پەرزەنتىمىزنى باشقا تىلدا ئۇقۇتامدۇق ياكى ئانا تىلدا ئۇقۇتامدۇق؟

نەۋرۇز

) }2 h6 \  }2 [' Z. a/ N$ {　
% C  P& _$ B7 F　　پەرزەنتىمىزنى باشقا تىلدا ئۇقۇتامدۇق ياكى ئانا تىلدا ئۇقۇتامدۇق؟
9 q9 z+ |! X5 m: G
　　ئابدۇرېھىم ئابدۇۋەلى(ئاسۇق)
8 i2 S( C$ w+ H  {　　بىر يىلنىڭ ئالدىدا مەلۇم بىر كۇنى كۈندىلىك ئادىتىم بويىچە روھلان تور بېكىتنى ئېچىپ زىيارەت داۋامىدا بىر توردىشىمىزنىڭ ئەمدىلا 6ياشقا كىرگەن بالىسىنى زادى قايسى مەكتەپتە ئۇقۇتۇش توغرىسىدا تورداشلاردىن مەسلەھەت سوراپ يوللىغان بىر تېمىسىنى ئۇقۇغان ئىدىم.  دەسلەپتە پىكىر يېزىشتىن ۋاختىنچە توختاپ تۇردۇم.مەخسىدىم كەڭ تورداشلارنىڭ قىممەتلىك پىكىرلىرىنى ئاڭلاپ ئاندىن ئۆز پىكىرىم بىلەن يۇغۇرۇپ تۇرۇپ بۇ توردىشىمغا قانائەتلىنەرلىك جاۋاپ بېرىش ئۈچۈن ئىدى.نۇرغۇن تورداشلار ئۆز كۆز قارىشنى قىزغىنلىق بىلەن ئوتتۇرغا قۇيۇشتى.مەنمۇ ئون نەچچە ئادەمدىن كىيىن <<تايچاقنىڭ دەريادىن ئۆتىشى>>ناملىق مەسەل بىلەن بىرلەشتۈرۈپ پىكىرىمنى ئوتتۇرغا قويدۇم. ئۇندىن كىيىن بۇ تېمىغا بېرىلگەن ئىنكاسلارغا ۋاقىتمۇ ئاجىرتىپ بولالماي قالدىم. ئەمما بۇ تېمىنىڭ مەندە قالدۇرغان تەسىرى خېلى چوڭقۇر بولدى. خەلقىمىزدە "كېڭەشلىك ئىش بۇزۇلماس" دىگەن بىباھا ئەقلىيە سۆز بار. ئەمدى ئويلىسام ئۇ توردىشىم ھەم ئاقىل ھەم ئەجداتلىرىمىزنىڭ ئۆگۈتلىرىنى خېلى ھەزىم قىلغانكەن. شۇ ئارقىلىق مەن يېقىندا ئۆزۈمگە قايتىپ كېلىشكە مەجبۇر بولدۇم ، چۈنكى مەن چوڭ ئوغلۇم ئابدۇللانى  باشقا تىلدا ئۇقۇتۇش ئۈچۈن خەنزۇ مەكتەپكە بەردىم. ھېلىقى ئاقىل توردۇشۇمدەك مەسلەھەتمۇ سورىمىدىم. ئۆزۈمچە مەن مائارىپچى بولغاندىكىن خەق مەندىن سورىسا بولىدۇكى مەن ئۆز كەسپىمگە دائرى ئىشىنى باشقىلاردىن سورىماي بېكىتىپتىمەن.ئۆزۈمنىڭ باشقا تىلىنى خىزمەتكە چىقىپ 10يىلدىن كىيىن يەنى 2005-يىلدىن باشلاپ ئاددى جۇملە يادىلاشتىن باشلاپ بۈگۈنكى  سەۋىيە سىناش ئىمتاھانىدا 7-دەرىجە ئالغانلىقىمنى،ئاۋال ئانا تىلنى ئانا تەپەككۇردا تۇرۇپ ئىستىمال قىلىشنىڭ نەقەدەر مۇھىملىقىنى ،باشقا تىلنى ئاندىن ئۆگەنسىمۇ بولىدىغانلىقىنى ئويلاپمۇ باقماپتىمەن. ئەمما قايسى كۈندىكى بىر ئىش پەرزەنتىمنىڭ <<ئارزۇيۇم>>بويىچە داۋاملىق باشقا مىللەت مەكتىۋېىدە ئۇقىۋەرسە كىشىلەر ئېيىتقاندەك <<57-مىللەت>>بوپ قېلىشى ئېھتىمالىنىڭ يوق ئەمەسلىكىنى ئەسكەرتىپ قويدى.
