چاغاننى دەپ ئىچتىم ( ساتىرا)

نۇرلان

                                          چاغاننى دەپ ئىچتىم
                                               (ساتىرا )
                     مەيلىم يوقتى ئىچىشكە، شۇ چاغاننى دەپ، ئىچتىم،
                     ھوقۇق قۇشى ۋەسۋەسىگە سالغاننى دەپ، ئىچتىم.
                     يوقلىماققا ئەمەل شەرت، مۇشۇ ئىكەن دەل پۇرسەت،
                     ۋاڭ...جاڭ...لارنىڭ ئۆيىگە بارغاننى دەپ، ئىچتىم.

                     كونۋىرىتقا پۇل سېلىپ،ئۆزلۈكىمنى قۇل قىلىپ،
                          قېلىنلىقنى ئۇل قىلىپ، يانغاننى دەپ، ئىچتىم.
                     شىرىن خىيال ئىلكىدە، بوپ قاپتىمەن خۇش كەيىپ،
                       بالدىن تاتلىق سۆزنى ئاڭلاپ قالغاننى دەپ، ئىچتىم.

                         كامىل ئىدىم ماختاشقا، ئاھ.. ئېرىشتىم داڭلاشقا،
                         بىراۋ مېنى ساز ئورنىدا چالغاننى دەپ، ئىچتىم.
                        ئۆيدە لەغمەن مەززىلىك، يىسەم ھايال-ئەزمىلىك،
                        قورساقتا يوق ئەستىلىك، ئاچ قالغاننى دەپ، ئىچتىم.

                        قورۇمىلار ئەمەس ئاز، يەيدىغانغا كەلمەس ماس،
                       راستنى ئېيىتسام ياراشماس، يالغاننى دەپ، ئىچتىم.
                       ئۆرە تۇرسا «چوڭ» لۇرۇم، ئولتۇرسۇنمۇ پۇتلۇرۇم؟
                       جۈپلەكلىكتۇر قوللۇرۇم، تالغاننى دەپ، ئىچتىم.

                       ئېغىزلىرىم سېغىزخان، كۆزلىرىمدە ھاياجان،
                       پۇلنى كۆرۈپ «ئاكىجان»، سالغاننى دەپ، ئىچتىم.
                       يېتىش ئۈچۈن ئەمەلگە، رازى مەيلى بەدەلگە،
                         قەرز بولدۇم گۈزەلگە، داد.. تانغاننى دەپ، ئىچتىم.

                         ئادەملەرگە ۋىجدان يار، ئاسىيلارغا سوراق بار،
                        بولۇپ قالدىم ئەجەپ خار، يانغاننى دەپ، ئىچتىم.
                         تەلۋە شۇنداق تەلۋىكەن، يازمىلىرى غەلۋىكەن،
                         بىزدە ۋىجدان بولسىكەن، ئازغاننى دەپ، ئىچتىم.
مەنبەسى : ئۆزۈم

نەپرەت

ياخشى چىقىپتۇ.قەلىمىڭىز توختاپ قالمىسۇن.رەھمەت

uqartahsa

داۋاملىق يېزىپ تۇرۇڭ

شىر0999

داۋاملىق يېزىپ تۇرۇڭ

kirimulla

ياخشى يېززىپسىز، داۋاملىق يېزىپ تۇرۇڭ، بىز مۇشۇنداق شىئىرلارغا تەشنا.