ۋاپا بىلەن ياشايلى

نۇرلان

ۋاپا بىلەن ياشايلى
(روھلاندىكى ئائىلىلەرگە بېغىشلايمەن)

ھايات دىگەن شۇنداق ئىكەن دىلدارىم ،
رىشتىمىزنى چېتىپ قويدى مەڭگۈلۈك.
ياخشى كۈنلەر نېسىب بولسۇن ئىلاھىم،
يولىمىسۇن قايغۇ-ئەلەم، كەلگۈلۈك.

ئىشەنچ گۈلى پورەكلىسۇن نۇرانە،
بىر جۈب قوشماق ۋاپا بىلەن   ياشايلى.
قانات بولسۇن مۇھەببەتلىك ئىرادە،
داۋانلاردىن ئۈمىد بىلەن ئاشايلى.

رىزقىمىزنى تۆككەن تەردىن ئىزدەيلى،
رەڭگى ئۆڭمەس غورۇرىمىز بار بولسۇن.
ئەقىدىنى پۇلغا بۇلغاپ يۈرمەيلى،
ئائىلىگە ساقلىق، شادلىق يار بولسۇن.

يېلىنجىسۇن قرىنداشلىق مېھرىمۇ،
دوسىتلۇق ئۈچۈن جاننى پىدا ئېتەيلى.
ھەمراھ بولسۇن ئىزدىنىش ۋە بىلىممۇ،
تەۋپىق نەسلى دىگەنگە خاس يۈرەيلى.

ھۆسىن قوشۇپ بۇ ئالەمنىڭ ۋەسلىگە،
ئىككىمىزدىن شۇنداق ياخشى نام قالسۇن.
شۇنداق ياشار قوشماق دىگەن ئەسلىدە،
ئەۋلادىمىز سۆيگۈمىزدىن زوق ئالسۇن.

ADiL

تەربىيۋى ئەھمىيتى چوڭقۇر ئەسەر بوپتۇ، ئاپىرىن سىزگە.

نۇرلان

ئادىل ئەپەندىمگە رەھمەت. روھلاندىكى " ھەۋەس " قاتارلىق ئىقتىدارلىق قەلەم ئىگىلىرى ھەجەپ يوقاپ كەتتا؟

Tursunniyaz

ھەقىقەتەن بىرگە ماھىر كۆپكە قادىر ئۇستازكەنسىز .

مەرىپەت

شئېرنى ياخشى يازىكەنسىز جۇمۇ، بۇنىڭدىن كېيىنكى ئىجادىيەتلىرىڭىزگە ئۇتۇق تىلەيمەن.

نۇرلان

تورداشلارنىڭ رىغبىتىگە ھەشقاللا.