0 U& X8 c. e* j　　ئۇ كۈنى خوشنا ئائىللىكلەر قوراسىدا نىمىنى تەبرىكلىدىن تاڭ بىلمىدىم ئىشقىلىپ  يېرىم سائەتلەرچە ساليوت ئاتتى. رەڭدار ساليوتلار ئىككى ئوغلۇمنىڭ قىززىقىشىنى قوزغىدى ۋە مىنى باشلاپ چىقىشنى تەلەپ قىلىشتى.ساليوتلار بىر تەرەپتىن ئادەمنى جەلىپ قىلغۇدەك رەڭدار چېچىلىپ ئېتىلسا يەنە بىر تەرەپتىن ئۇنىڭدىن چىققان كۆكۈش ئىس خېلى بىر يەرلەرگىچە سۇزۇلۇپ تۇراتتى.  ئوغۇللىرىم بىلەن بىر تەرەپتىن ساليوت مەنزىرسىدىن ھوزۇر ئالغاچ ساليوت ئېتىلىپ مەلۇم ۋاقىتتىن كىيىن ئاۋازىنى ئاڭلىغان ئوغلۇمنىڭ مۇناسىۋەتلىك سۇئالغا ئاۋازنىڭ سۈرئىتىنىڭ سىكونتىغا 340مىتىر ئىكەنلىكىنى شۇڭا ساليوت ئېتىلىپ ئىنتايىن قىسقا ۋاقىتتىن كىيىن ئېتىلغان ئاۋازنىڭ بىزگە يتىپ كەلگىنى شۇ ئاۋازنىڭ تېزلىكى بىلەن مۇناسىۋەتلىك ئىكەنلىكىنى  چۈشەندۇرۇپ تۇراتتىم باشقا تىلدا ئۇقۇغان چوڭ ئوغلۇم توساتتىن: ساليوت تىيەنچىنى ۋۇرەن قىلۋەتتى ھە ئاتا ؟  دەپ تاشلدى. ئاڭلاپلا ئىتتىك ئوغلۇمغا قارىدىم .ئوغلۇم كەيپىياتىمنى سەزدى بولغاي ئولتۇرغان يېرىدىن تۇرۇپلا بەش قەدەمچە ئارقىسىغا چىكىنىپ كەتتى. چىرايىدىن قورقۇش ئالامىتى ئەكىس ئېتىپ تۇراتتى. چۈنكى مەن ئائىلدە ئۇيغۇرچە بىلەن باشقا تىلنى  ئارلاشتۇرۇپ سۆزلەشنى چەكلەيتىم ھەم ساپ ئۇيغۇرچە سۆزلەشنى ئائىلە مىزانى قىلىپ بېكىتكەن ئىدىم. مۇشۇ سەۋەپتىن ئوغۇللۇرۇم بىر ئىككى قېتىم قاتتىق تەنقىتلەنگەن بولغاچقا بۇ قېتىممۇ تەنقىتتىن قورقۇپ كەتكەن ئىدى.ئەلۋەتتە كۈنۈپ كەتكەن ئېغىزنى باشقۇرماق تەس بولغىنىدەك ئۆزۈم تۈرگەن مىزانغا ئۆزۈممۇ بىر قېتىم <<خلاپلىق>>قىلىپ ئوغۇللۇرۇم ئالدىدا خاتالىقىمنى تۇنىغان ئىدىم .
