۇيغۇرلارنىڭ دوپپىمىز， ھەقىقەتەن بىزئۇيغۇرلارنىڭ پەخىرى，بەك ياخشى يېزىپسىز，رەخمەت سىزگە.