ئىككىمىز ساھىلدا سۆيۈشكەن ئاخشام

hawas · ۋاقتى: 2014-2-26 16:43:23

ئىككىمىز ساھىلدا سۆيۈشكەن ئاخشام،
تۆكۈلگەن سىمىلداپ يامغۇرى ئاينىڭ.
گۈللىرى يۇيۇلۇپ پاكلىنىپ كەتكەن،
مۇڭدىشىپ يانمۇ-يان ئولتۇرغان جاينىڭ.

ئىككىمىز ساھىلدا سۆيۈشكەن ئاخشام،
شەبىستان يۇلتۇزى ھەسەتتە ئۆچكەن.
يالتىراپ جەزبىدار دەريانىڭ قۇمى،
دولقۇنغا مىنگىشىپ يىراققا كۆچكەن.

ئىككىمىز ساھىلدا سۆيۈشكەن ئاخشام،
كۈلۈشكەن بىخىلداپ، ئۇياتلىق چىمەن.
قىزارغان لەۋلەردىن تۆكۈلگەن شەربەت،
مۇھەببەت ۋەسلىگە جان بېرىپ تىمەن.

ئىككىمىز ساھىلدا سۆيۈشكەن ئاخشام،
چاقنىغان تورغاينىڭ كۆزىدىن ئۇچقۇن.
كىرىشىپ پەرۋازغا يايرىغان تەنلەر،
ئۆرلىگەن غايىۋى مەنزىلگە جۇشقۇن.

ئىككىمىز ساھىلدا سۆيۈشكەن ئاخشام،
قىنىغا پاتمىغان ئۆركەشلەپ دەريا.
يامغۇرغا، شامالغا... پەرۋاسىز ئۆتكەن،
دۇنياغا مەڭگۈلۈك قالغاندەك تەنھا...

ئىدرسجان · ۋاقتى: 2014-2-26 20:41:59

ئاپرىن ياخشى يىزىپسىز .

غىلاپ · ۋاقتى: 2014-2-26 22:19:04

بۇ شېئر شېئىردەك بولۇپتۇ . مۇنبەردىكى بەزى شېئىرلار ياكى ۋەزىنلىك شېئىرغا ، ياكى نەسرى شېئىرغا ئوخشىمايدۇ ، ئۇنىڭ ئۈستىگە تېخى مۇخەممەس شەكلىدە يېزىلغانلىرىچۇ تېخى !

نۇرلان · ۋاقتى: 2014-2-26 22:48:11

ھەۋەس ئەپەندىمنىڭ ئېسىل شېئىرلىرى بىلەن قايتا يۈز كۆرۈشكەنلىكىمدىن ناھايىتى خوشالمەن.

arkinjuma · ۋاقتى: 2014-2-26 23:17:38

ھەۋەس ئۇستازنىڭ مۇشۇنداق مۇھەببەت لېرىكىلىرىنى ئوقۇغان ھەرقانداق كىشىنىڭ يۈرەكلىرى ئويناپ كېتىدۇ-دە.

rabbiy · ۋاقتى: 2014-2-27 02:23:29

قانداق ھېسياتتا بولار ئادەم، ئۇنداق بولسا ، ھەي ،،،،

تۇرسۇن38 · ۋاقتى: 2014-2-27 06:06:37

ئەسكەرتىش: يوللىغۇچى چەكلەنگەن. مەزمۇننى كۆرەلمەيسىز .

بۇلماق · ۋاقتى: 2014-3-4 22:06:09

پاھ ئەجەپ ياخشى يېزىلىپتۇ جۇمۇ . مەنمۇ شېئېرغا بەك ئىشتىياقىم بار دىسە مۇشۇ كۈنلەردە ، !

ئىككىمىز ساھىلدا سۆيۈشكەن ئاخشام

باھالاش

كۆرگەن سەھىپە

ئالاھىدە تەۋسىيە /1

تۇرسۇن38 تۇرسۇن38 توردا يوق نادىر ھوقۇقى 0 توردا سائەت تىزىملاتقان 2013-11-16 ئاخىرقى قېتىم 1970-1-1 ئىناۋەت سەر تەڭگە دانە بايلىق سەر تۆھپە سەر IP كارتىسى	ۋاقتى: 2014-2-27 06:06:37 روھلان يانفۇن تېرمىنالى \| ھەممە قەۋەتنى كۆرۈش ئەسكەرتىش: يوللىغۇچى چەكلەنگەن. مەزمۇننى كۆرەلمەيسىز .

	ئىنكاس ئېسىل ناچار جابدۇق پاش قىلىش