　　مەن ئۇغلۇمغا بۇ گەپنى ساپ ئۇيغۇرچە دىيەلىسە تەنقىت قىلمايدىغىنىمنى قايتا قايتا دەپ ۋەدە بەرگەندىن كىيىن11ياشقا كىرگەن چوڭ ئۇغلۇم يېنىمغا كىلىپ ئولتۇرۇپ مۇشۇ ئاددى بىر جۇملە گەپنى ساپ ئانا تىلغا "تەرجىمە" قىلىش ئۈچۈن ئالاھەزەل ئون مىنۇتلارچە ئويلاندى.مەن ئۇنىڭغا ئېچىنىش نەزىردە قاراپ تۇراتتىم. ئېنىقكى بۇ ئېچىنىش ئۆزۈمگە ئۆزۈمنىڭ مەسئۇليەتسىزلىكىمگە بولغان ئېچىنىش ئىدى. ئوغلۇم شۇنچە سالقىن ھاۋادىمۇ ئاددى بىر جۇملە سۆز ئۈچۈن ئانا تىدا مۇۋاپپىق ئورۇن تاپالماي قىينىلۋاتاتتى. يۈرۈكۈم ئېچىشىپ ئۇلۇق كىچىك تىنىپ ئوغلۇمنى ساقلاۋاتاتتىم. بىر ۋاقىتتا ئوغلۇم ؛خاپا بولماڭ ئاتا (ئوغۇللۇرۇم ئادەتتە مىنى ئاتا دەپ چاقىردۇ)،مەن بۇ گەپنى تۇللۇق چۈشىنىمەن ئەمما ئۇيغۇرچە دىيەلمىدىم ....دىدى.مەن ئۇنى يەنىلا ئىلھاملاندۇردۇم. قانچىلىك دىيەلىسەڭ شۇنچىلىك دەپ باقا دىدىم. ئۇ خوددى بىر ئېغىر يۈكتىن قۇتۇلغاندەك ئېغىر تىنىۋېلىپ : ساليوت ھاۋانى مەينەت قىلۋەتتى –دىدى. دىدى –يۇ خاتا دەپ قويدۇممىكىن دەپ خودۇكسىرەپ ماڭا قارىدى.مەن ئۇنى قۇچاقلاپ پىشانىسىگە سويدۈم ۋە ئىچىمدە كىيىنكى ماۋسۇمدە ھەرقانداق ئىش بولىشىدىن قەتئى نەزەر ئوغلۇمنى ئۇيغۇرچە مەكتەپكە يۆتكىۋېتىش توغرىسىدا ئۆز-ئۆزۈمگە ۋەدە بېرىۋاتاتتىم .ئۇ كۆڭلىدە توغرا دەپتىمەن دەپ قوچاقلاپ سۆيۈشۈمنى مۇكاپات دەپ چۇشەندى. ئەمەليەتتە بۇ بىر نادان ئاتىنىڭ ئوغلى ئالدىدىكى خاتالىقى ئۈچۈن كەچۈرۈم سورىشى ئىدى. ئېنىقكى ئۇ "مەينەت قىلۋەتتى "دىگەن سۆزنى خاتا ئىشلەتتى. ئەمما ئۇنىڭغا بۇ گېپىڭ يەنە خاتا بولدى قايتا ئويلان دەپ ئۇنى يەنە تولغاق يىگۇزۇشنى خالىمىدىم.چۇنكى بۇ مىنىڭ خاتالىقىم ئىدى. مەنچە بولغاندا مىنىڭ خاتالىقىمنى ئۆزۈم تارتىشىم ياكى تۈزۈتۈشۈم كېرەك ئەلۋەتتە. ساليوت ئېتىلىشتىن توختىدى. ئوغۇللۇرۇمنى يېتىلەپ ئاقسۇ شەھرىنىڭ مەنزىرە رايۇنى بولغان دولان دەرياسى بوينى ئايلاندۇرغاچ ئوغلۇم بايا خاتا ئىشلەتكەن سۆزنىڭ توغرا  ئورنىنى كۆرسىتىپ بېرىشكە مىسال ئىزدىدىم. شۇ ئارىدا  ئابدۇللا خېلى روھلۇنۇپ قالغان ئىدى. شۇڭا ئۇ بايا مىنىڭ ئاۋازنىڭ تېزلىكى ھەققىدىكى سۆزلەپ بەرگىنىم بىلەن مەكتىۋىدە ئۆگەنگەن نۇرنىڭ تېزلىكى ھەققىدىكى يۈزەكى چۇشەنچىسىنى سۆزلىگەچ ماڭدى. شۇ ئارىدا مەن دەرياغا ساياھەتچىلەر تاشلىۋەتكەن كېرەكسىز ئەخلەتلەرنى كۈرۈپ ئوغلۇمغا : قارا ئوغلۇم بەزى كىشىلەرنىڭ مەدەنيەتسىزلىكىنى ؟ ئەخلەتلەرنى دەريا تاشلاپ دەريا سۈيىنى مەينەت قىلۋېتىپتۇ دىدىم. گېپىم تېخى تۈگىمەيلا كىچىك ئوغلۇم بەختىيار چۈچۈك تىللرى بىلەن:سۇغا ئەخلەت تاشلىسا ، تۈكۈرسە يامان بولىدۇ ھە ئاتا ؟ مەن ئۇنداق قىلمايمەن ھە ئاتا؟ ئەخلەتنى ئاۋۇ ئەخلەت ساندۇقىغا تاشلايمىز ھە ئاتا ؟....دەپ بىر مۇنچە چوكۈلدەپ كەتتى. ئۆز نۆۋىتىدە كىچىك ئوغلۇمنىمۇ قۇچاقلاپ سۈيۈپ مۇكاپاتلاپ قويدۇم.  بۇ قېتىمقى قۇچاقلاپ سۈيۈشۈم ئۆزۈمىنىڭ ئوغلۇمغا بەرگەن تەربىيەمنىڭ ئۈنۈملۇك كۈچىدىن  ئۆزۈمگە بەرگەن مۇكاپاتىم ئىدى. شۇ ئارىدا كېسىشمە يول ئېغىزىغا كەلدۇق. كىلىشىمىزگىلا بىر لاي ماشىنسى قاتتىق گۈكۈرەپ قۇيۇق قارا ئىس چىقىرىپ ئالدىمىزدىنلا ئۈتۈپ كەتتى.مەن دەرھال يەنە  چوڭ  ئوغلۇمغا قاراپ : قارا ئوغلۇم ماشىنا چىقارغان كېرەكسىز گازلار ھاۋانى بەك بۇلغىۋېتىدۇ. مەكتىۋىڭلاردا  دەرىسلىكلەردە مۇشۇنىڭغا دائىر مەزمۇنلارمۇ بارمۇ ؟ دەپ سورىدىم. ئېنىقكى بۇنداق مەزمۇنلارنىڭ بار يوقلىقى ئۆزۈمگە ئايان. ئەمما مەن ئوغلۇمغا مەينەت سۆزى بىلەن بۇلغاش سۆزىنىڭ ئىشلىتىش ئورنىنى كۆرسىتىپ بېرىپ گۇناھىمنى ئازراق بولسىمۇ يەڭگىللەتمەكچى بولۋاتاتتىم  . ئاللاھقا  شۇكرىكى ئۇغۇز ئەۋلادى بولمىش ئوغلۇم ئابدۇللا مىنىڭ مەخسىدىمنى چاقماق تېزلىكىدە ھىس قىلدى ۋە ماڭا قاراپ : ھە راست ئاتا ساليوتتىن چىققان ئىس ھاۋانى بۇلغىۋەتتى دىدى .  شۇ دەمدە ئۇنىڭ چېھرىدە ئاجايىپ بىر غەلبە جىلۋە قىلاتتى.....بۇ ھەقىقى ئۇيغۇرچە غەلبە ئىدى. بۇ قېتىم ئوغلۇمنى قۇچاقلىمىدىم ھەم سۈيمىدىم. ئەمما ئۇنىڭغا رازىمەنلىك بىلەن قاراپ قويدۇم. ئوغلۇم بۇنى ھېس قىلالايتى.  شۇ تاپتا ئۇزۇن يىللق ھاردۇقۇم چىققاندەك  پۈتۈن بەدىنىم ئوغلۇمنىڭ بۇ غەلبىسىدىن ھۇزۇر ئالماقتا ئىدى.
+ t, E: g5 L7 u( _3 k# Q6 ]' D
1 |+ U. K9 f% ?6 p2013-يىلى 6-ئاينىڭ 7-كۈنى
ئاقسۇ شەھەر ساجىڭزا(قۇمقۇدۇق)تا يېزىلدى.

جام

بۇ ئادەمنى ھەقىقەتەنمۇ ئويلاندۇرىدىغان ياخشى گەپ بوپتۇ.
. m' U  Z: ~) a1 e; iمەن ھازىر خەنزۇ تىلىنى بىلمەيمەن (قىسقىسى ئۆز ھاجىتىمدىن تولۇق چىقالمايمەن). بۇنداق بولۇشىدا ئالدى بىلەن ئۆزۈمنىڭ ئەينى ۋاقىتتا تىرىشمىغانلىقىم، يەنە بىرسى شۇ ۋاقىتلاردىكى خەنزۇ تىلى ئوقۇتۇش شارائىتى، سەۋىيىسىنىڭ تۆۋەنلىكى (80-90- يىللاردىكى) سەۋەب بولغان. كېيىنكى ھاياتىمدا مۇشۇ خەنزۇ تىلىنى بىلمەسلىكنىڭ دەردىنى تارتىپمۇ قالغان، شۇنىڭ بىلەن كۆڭلۈمدە «كەلگۈسىدە بالا- جاقىلىق بولسام بالامنى چوقۇم خەنزۇچىدا ئوقۇتىمەن» دېگەن ئويغىمۇ كەلگەن، بىراق، مىللىي مائارىپ ئىشلىرىمىزنىڭ راۋاجى شۇنداقلا ھازىر ئاقسۇ ۋىلايەتلىك مائارىپ باشقارمىسىدا ئىشلەيدىغان «ئۇستازىم» بىلەن بۇ يىل ئەتىيازدا بىرقانچە سائەت ئېلىپ بارغان قىسقا سۆھبەت، مۇنبەرلەردىكى بۇ ھەقتىكى مۇلاھىزە- چاقىرىقلار، كۆز ئالدىمىزدىكى بىرقىسىم رىئاللىقلار سەۋەبىدىن، بالامنى قەتئىيلا ئۇيغۇرچە- ئانا تىلدىكى مەكتەپكە بېرىش ئىرادەم ھەسسىلەپ چىڭىدى.
مانا كۆز ئالدىمىزدا نەۋرۇز 0997 ئەپەندىم قاتارلىقلار ئۇچرىغان قىسمەتلەرنى كۆرۈپ تۇرۇپتىمىز. خەنزۇ تىلىنى بىلمىسەك بولمايدۇ، بولۇپمۇ ئەۋلادلىرىمىز تېخىمۇ شۇنداق، بىراق بۇ دېگەنلىك چوقۇم خەنزۇ مەكتەپتە ئوقۇتۇش كېرەك دېگەنلىك ئەمەسقۇ. مانا كۆپلىگەن مۇنبەرداشلىرىمىز، جەمئىيەتتە ئۇتۇق قازانغان نى- نى تالانتلىقلىرىمىزنىڭ قايسى بىرى شۇ خەنزۇ مەكتەپتە ئوقۇپ، بۈگۈنكى ئىستىدات ئىگىسىگە ئايلانغان- ھە؟ ئۇلاردىن كۆپىنچىسى ھەتتا خەنزۇ تىلىدىكى پىنيىننىمۇ بىلمەيدىغان ھالەتتە ھەممىنى نۆلدىن باشلاپ بۈگۈنكى كۈنگە كەلگەن ئەمەسمۇ.
گەپنىڭ قىسقىسى، ھازىر بالىلىرىمىزنى خەنزۇ مەكتەپكە بەرمەي، ئانا تىل مەكتەپلىرىگە بېرىپمۇ خەنزۇ تىلىنى تامامەن ئۆگەتكىلى بولىدۇ. بۇنىڭدا مەكتەپلەرنىڭ شارائىتى، جەمئىيەتتىكى مۇھىت بۇنىڭغا تامامەن يار بېرىدۇ. مەسىلەن سىرتقا چىقساقلا قەدەمدە بىر ئەشۇ خەنزۇ يولداشلارنى ئۇچرىتىمىز، ئىستىمالىمىزدىكى يېمەك- ئىچمەك، كېيىم- كېچەكلەردە، سىرتلاردىكى تۈرلۈك- تۈمەن شەيئىلەردە، قىسقىسى ھەممىلا يەردە خەنزۇ تىلى ئۆگىنىشكە، خەنزۇلارنىڭ مەدەنىيىتىنى ئىگەللەشكە باب كېلىدىغان مۇھىت تولۇپ تاشقان ھالەتتە تۇرۇپتۇ. ناۋادا بالىلىرىمىزنى خەنزۇ مەكتەپتە ئوقۇتساق، بالىمىزنىڭ ئېڭىغا تۇنجى تامغا خەنزۇلارنىڭ ئېڭى، كۆز قارشى سىڭىدۇ. ئۇلار تىل جەھەتتىلا ئەمەس بەلكى دىل جەھەتتىمۇ ئېنىقلا مىللىي خاسلىقىمىزدىن چەتنەيدۇ. مانا بۇ ھەممىدىن مۇھىم، ھەممىدىن ئېچىنارلىق ئاقىۋەت. شۇڭا مەن بالىلىرىمنى چوقۇم ئانا تىلدا تەربىيەلەيمەن، ئانا تىل مەكتەپلىرىگە بىرىمەن. ھازىرمۇ ئۆيدە مەكتەپكە كىرمىگەن بالىلىرىمغا تۇرمۇشتا ئىشلىتىدىغان سۆزلەرنى چوقۇم ئۇيغۇرچە دېيىشنى، ئاندىن شۇنىڭغا ماس ھالدا خەنزۇچىسىنى بىلىۋېلىشنى ئاساس قىلىپ تەربىيەلەۋاتىمەن. بىلىپ- بىلمەي بىرەر سۆزنى خەنزۇچە ئاتاپ قويغان بولسا (مەسىلەن تېلېۋىزور ئاتالغۇسىنى) شۇ ھامانلا ئۇنىڭ ئۇيغۇرچە نېمە دەيدىغانلىقىنى سورايمەن، ۋاقىتنى ئۇزاق بىرىپ، تەمكىنلىك بىلەن كۈتىمەن (ھەرقانچە ئالدىراش ئىشلىرىم بولسىمۇ)، پەقەتلا دەپ بېرەلمىسە ئاندىن مەن دەپ بېرىمەن، بىر قېتىم دېيەلمىسە تەكرار- تەكرار دەپ بېرىمەن (شۇ تاپتا شۇنداق قىلغاننىڭ ئۈنۈمى كۆرۈلۈۋاتىدۇ، بۇ ئەمەلىيەت).

armanjan181

ھەقىقەتەن ياخشى  يىزىپسىز     .  رەھمەت  سىزگە    بۇ كىيىن ھەممەيلەن ئۇيلىنىشقا  تىگىشلىك  مەسىلە  .يەنى بالامنى   قانداق مەكتەپتە  ئوقۇتىمەن  دىگەن  مەسىلە .   ئوبدان ئويلىنىپ  بىر ئىش قىلىش كىرەك .ئەلۋەتتە  ئۆز ئانا تىلىمىزنى ئۆزىمىز قوغدىمىساق  بىرسى قوغداپ بەرمەيدۇدە  .

rabbiy

بۇمۇ ياخشى چىقىپتۇ، تايچاقنىڭ دەريادىن ئۆتىشى دىگەن تىمىنى ئوقۇپ باقاييا مەنما، شۇ 6  ياشلىق بالىنى ئوقۇتالمىدىم دىگەن تىمىنىڭ ئىسمى نىمىكى،

KaxkarPs

Ana tilida oktup bala yahxi okusila baxka tilarnimu asanla uguniwalidu

يارئەلى

بىزنىڭ يىزىدا ناھىيە، ھەتتاكى ئۇنۇڭدىن ئورۇنلاردىمۇ خېلىلا داڭقى چىققان بىر نامدىكى ‹قوشتىل مەكتەپ› ( ئەمەلىيەتتە نوقۇل خەنزۇ تىلى) بار ئىدى. مەن بىر ئاددى دېھقان بولساممۇ ئەمدىلا ئالتە ياشقا كىرگەن قىزىمنى خەنزۇ تىلىنى پىششىق بىر ئۈگەنسىكەن دىگەن ئۈمۇت بىلەن بۇ مەكتەپكە بەرگەن ئىدىم. سەۋەبى ئۇنۇڭدىن بىر يىل ئىلگىرى ئۈرۈمچىگە دوختۇرخانىغا بىرىپ قېلىپ تىل جەھەتتە ناھايىتى كۆپ قىينالغان بولغاچ بۇ توسالغۇلار كۆز ئالىمدىن كەتمە شۇنداق قىلغان ئىدىم. قىزىم ھازىر 3-يىللىقتا،ھەر يىلى ‹‹ئۈچتە ياخشى، بەشتە ياخشى›› ئوقۇغۇچى بولۇپ باھالىنىپ ئوقۇۋاتقان لىكىن تۇرۇپلا بۇ مەكتەپتىن قايتۇرۇپ كېتىپ ئانا تىل مەكتىۋىدە ئوقۇتايمىكىن دەپ ئويلاۋاتىمەن. چۇنكى بالا كىچىك تۇرۇپلا بىزدىن ئايرىلىپ ياتاقلىق مەكتەپتە ئوقۇۋاتقان مەكتەپتە نوقۇل خەنزۇچە تەربىلىنىۋاتقان بولغاچقا ئۆز ئانا تىلى بولغان ئۇيغۇر تىلىدىن پەقەتلا ھىچنىمە بىلمىگەندىن سىرت خۇي-مىجەز خارەكتىر جەھەتتە باشقىچە بىر ئادەم بولۇپ قېلىۋاتماقتا ئىدى. لىكىن بۇ مەكتەپتىن قايتۇرۇپ ئۇيغۇر تىل مەكتەپلىرىگە ئوخشاش يىللىققا بەرسەم قىزىمنىڭ ئۇيغۇر تىلىدا يىزىش ئىقتىدارى يوق. بىرىنجى يىللىقتىن باشلاشقا بۇ يىل سەككىزگە كىرىپ قالدى. شۇڭا بىرىنجى يىللىققا بىرەيمۇ؟ياكى 3-يىللىققا بىرەيمۇ؟ ئېككىلىنىپ قېلىۋاتىمەن ئۇستازلارنىڭ يول كۆرسۈتىشىگە تەشنامەن. ئاخىردا ئىملا خاتلىقلىرىنى تۈزۈتۈپ ئوقۇپ كېتىشىڭىزلارنى ئۈمۇت قىلىمەن.

شاھيار88

بىر قېتىم ئۇقۇشقا تىگىشلىك تىما بۇلۇپتۇ

tohtaji

مېنىڭچە ئانا تىدا ئوقۇتۇڭ، شۇجەرياندا خەنزۇ تىلنىمۇ ئۆتىدۇ شۇچاغدا ھەر ئىككى تىلنى ئۈگىنەلەيدۇ،ئويىلىنىپ بېقىڭ؟

tapan

ئانا تىلنى تولۇق چۈشەنمەي تۇرۇپ ، ئۆزگە تىللارنى تولۇق چۈشەنگىلى ھەم چۈشەندۈرگىلى بولمايدۇ. بۇ ئۇستازلاردىن قالغان تەۋەرۇك جۈملە. مېنىڭ ئوغلۇممۇ سىز دىگەندەك قائىدە-تۈزۈملەردىن مۇستەسنا ئەمەسكەن. شەنبە كۈنىلا كومپىيوتىردا ئاز تولا ئويۇن ئوينىغاچ كونۇپكا تاختىسىدىكى ھەرپلەرنى ئىشلىتىشنى ئۆگۈنىدۇ. ئۇيغۇرچە ماقال-تەمسىلەردىن بىرنەچچىنى يېزىشنى بۇيرۇسام ، ‹‹ئا››ھەرىپىنى ‹‹ا›› قىلىپ يېزىپ زادىلا توغرا  يازالماپتۇ. شۇنىڭ بىلەن ئۇيغۇرچە ئاۋازلىق كونۇپكا مەشق دېتالىنى قاچىلاپ بەرسەم بەكلا جوشال بوپ كەتتى. ئوغلۇمنىڭ قىزىقىشىغا قاراپ مەنمۇ رازى بولغاندەك بوپ قالدىم.
$ g/ `* I, j# \5 i3 L% y0 f, X/ I1 }
3 E  P% q" _( `6 d' [8 O0 |+ Iتولۇقلىما مەزمۇن (2014-1-3 02:14):
2 s  L3 \% ~6 Fئاۋۇ يەردىكى خوشال دىگەن خەت خاتا بوپ قاپتۇ.ئەسلى-خوشال ئىدى.كەچۈرۈم سورايمەن.